أحدث ألوان دهانات حوائط 2025 .. واللون المناسب لكل غرفة

بتشطب بيتك أو بتعيد دهانه وبتفكر تغير ألوانه؟ لو بتدورعلى أفضل أنواع الدهانات و أحدث ألوان دهانات حوائط 2025 فأنت في المكان الصح لأننا في المقال ده من فورسواب هنجاوبك على كل أسئلتك وهنمشي معاك خطوة خطوة علشان تقدر تستقر على دهانات حوائط مُريحة ليك وتخليك تحس بالهدوء والسعادة طول الوقت في بيتك.

لو عند أي قطعة آثاث ملهاش لازمة ومش محتاجها، تقدر تبيعها أو تبدلها على فورسواب، سجل مجاني هنا وضيف إعلانك!

أفضل أنواع دهانات حوائط 2025 وأسمائها

دايمًا الاهتمام في اختيار دهانات الحوائط بيكون بالألوان أكتر من الأنواع وده طبعًا خطأ شائع لأن اختيارك نوع دهان جيد هيوفر عليك مشاكل كتير ممكن تقابلك بعد كده، علشان كده هنعرفك هنا على أفضل أنواع دهانات الحوائط 2025 وهي:

دهانات حوائط بلاستيك

لو بتسأل ما هو أفضل دهان للحوائط؟ هتكون الإجابة بنسبة كبيرة هي الدهانات البلاستيك لأنها بتوفر مميزات كتير مش موجودة في أنواع دهانات حوائط تانية، كما متوفر منها 3 أنواع وهي (اللامع – نصف اللامع – المطفي).

مميزات دهانات البلاستيك

1. سهولة التنظيف بالماء والصابون.
2. سُرعة جفافها على الجدران.
3. وجود ألوان كتير تتيح حرية الاختيار.

لو ناوي تغير مطبخ قريب يبقى المقال ده هيفيدك  … بالصور: أفضل أنواع المطابخ وأسعارها .. ومميزات كل نوع

عيوب دهانات البلاستيك

• النوع ده من دهانات الحوائط مش مناسب للأماكن اللي فيها رطوبة لأن قدرته على تحمل الرطوبة ضعيف.
• لا يستخدم لطلاء الأسطح الخشبية.

الدهانات الزيتية

دهانات الحوائط الزيتية من الأنواع الموجودة من زمان والمعروفة والمنتشرة وهي زي كل حاجة ليها مميزات وعيوب.

مميزات الدهانات الزيتية:

• ألوانها غنية ولامعة.
• تتحمل الظروف المناخية زي الرطوبة عكس الدهانات البلاستيكية.
• يمكن استخدامها مع مختلف أنواع الأسطح.

عيوب الدهانات الزيتية:

• قلة خيارات الألوان فيها.
• صعوبة تنظيفها.
• غير صديقة للبيئة وممكن تكون ضارة عند استنشاق رائحتها.
• قابلة للتشقق مع مرور الوقت.

الدهانات المائية

تُعتبر زي الدهانات الزيتية ليها مميزات وعيوب لكنها بتتفوق عليها في بعض الحاجات.

مميزات دهانات الحوائط المائية:

• سهولة تنظيفها.
• سرعة جفافها بعد الطلاء.
• عدم إصابتها بالعفن.
• توفر خيارات متنوعة من الألوان.

عيوب الدهانات المائية

• ممكن تتشقق لو اصطدمت بيها قطعة أثاث.
• ممكن تتقشر لو اتعرضت للماء وأصبحت رطبة.
• لا تتميز بالملمس الناعم زي الدهانات البلاستيكية.

دهانات القطيفة

النوع ده من دهانات الحوائط من أفخم وأفضل أنواع الدهانات لكن طبعا ليه بعض العيوب.

مميزات دهانات حوائط قطيفة:

• مظهر أنيق وفخم.
• ثبات عالي وجودة كبيرة
• سهولة التنظيف.

عيوب الدهانات القطيفة:

• ارتفاع أسعاره.
• محدودية خيارات الألوان فيه.

فيه أنواع دهان حوائط تانية زي دهانات الأيبوكسي ودهانات الجير لكن منقدرش نضمها لقايمة أفضل أنواع دهانات الحوائط 2025 لأن عيوبها أكتر من مميزاتها واستخدامها محدود جدًا.

