أفضل أنواع مراوح سقف وحائط وستاند في مصر بالأسعار

صيف 2025 بدأ، لازم تلحق نفسك وتجيب مراوح كفاية للشقة عشان الصيف يعدي بأمان، لو لسا محتار ومش عارف تختار أنواع مراوح كويسة في السوق المصري، في المقال ده من فورسواب  هنقولك ازاي تختار أفضل نوع مروحة مناسب ليك سواء مراوح سقف أو مراوح حائط أو مراوح ستاند وكمان هنقولك أسعار المراوح في مصر 2025  عشان تقدر تحدد اختيارك المناسب للميزانية.

لو بتفكر في التكييف الصحرواي … شوف هنا التكييف الصحراوي .. هل يستحق الشراء؟ اعرف مميزاته وعيوبه وسعره

أفضل أنواع مراوح سقف في مصر بأسعار 2025 

1. مراوح توريندو
2. مراوح باناسونيك
3. مراوح فريش
4. مراوح برفكس
5. مراوح حجازي ستار

مراوح توريندو – سعر 2025 

• مروحة سقف تورنيدو تعتبر احسن نوع مروحة سقف كقيمة مقابل سعر من أهم مميزاتها أن صوتها هادي مش مزعجة ومتاح منها كذا موديل بأسعار مختلفة.
• الحجم من 56 بوصة لـ 60 بوصة.
• طريقة التحكم: مفتاح حائط.
• الإضاءة: متاح منها بدون إضاءة ومتاح مزود بإضاءة LED.
• عدد الريش: 3 ريش.
• سعر مراوح تورنيدو يتراوح من 1,800 جنيه لـ 5,070 جنيه مصري.

مراوح باناسونيك  – سعر 2025 

• مروحة باناسونيك للسقف اختيار مناسب لو الميزانية متاحة، بتتميز بتصميمات أنيقة مناسبة مع الأثاث المودرن والكلاسيك.
• الحجم 56 بوصة.
• طريقة التحكم: مفتاح حائط أو ديمر.
• الإضاءة: غير مزودة بإضاءة LED.
• عدد الريش: 3 ريش.
• السعر يتراوح من 3,280 جنيه لـ 3,500 جنيه مصري.

مراوح فريش – سعر 2025

• مراوح فريش للسقف تعتبر من أرخص مراوح سقف في مصر ومناسبة لفئة كبير من الناس، وفي منها انواع كتير، فريش بتتميز بالمراوح الديكور، وبيكون ليها كذا مستوى إضاءة سواء إضاءة خفيفة أو متوسطة أو قوية، ونوعين من الإضاءة الأصفر والأبيض.
• الحجم من 52 لـ 56 بوصة.
• طريقة التحكم: مفتاح حائط أو ديمر وفي بعض الموديلات الحديثة ريموت كنترول.
• الإضاءة: في منها بدون إضاءة وموديلات تانية بيكون فيها أكتر من إضاءة أصفر أو أبيض ومستويات مختلفة من الإضاءة.
• سعر المراوح السقف من فريش يتراوح من 1,330 جنيه لـ 3,435 جنيه مصري.

مراوح برفكس – سعر 2025

• مراوح برفكس رغم أنها ماتعتبرش قديمة في السوق لكنها أثبتت كفائتها في وقت بسيط، وموديلاتها شيك جدا، ومناسبة مع الأثاث المودرن.
• الحجم من 54 بوصة لـ 56 بوصة.
• طريقة التحكم: مفتاح حائط وفي بعض الموديلات ريموت كنترول.
• الإضاءة: في منها بدون إضاءة وموديلات تانية بيكون فيها نوعين من الإضاءة أصفر أو أبيض.
• سعر مروحة برفكس السقف يتراوح من 1,410 جنيه لـ 4,150 جنيه مصري.

مراوح حجازي ستار – سعر 2025

• مراوح حجازي ستار للسقف أداءها مناسب وسعرها كمان، موديلاتها تعتبر متقاربة ومافيهاش تنوع كبير.
• الحجم 56 بوصة.
• طريقة التحكم: مفتاح حائط أو ديمر.  
• الإضاءة: لا تحتوي على إضاءة LED.
• السعر: يتراوح من 1,750 جنيه لـ 2,380 جنيه مصري.

مرواح سقف توشيبا – سعر 2025

• توشيبا كانت بتنتج مراوح سقف كويسة جدا ومتينة، لكن للأسف توقف إنتاجها وشركة العربي (الشركة المصنعة) اكتفت بـ مراوح الاستاند من توشيبا.
• اسعار مراوح سقف توشيبا كانت بتتراوح من 1,400 جنيه لـ 2,200 جنيه مصري.

بأرخص أسعار تقدر تشتري آو تبدل اي مروحة مستعملة أو جديدة على فورسواب من اللينك ده!

أفضل أنواع مراوح ستاند في مصر بأسعار 2025

1. مروحة تيفال
2. مروحة فريش 
3. مروحة تورنيدو 

مروحة ستاند تيفال – سعر 2025

• مروحه ستاند تيفال تعتبر افضل مروحة ستاند وده لأنها بتتميز بمانع الضوضاء اللي بيخليها تشتغل في هدوء من غير أي إزعاج ده غير أدائها القوي.
• الحجم من 15 لـ 16 بوصة.
• طريقة التحكم: زر تحكم وفي بعض الموديلات ريموت كنترول.
• عدد الريش:  5- 6 ريش
• بعض الموديلات تحتوي على طارد ناموس.
• سعر مروحه تيفال استاند يتراوح من 1,689 جنيه لـ 2,654 جنيه مصري.

