أشياء مهمة يجب معرفتها قبل شراء BMW مستعملة

شراء عربية بي آم دبليو مستعملة اختيار مناسب جدا لو بتحب العربيات الفاخرة وفي نفس الوقت تكون مناسبة للميزانية بتاعتك، لأن طبعًا معروف أن سعر BMW الجديدة عالي جدًا بالنسبة لأسعار السيارات في 2025، بس قبل ما تاخد خطوة زي دي  لازم تعرف حاجات مهمة زي عيوبها ومميزاتها وكمان أسعار قطع غيار بي ام دبليو وهل متوفرة دايماً في السوق المصري؟، عشان كده في المقال ده من فورسواب هيكون دليلك الشامل عن  كل حاجة تخص العربية البي آم دبليو BMW المستعملة في مصر.

تقدر تشوف آلاف إعلانات العربيات البي ام دبليو BMW بأحسن أسعار في مصر المعروضة للبيع أو البدل على فورسواب في اللينك ده

نصائح قبل شراء BMW مستعملة في مصر

دي أهم نصائح تاخد بالك منها عند فحص عربية BMW قبل الشراء في مصر منها حاجات متعلقة بالشكل والهيكل الخارجي وحاجات داخلية دقيقة ومن أهمها:

1. فحص السيارة خارجياً: اتأكد أن العربية مفيهاش أي علامات تدل على وجود حوادث أو أنها مرشوشة خصوصًا رش السقف، أو فيها أي تلف في الطلاء والهيكل الخارجي، وطبعا لازم تتأكد أن الأبواب الداخلية والكبوت مافيش فيهم أي مشكلة.
2.  فحص العربية داخليا: اتاكد من سلامة المقود وافحص كل الأزرار والأجزاء الكهربائية علشان تتأكد أن كلها شغالة تمام.
3.  تجربة السيارة: لازم تجرب العربية بنفسك، سوقها لمدة كويسة عشان تتأكد أنها سليمة أثناء القيادة مظهرش أي أصوات غريبة أو وجود أي مشاكل في الفتيس.
4. التأكد من أسعار قطع الغيار: قبل شراء BMW مستعملة لازم تتأكد من أسعار قطع الغيار اللي ممكن تحتاجها، وتتأكد كمان من توافرها، لأن  قطع غيارها لأن بعض موديلات BMW صعب تلاقي قطع الغيار الخاصة بيها.
5.  فحص مستوى الزيت والسوائل: اتأكد من مستوى الزيت وعدم وجود أي تسريبات، واسأل عن صيانات العربية، وآخر مرة تم عمل صيانة ليها، وهل تم عمل أي إصلاحات كبيرة ليها ولا لأ.
6.  فحص أجزاء السيارة: اتأكد من سلامة المحرك وناقل الحركة والفرامل وأنظمة التوجيه والتعليق ولازم تفحص الإطارات كويس وتتأكد من سلامتها.
7.  طلب الأوراق:اطلب أوراق العربية واتأكد أنها سليمة ومسجلة باسم المالك الحالي، وأن الرخصة سارية، وطبعًا لازم تتأكد أن رقم الشاسيه والموتور مطابق للموجود في الرخصة.
8. التفاوض في السعر: لازم تقارن سعرها كويس جدًا، وتشوف كذا عربية، متستعجلش في الشراء، كمان قبل شراء بي ام دبليو مستعملة اتأكد أن قيمتها مش هتنزل عند البيع.
9. فحص استهلاك البنزين: افحص استهلاك البنزين واتأكد من حالته الفعلية وهل فيها مشاكل في السحب واستهلاكه ولا لأ.

ما هي عيوب سيارات بي ام دبليو BMW الشائعة؟

• استهلاك بنزين BMW: بعض موديلات BMW بتستهلك وقود بكمية كبيرة بالتالي بتكون مكلفة في البنزين جدًا.
• ارتفاع تكاليف الصيانة: قطع غيار بي آم دبليو مستعملة بتكون مكلفة بشكل كبير، خاصةً في الموديلات الأقدم، بالتالي عمل أي صيانة بتتكلف مبلغ كبير.
• صعوبة إعادة البيع: بعض الموديلات من البي ام دبليو ممكن مايبقاش عليها طلب أوي في سوق المستعمل، بالتالي إعادة بيعها بيكون صعب.
• مشاكل تقنية: بعض الموديلات القديمة من BMW بتعاني من مشاكل في الفتيس، فلازم تدور كويس عالموديلات دي قبل ما تشتري وتشوف ريفيوهات.
• عمر البطارية: أصحاب عربيات BMW بيشتكوا غالبًا من مشاكل في بطارية السيارة زي بطء بدء تشغيل المحرك.

أهم مميزات BMW المستعملة  

1. تقنيات ومميزات متطورة: عربيات البي ام دبليو بتوفر أنظمة أمان وتقنيات حديثة زي الثبات الإلكتروني ووجود حساسات ركن كمان بتشتهر بأنظمة ملاحة متطورة.
2. أداء قوي: النوع ده من العربيات معروف من زمان بقوة أدائه وسرعة استجابته للمحرك.
3. متعة القيادة: عربية بي ام دبليو مشهورة أن ليها تجربة قيادة ممتعة ومميزة جدًا.
4. تنوع الموديلات: بي آم دبليو فيها مجموعة كبيرة من الموديلات ومنها موديلات رياضية كمان فهتلاقي موديل يناسبك حسب احتياجك وميزانيتك.