أسعار دهانات الحوائط 2025

بعد ما عرفنا كل تفاصيل دهان الحوائط باقي نتكلم أكتر عن أسعار دهانات الحوائط 2025 والحقيقة أنه صعب تحديد رقم معين لأن الدهانات ليها أنواع كتير جدًا غير أنها كمان متوفرة بعلامات تجارية وشركات مختلفة، لكن مُمكن نعرف متوسط أسعار لأفضل أنواع دهانات حوائط ذكرناها زي مثلا متوسط أسعار دهانات حوائط بلاستيك في حدود من 200 إلى 400 جنيه لسعة ال5 لتر للأنواع الرخيصة أو المتوسطة، أما الأنواع الجيدة بتبدأ من 500 جنيه وأكثر. 

بالصور: موضة أحدث ألوان دهانات حوائط 2025

موضة الوان حوائط 2025 هي الألوان الترابية الدافئة زي البيج بدرجاته والبني الفاتح والزيتوني والرصاصي ومن أفضل الألوان دي أو نقدر نقول لون عام 2025 هو لون الموكا (Mocha Mousse) وفي الصور اللي جاية هنعرض عليك أفكار دهانات حوائط جديدة.

ما هو لون دهانات الحوائط المناسب لكل غرفة؟

وانت بتدور على دهانات حوائط 2025 ركز أنك مش بس تختار ألوان دهانات حوائط حديثة من غير تنسيق أو تحديد كل لون منهم هيناسب الغرفة اللي هيتدهن فيها ولا لا، وهل الدهانات دي مناسبة للأثاث والديكور أو لا، علشان كده هنجاوب هنا على سؤال ما هي أفضل ألوان دهان الحوائط؟ مع تحديد الألوان المناسبة لكل غرفة.

أحدث ألوان دهانات حوائط للصالة

اختار الألوان المحايدة زي الأبيض أو البيج بدرجاته أو الوان دهانات حوائط هادئة رصاصي علشان تكون مُريحة للعين ويكون فيه مرونة أكبر وقابلية لاختيار ألوان متنوعة للأثاث والستائر والديكورات.

أحدث ألوان دهانات حوائط غرفة النوم

في غرفة النوم ممكن تختار الوان دهانات حوائط هادئة توصل الشعور بالأمان والاستجمام زي درجات اللون الأزرق الفاتح أو اللي بيتقال عليه سماوي، كمان درجات اللون الأخضر الهادية زي مينت جرين مثلًا من الألوان المُريحة، لكن لو حابب تنوع أكتر في الديكورات وتلعب بالألوان في الستاير والأثاث فممكن تختار الوان حوائط أبيض أو بيج فاتح علشان تضمن عدم وجود تضارب في الألوان.

 

ما هي أفضل ألوان دهانات غرف الجلوس؟

غرف الجلوس أو غرف المعيشة اللي بتقضي فيها معظم يومك، اختار ألوان دهانات حوائط مريحة لعينك وبتحبها، هنا ممكن نختار الوان الدهانات الجديدة الجريئة أكتر من غرفة النوم والصالة زي درجات الأصفر أو البرتقالي علشان توفر إحساس بالبهجة والحماس، لكن لو الألوان دي مش هتكون مُريحة لعينك فتقدر تختار الوان دهانات حوائط هادئة لأن الموضوع مالوش قواعد دايمًا بيكون ذوق شخصي وراحة نفسية.

ألوان دهانات حوائط غرف نوم الأطفال

اختار الوان دهانات حديثة ومُبهجة زي درجات الوردي والبينك لو هي غرفة بنات أو درجات الأزرق والأصفر لو غرفة ولد، لكن لازم لو هتختار درجات جريئة زي دي تكون عامل تناسق مع ألوان الأثاث والستائر والديكورات علشان ميطلعش شكل الغرفة في النهاية زحمة أو موتر للأعصاب، لو اخترت أثاث فيه تفاصيل كتير وألوان في الحالة دي اختار الوان دهانات حوائط هادئة 2025 زي اللي اتكلمنا عنهم قبل كده وهي الألوان الترابية.

 

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.