لعشاق عزف آلة الكمان .. أفضل أنواع الكمان بالأسعار

الكمان من الآلات الموسيقية اللي ظهرت في القرن السادس عشر، وانتشرت عزف الكمان أكتر في القرن السابع عشر، ورغم أنها من الآلات القديمة لكنها ما زالت محبوبة لحد دلوقتي وفيه ناس كتير بتفكر تتعلمها لو انت من الناس دي وعايز تعرف أكتر عن أنواع الكمان واحجامها وكمان بتسأل عن كم سعر الكمان في مصر 2025، المقال ده من فورسواب هيجاوبك بالتفصيل عن كل أسئلتك اللي تخص عشاق الكمانجا سواي للمبتدئيين أو المحترفين، مش بس كده هتعرف بالتفصيل خطوات بيع كمنجة مستعملة على فورسواب بسهولة.

لو ناوي تشتري كمانجا مستعملة أو أي ألات موسيقية مستعملة بأسعار أرخص من الجديد، شوف كل إعلانات البيع والبدل على فورسواب هنا.

أنواع الكمان بالصور وأسعارها 2025

1. كمان الباروك.
2. كمنجة كلاسيكي أو حديثة.
3. كمان ستروه.
4. كمانجا ذو خمسة أوتار.
5. كمانجا الهاردانجر.
6. كمنجة شبه كهربائية.
7. الكمان الكهربائي.
8. الكمان الصامت.

دي أنواع  الكمنجات وبتختلف حسب طريقة تصنيعها ومواد صنعها وعدد الأوتار والخامة اللي بتتصنع منها الأوتار ده غير شكل الكمان نفسه، هنتكلم في النقط الجاية أكتر عن أنواع الكمان بالصور والمزاصفات زأسعار 2025.

كمان الباروك – سعر 2025

كمان الباروك – سعر 2025

• كمان الباروك من أنواع الكمان المصنوعة من الخشب ليه 4 أوتار مصنوعين من أحشاء الماشية زي الماعز، وانتشر من القرن ال17 للقرن ال18، وكان بيتميز بقوس قصير مقارنةً بباقي الأنواع، وماكانش بيتم استخدام مسند الذقن أو الكتف فيه، وكان العازفين بيضبطوا الأوتار على نغمات منخفضة، فكان صوت كمان الباروك دافئ وجميل.
• سعر كمان الباروك 2025 في مصر:  من 1500 إلى 5000 جنيه مصري.

الكمان الكلاسيكي أو الحديث – سعر 2025

كمان كلاسيكي أو حديث – سعر 2025

• تم استحداث الكمان الكلاسيكي من كمان الباروك وهو نوع متطور عنه وأكثر انتشارًا، مصنوع من الخشب وليه 4 أوتار مصنوعة من الفولاذ الصلب والعادي، تم تطويره بزيادة طول الرقبة وتغيير بعض الخصائص فأصبح صوته أعلى، وهو من الأنواع الموجودة في كل مكان وبيتم استخدامه لحد دلوقتي.
• متاح موديلات كتير من الكمنجات الكلاسيكي  وسعره بيتراوح بين 2000 إلى 15000 جنيه مصري.

كمانجا ستروه – سعر 2025

كمانجا ستروه – سعر 2025

• من أنواع الكمان اللي مش منتشره، صممه المهندس الألماني جون ستروه في أواخر القرن ال19 ونسب اسمه لنفسه، تم تصنيعه من خشب الماهوجني وليه 4 أوتار فولاذية، وقام ستروه بتطويره علشان يكون صوته أعلى عن طريق بوق معدني موصول بجسم الكمان وبتوصله ترددات الأوتار من حجرة معدنية صغيرة مربوطة فيه.
• سعركمانجا ستروه في مصر 2025 حوالي  من 3000 إلى 6000 جنيه مصري.

كمنجة ذو خمسة أوتار – سعر 2025

كمنجة ذو خمسة أوتار – سعر 2025

• كمان مصنوع من الخشب لكن ليه 5 أوتار مش 4 زي الكمان التقليدي، كمان هيكله أعرض وأعمق، والغرض الأساسي من الكمان ده هو السماح للعازفين بالارتجال وصنع موسيقى مختلفة وبيتم استخدامه أكتر في موسيقى الجاز.
• سعر الكمانجا ذو خمسة أوتار يترواح بين 4000 إلى 10000 جنيه مصري.