أفضل موديلات BMW المستعملة في مصر

1. بى ام دبليو 320: من أشهر موديلات الفئة الثالثة ومشهورة في مصر خاصة من موديلات الF30و E90.
2. I8 بى ام دبليو  : من أكثر السيارات الرياضية المطلوبة في مصر وده بسبب أدائها العالي.
3. بى ام دبليو 318i: من أشهر موديلات الفئة الثالثة ومشهورة جدا في مصر، أدائها كويس وسعرها يعتبر اقتصادي ومناسب كقيمة مقابل سعر، لكن من أهم عيوبها إن استهلاك بنزينها مرتفع بنسبة كبيرة.
4. بي ام دبليو X3: سيارة فخمة جدًا وبتتميز بثباتها وأدائها العالي في المسافات الطويلة، لكن من أبرز عيوبها ارتفاع تكلفة صيانتها وقطع غيارها، عشان كده لازم تفكر كويس قبل اقتنائها.

عربيات بي ام دبليو مستعملة للبيع على فورسواب

 

أسعار بي ام دبليو مستعمل في مصر 2025

تختلف أسعار بي آم دبليو المستعملة بناءً على عدة عوامل أهمها حالة العربية وسنة الإصدار، وده متوسط أسعارها 2025:

1. سعر بى ام دبليو 320: يبدأ من 720,000 جنيه مصري لموديل سنة 2010  لـ 2,200,000 جنيه مصري لموديل سنة 2020.
2. سعر بى ام دبليو i8: يبدأ من 1,500,000 جنيه مصري لموديل سنة 2014 لـ 2,300,000 جنيه مصري لموديل سنة 2020.
3. سعر بى ام دبليو 318i: يبدأ من 900,000 جنيه مصري لموديل سنة 2012 لـ 1,900,000 جنيه مصري لموديل سنة 2020.
4. سعر بي ام دبليو X3: يبدأ من 1,350,0000 جنيه مصري لموديل سنة 2014 لـ 3,500,000 جنيه مصري لموديل سنة 2020.

ما هي تكلفة صيانة BMW مستعملة وأسعار قطع الغيار 2025؟

تعتمد تكلفة صيانة العربية البي ام دبليو المستعملة على عدة عوامل أهمها سنة إصدار العربية، حالة العربية وقطع الغيار المراد استبدالها ونوع الصيانة المطلوب في المجمل، آما تكلفة صيانة BMW المستعملة اللي  بدون مشاكل كبيرة زي تغيير الموتور والعفشة ممكن يكون كالتالي:

1. سعر استبدال إطارات BMW: من 40,000 جنيه مصري لـ 80,000 جنيه مصري.
2. سعر تغيير الزيت لبي ام دبليو: من 7,000 جنيه مصري لـ 14,000 جنيه مصري.
3. سعر استبدال وسادات فرامل بي ام دبليو: 14,000 جنيه مصري لـ 30,000 جنيه مصري.
4. تكلفة الفحص السنوي لعربية BMW: من 75,000 جنيه مصري لـ 100,000 جنيه مصري.

أماكن بيع عربيات BMW مستعملة موثوقة في مصر  

1. معارض البيع المعتمدة والمخصصة لبيع عربيات BMW فقط.
2. المواقع الإلكترونية في مواقع كتير بتتيح البيع والشراء مجانا بالكامل بدون عمولات من أهمهم موقع فورسواب.
3. جروبات فيسبوك تقدر تعمل سيرش عن عربيات BMW للبيع هتلاقي جروبات كتير فيها معظم الموديلات والفئات، لكن طبعا لازم تشوف العربية بنفسك وتفحصها كويس جدا وتجربها بنفسك.

كم تبلغ تكلفة تجديد BMW مستعملة؟

تحديد تكلفة تجديد عربية بي آم دبليو مستعملة بيعتمد على عوامل كتير زي أنك حابب تغير إيه بالظبط في العربية؟ إصلاحات ميكانيكية ولا تجديد هيكل أو تجديد داخلي ولا أكتر من حاجة منهم مع بعض؟ كمان أسعار قطع الغيار المستعملة هتفرق في تحديد مبلغ التجديد، لكن بشكل عام متوسط تكلفة  تجديد عربية BMW مستعملة هيكون:

1. سعر تجديد هيكل عربية BMW: زي إصلاح الصدأ، وإعادة دهان العربية، وتغيير أي جزء تالف من الهيكل يبدأ من 8,000 جنيه لـ 30,000 جنيه مصري.
2. الإصلاحات الميكانيكية: زي تغيير الزيوت والفلاتر، الفرامل، وتغيير أي جزء تالف في المحرك أو ناقل الحركة، تكلفة الإصلاحات دي بتتراوح من 2,000 جنيه لـ 70,000 جنيه مصري (في حالة تغير موتور كامل تتعدى التكلفة 100,000 جنيه مصري).
3. سعر التجديد الداخلي لعربية بي آم دبليو: زي تغيير المقاعد وتجديد التابلوه، تكلفة الجزء ده بين 10,000 جنيه لـ  30,000 جنيه مصري.

أكتر أسئلة شائعة عن العربيات BMW المستعملة

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.