مروحه ستاند فريش – سعر 2025

• مراوح فريش كمراوح عمودية تعتبر من أفضل الأنواع وده لأنها قوية جدا، وبيتوافر منها كمان مراوح ستاند 18 بوصة وده مش متاح في أنواع كتير، كمان مراوح فريش تعتبر أرخص مروحة ستاند.
  الحجم من 14 بوصة لـ 20 بوصة.
• طريقة التحكم: زر تحكم وفي بعض الموديلات ريموت كنترول.
• عدد الريش: 3 – 7 ريش.
• سعر مروحه عمود فريش يتراوح من 1,410 جنيه لـ 2,300 جنيه مصري.

مروحة ستاند تورنيدو – سعر 2025

• مراوح تورنيدو متميزة بتصميمها المودرن والأنيق، وتبريدها العالي، وده بسبب قوة الريش بتاعتها، ومناسبة جدا كقيمة مقابل سعر.
• الحجم من 16 بوصة لـ 18 بوصة.
• طريقة التحكم: زر تحكم وفي بعض الموديلات ريموت كنترول.
• عدد الريش: 4 – 5 ريش.
• سعر مروحة ستاند تورنيدو يتراوح من 1,850 جنيه لـ 3,550 جنيه مصري.

 

مراوح ستاند مستعملة للبيع في مصر 2025

تقدر تشتري كل أنواع المراوح الستاند مستعملة أو جديدة بأرخص أسعار من على فورسواب من اللينك ده

 

أفضل مراوح حائط في مصر بأسعار 2025

مراوح الحائط بتوفر هواء قوي وموجه، وده لأنها بتحتوي على خاصية التذبذب (الحركة الأفقية)، فبتقدر توزع الهواء البارد بشكل فعال في كل أنحاء المكان، وده بيضمن وصول الانتعاش لأكبر مساحة ممكنة، وكمان نقدر نوجهها بسهولة لمنطقة معينة نزود فيها التبريد.

1. مراوح حائط تيفال
2. مراوح برفكس للحائط
3. مراوح حائط تورنيدو
4. مراوح حوائط كاسيل 

مروحة حائط تيفال – سعر 2025

• مروحة حائط تيفال معروفة بهدوء صوتها وكفاءتها في توزيع الهواء، وكمان خاماتها متينة وعمرها الافتراضي طويل, تصميمها بسيط وعملي، وبتدّي تبريد مناسب جدًا للمساحات المتوسطة.
• الحجم: 16 بوصة.
• طريقة التحكم: زر + ريموت كنترول في بعض الموديلات.
• عدد الريش: 3 – 6 ريش بلاستيك.
• السعر: من 1,800 جنيه لـ 2,400 جنيه مصري تقريبًا.

مروحة حائط برفكس – سعر 2025

• مروحة حائط برفكس مشهورة إنها اقتصادية وعملية، وأداءها جيد جدًا بالنسبة لسعرها، بتدي تهوية كويسة ومناسبة للغرف الصغيرة أو المتوسطة، وكمان صوتها هادي نسبيًا.
• الحجم: من 16 بوصة لـ 21 بوصة.
• طريقة التحكم: زر تقليدي (وفي بعض الموديلات ريموت).
• عدد الريش:3 – 5 ريش.
• السعر: من 1,500 جنيه لـ 2,200 جنيه مصري تقريبًا.

مروحة حائط تورنيدو – سعر 2025

• مراوح تورنيدو حائط بتجمع بين الأداء القوي والتصميم العملي، وكمان صوتها مش عالي وبتوزع الهواء بكفاءة، مناسبة جدًا للي عايز جودة وسعر مقبول.
• الحجم: من 16 لـ 18 بوصة.
• طريقة التحكم: زر وفي موديلات تانية فيها ريموت كنترول.
• عدد الريش: 4 – 5 ريش.
• السعر: من 1,500 جنيه لـ 2,700 جنيه مصري تقريبًا.

مروحة حائط كاسيل – سعر 2025

• مروحة حائط كاسيل تعتبر من الحلول المراوح الكويسة، خاماتها معقولة وكفاءتها مناسبة، والتهوية جيدة، وسهلة التثبيت على الحائط.
• الحجم: من 16 لـ 20 بوصة.
• طريقة التحكم: زر تحكم (وفي بعض الأنواع ريموت).
• عدد الريش: 3 – 4 – 6 ريش.
• السعر: من 1,700 جنيه لـ 3,400 جنيه مصري تقريبًا.

 

أرخص مراوح حائط 2025

ارخص مروحه حائط من الأنواع اللي كفاءتها متوسطة هي ATA وسعرها يتراوح من 450 جنيه لـ 1,050 جنيه مصري.

خطوات بيع مروحة مستعملة على فورسواب 2025

لو عندك مروحة مستعملة أي نوع وعايز تبيعها بسعر كويس وبسهولة.. جرب الخطوات دي

1. سجل على موقع فورسواب أو من خلال الأبليكشن.
2. صور المروحة كويس: خد صور واضحة من كل الزوايا توضح حالتها. (شوف هنا أفضل تطبيقات لتصوير المنتجات باحتراف بالموبايل)
3. اكتب وصف شامل: وضّح حالة المروحة بالتفصيل.. الموديل والمواصفات.
4. حدد السعر المناسب: شوف أسعار المراوح المستعملة في السوق واختار سعر تنافسي.
5. انشر الإعلان: اختار فئة “أجهزة منزلية” على فورسواب وضيف إعلانك مجاني.
6. تواصل مع المشترين: تابع الرسائل والتعليقات عشان ترد بسرعة وتوصل لأفضل عرض.