كمان الهاردانجر – سعر 2025

كمان الهاردانجر – سعر 2025

• الهاردانجر من أنواع الكمان اللي يُعتبر الآلة الموسيقية الوطنية في النرويج، وهو مصنوع من الخشب وأوتاره معدنية، ومن أكتر الحاجات اللي بتميزه عن باقي الأنواع هي الرسومات والنقوشات بالحبر الأسود الموجودة عليه.
• سعركمنجة هاردانجر في مصر 2025  بين 5000 إلى 15000 جنيه مصري.

الكمان شبه الكهربائي – سعر 2025

كمان نصف كهربائي – سعره 2025

• يُطلق عليه كمان الكمان نصف الكهربائي لأنه من آنواع الكمان اللي بتجمع بين الكمان الصوتي التقليدي والكمان الكهربائي، مصنوع من الخشب وليه 4 أوتار معدنية، وشكله شبه الكمان العادي وليه صندوق صوتي لكن بتتم إضافة المكبرات ولاقطات الصوت على جسر الكمان، وممكن العازف يستخدمه مع الأدوات المكبرة للصوت أو من غيرها، وبيتميز النوع ده عن باقي أنواع الكمان بالاختيارات المتنوعة اللي العازف يقدر عزفها.
• سعره في مصر 2025 حوالي من 3000 إلى 8000 جنيه مصري.

الكمان الكهربائي – سعر 2025

كمان كهربائي

• النوع ده من الكمان لا يحتوي على صندوق صوتي وشكله مختلف عن أنواع الكمان التانية لأنه مفيش فيه جسم كامل لكن بيقتصر جسم الكمان الكهربائي على إطار أو جسم صلب فاضي من النص، وبيختلف في طريقة عمله عن باقي الأنواع، وبيحتاج مكبرات صوت ولاقطات لإخراج الصوت، وطريقة عزفه شبه الكمان نصف الكهربائي، الكمان الكهربائي بيحول ترددات الأوتار إلى اللاقطات بعد كده بيتم تضخيم الصوت بالمكبرات، لأن صوت الكمان الكهربائي منخفض بدون المكبرات.
• سعر الكمان الكهربائي في مصر 2025 حوالي من 4000 إلى 20000 جنيه مصري

الكمان الصامت – سعر 2025

الكمان الصامت – سعر 2025

• يُعتبر الكمان الصامت أفضل أنواع الكمان للمبتدئين أو اللي لسا بيتعلم لأنه مزود بسماعات بتخلي الشخص اللي بيعزف هو لوحده اللي قادر يسمع صوت العزف وده هيسهل عليه التعلم من غير إزعاج الناس حواليه، لكن مشكلته أن تكلفته عالية وهتحتاج تشتري نوع كمان تاني بعد ما تتعلم عشان تقدر تعزف وتسمع اللي حواليك.
• سعر الكمان الصامت 2025 حوالي 12000 جنيه مصري.

أفضل أنواع الكمان للمبتدئين 2025

1. كمانجا Suzuki
2. كمانجا Knilling
3. كمانجا Mendini
4. كمنجة Cremona
5. كمنجة Fitness

أفضل أنواع كمان للمحترفين 2025

1. كمان Guarneri 
2. كمان Stradivarius

أفضل أنواع الكمنجات الكهربائية 2025

• Yamaha 
• Zeta

أحجام الكمان أو الكمنجات

بعد ما اتكلمنا عن أنواع الكمان تعالى نعرف أكتر عن أحجام الكمان وازاي تختار الحجم المناسب ليك، فيه مقاسات كتير للكمان وتصنيفات للمقاس وعلاقته بالتكوين الجسدي الشائع عن كل فئة عمرية معينة، فمثلًا

• 1/8 يناسب الفئة العمرية 3 : 5 سنوات
• 1/4 يناسب الفئة العمرية 6 : 8 سنوات
• 1/2 يناسب الفئة العمرية 8 : 10 سنوات
• 3/4 يناسب الفئة العمرية 10 : 15 سنة
• 4/4 يناسب الفئة العمرية 15 : فما فوق

وفيه طرق أدق تقدر تحدد بيها مقاس الكمان الأنسب ليك، من أسهل وأشهر الطرق دي أن؛ تفرد ذراعك أمامك وتقيس المسافة بين ذقنك وقبضة إيدك، الناتج ده هو هيكون طول الكمان المناسب بشكل تقريبي، وبالمقارنة بين طول الكمان والمقاس اللي اتكلمنا عنه في الفقرة السابقة هنلاقي أن دي الأطوال التقريبية لكل مقاس:

• 1/8 > 44 سم
• 1/4 > 49 سم
• 1/2 > 52.5 سم
• 3/4 > 56.5 سم
• 4/4 > 60 سم

كم سعر الكمان في مصر 2025؟

سعر الكمان متفاوت جدًا وهتلاقي رينج كبير أوي زي أسعار الموبايلات كده ممكن تلاقي أنواع كمان بتبدأ أسعارها من 2000 جنيه مثلًا لحد أسعار بتوصل ل100 ألف جنيه أو أكتر! الاختلاف الكبير ده في اسعار الكمان بيكون حسب نوع الكمان، وجودة تصنيعه، وطريقة تصنيعه يدوي أو آلي، والخامات المُستخدمة لتصنيعه، نصيحتنا ليك ماتختارش أرخص أنواع الكمان لأنها غالبًا جودتها هتكون رديئة وهتكون مُتعبة جدًا ليك كمبتدى وبتحاول تتعلم، وممكن تصيبك بالإحباط، أو أنك تلاقي أن صوت عزف الكمان مُزعج.

• سعر الكمان الكهربائي في مصر في حدود 7500 جنيه.
• سعر كمانجا فتنس في مصر في حدود 3400 جنيه.

كيف أختار أفضل أنواع الكمان للمبتدئين؟

هنعرّفك هنا على شوية نصايح تاخد بالك منها وانت بتشتري عشان توصل ل أفضل أنواع الكمان للمبتدئين:

1. ما تروحش تشتري كمان لوحدك أبدًا وأنت لسا مبتدئ ومش فاهم في الأنواع أو عارف الأسعار لازم يكون معاك حد محترف يساعدك في الاختيار ويكون عارف متوسط اسعار الكمان للمبتدئين في مصر.
2. ما تختارش أرخص نوع كمان لأنه هيضُرك أكتر ما هيفيدك، ممكن أصلًا يكرهك في عزف الكمان بسبب المشاكل اللي هتقابلك فيه أو جودة تصنيعه ورداءة صوته.
3. ما تكتفيش بمعرفة ماركات الكمان أو شركات تصنيعه لازم كمان تعرف أكتر عن موديلات كل شركة وإيه أفضل موديل من كل نوع أو شركة، لأن مستوى الموديلات بيختلف داخل الشركة الواحدة.
4. جرّب الكمان قبل ما تشتريه وغالبًا لأنك لسا مبتدئ هيكون صعب عليك العزف عليه باحترافية فممكن تستعين بالشخص المحترف اللي هيكون موجود معاك وأنت بتشتري.

خطوات بيع كمان مستعمل على فورسواب 2025

1. سجل على الموقع أو أبليكشن فورسواب.
2. جهّز الكمان: نظّفه، واكتب مواصفاته (مثل الماركة، الحالة، السنوات المستخدم).
3. صور الكمانجا كويس: خد صور واضحة من زوايا مختلفة، وضّح أي عيوب أو مميزات.
4. نزل  الإعلان على فورسواب مجاناً: اكتب وصف جذّاب مع السعر، واستخدم كلمات مفتاحية زي “كمان مستعمل للبيع”.
5. تابع الرسايل ورد بسرعة: قابل الرسايل والسؤال بسرعة وكن لطيف مع المشترين.
6. اتفق على التفاصيل: حدد طريقة الدفع (كاش أو تحويل) ومكان التسليم (مقابلة أو شحن).

أسئلة شائعة عن الكمنجات 2025

كم عدد أنواع الكمان الموجودة؟

في حدود 7 أنواع كمان تقريبًا.

ما هي أسماء عائلة الكمان؟

الكمان والفيولا والتشيللو والكونترباص واسم الكمان الكبير هو التشيللو.

ما هو أفضل نوع من الكمان؟

السؤال ده صعب وعام شوية، لكن زي ما اتكلمنا أن أفضل أنواع كامنجا للمبتدئين Suzuki & Mendini وأفضل انواع كمان للمحترفين Stradivarius & Guarneri.

كم سعر الكمان الأصلي؟

يختلف سعر الكمان الأصلي بشكل كبير حسب نوع الكمان ممكن يبدأ من إلى 500 دولار لكمانات المبتدئين، ومن 500 إلى 2000 دولار للكمانات المتوسطة، أما عن كمان المحترفين بيكون أعلى من 2000 دولار وممكن يوصل لعشرات الآلاف مع الأنواع المعروفة.

ما الفرق بين الكمان والتشيلو؟

التشيلو من عائلة الكمان لكنه أنواع الكمان الكبير.

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.