بالصور أحدث فساتين زفاف للمحجبات .. وإزاي تبيعي فستانك المستعمل

موسم الأفراح بدأ خلاص، لو انتي عروسة وبتدوري على فستان زفاف مميز بذوق معين، في المقال ده من فورسواب هنقولك كل حاجة عن فساتين زفاف للمحجبات سواء كنتِ بتفضلي فستان زفاف ملكي فاخر، أو فستان زفاف بسيط للمحجبات، الخيارات بقت واسعة جدًا ومتنوعة، كمان هنقولك إزاى تبيعي فستانك المستعمل القديم أون لاين.

لو عندك مناسبة قريب شوفي هنا أحدث موديلات فساتين سوارية للمحجبات .. 20 موديل هتحتاري بينهم!

موضة فساتين أفراح للمحجبات 2025

السنة دي الموضة اتجهت أكتر في فساتين زفاف للمحجبات 2025 للتصاميم الناعمة والمحتشمة، فساتين زفاف محجبات محتشمة هي الخيار الأفضل للعرايس اللي بتدور عن فساتين جميلة وهادية في نفس الوقت.

في اللينك ده هتلاقي آلاف فساتين الزفاف للمحجبات المعروضة للبيع أو للبدل على فورسواب .. اختاري المناسب لميزانيتك!

أنواع فساتين الزفاف

• فساتين فرح محجبات سيمبل مناسبة مع الأفراح البسيطة أو كتب كتاب فقط بدون فرح.
• فساتين زفاف ناعمة بخامات زي التُل والدانتيل مع الأفراح المتوسطة.
• فستان زفاف ملكي مع طرحة طويلة وده مناسب للعرايس اللي بتفضل فستاين زفاف فخمة للأفراح الكبيرة.

موديلات فساتين زفاف للمحجبات 2025

فساتين الزفاف المصرية حاليًا بقت من أكتر الفساتين المطلوبة، وده بسبب أنها بتجمع بين الذوق الشرقي والمودرن في نفس الوقت، بقى في مصممين مصريين مشهورين بتصاميمهم وشاطرين جدًا، لو ميزانيتك تسمح اختاري مصمم فساتين شاطر هيعملك كل التفاصيل اللي محتاجاها في فستان زفافك وهيطلعك زي ما تحبي. 

نصائح قبل شراء فستان زفافك؟

عشان تختاري فستان الزفاف المناسب ليكي محتاجه تمشي على مجموعة خطوات هتساعدك، ودي شوية حاجات لازم تخلي بالك منها لما تيجي تختاري فستان زفافك.

1. تحديد ميزانيتك: حطي ميزانية محددة لفستان زفافك عشان تقدري تركزي على الفساتين اللي تناسب ميزانيتك. 
2. تحديد شكل جسمك: معرفة شكل جسمك هيساعدك تختاري الستايل اللي هيليق على شكل جسمك ويخفي عيوبه ويظهر جمالك (الساعة الرملية، التفاحة، الكمثرى،  المستطيل، المثلث المقلوب).
3. تحديد الستايل اللي يناسب ذوقك الشخصي: اختاري فستان يناسب شخصيتك سواء كان كلاسيك أو مودرن.
4. تحديد نوع القماش: اختاري القماش اللي يعجبك، لكن في نفس الوقت يكون مناسب للفستان اللي اخترتيه، وده لأن اختلاف الأقمشة ليها تأثير على المظهر العام، مثلا القماش التقيل زي الستان بيدي مظهر منظم وفخم، لكن الأقمشة الخفيفة زي الشيفون بيدي مظهر انسيابي وناعم أكتر، واختيار القماش المناسب لنوع جسمك هيظهر جمال الفستان، ويخليكي مرتاحة بشكل كبير.
5. جربي فساتين مختلفة: جربي فساتين كتير واستايلات مختلفة لحد ما توصلي للفستان اللي يناسبك ويبين جمالك وتكوني مرتاحة وواثقة في مظهرك وانتي لبساه.
6. اختاري الإكسسوارت المناسبة: الإكسسوارات المناسبة هتبرز جماله وتخلي الفستان شكله أحلى عليكي، زي اختيار الحلق والعقد المناسبين لشكل الفستان، ده هيبرز ملامحك ويبين جمال الفستان.
7. اللمسات النهائية: زي ما اهتمينا بالفستان وقماشته وشكله، اهتمي بالتفاصيل البسيطة زي: شكل الأكمام، الديل والقصة بتاعته، طرحة الفستان، ده كله هنختاره بناءً على شكل جسمك والفستان. 
8. اختيار الوقت المناسب: ابدأي دوري على الفستان قبل الزفاف بفترة كويسة،عشان يكون عندك مساحة من الوقت لتجربة الفساتين وتعديلها حسب الحاجة. 

 

فساتين زفاف للبيع على فورسواب 2025

عشان تختاري فستان زفاف مناسب ليكي لازم الأول تعرفي شكل جسمك وبناءً عليه هتحددي الفستان المناسب لشكل جسمك، فيه 5 أشكال أساسيين (جسم المثلث المقلوب، الجسم الكمثري، الجسم التفاحة، الجسم المستطيل، جسم الساعة الرملية)، كل شكل جسم من دول هيليق عليه فستان معين.

شكل الجسم المثلث المقلوب

لو جسمك واخد شكل المثلث المقلوب، مع أكتاف عريضة مقارنة بالأرداف، الفساتين المتعددة الطبقات أو الفساتين المنفوشة هي الخيارات المناسبة لتحقيق التوازن في شكل الجسم.

شكل الجسم الكمثري

لو جسمك على شكل كمثري، بيتميز بأرداف ممتلئة وعريضة وخصر رفيع، يبقى اختيار الفساتين بقصة حرف الـ A تعتبر الخيار المناسب لأنها بتخفي الأرداف الممتلئة، ويفضل اختيار الفساتين المزودة بحمالات رفيعة لإعطاء الأكتاف عرض أكبر، واللي هيخلي شكل جسمك متوازن، وحاولي تختاري فساتين فيها نقشة في القماش هتكون مناسبة جدا.

شكل الجسم التفاحة

لو جسمك على شكل تفاحة، بيتميز بامتلاء في منطقة البطن مقارنة بالأرداف والأكتاف، اختاري فستان زفاف بوسط عالي يبدأ أسفل الصدر أو عند أرفع نقطة من الوسط ويكون نازل على واسع منفوش، وتجنبي الفساتين الضيقة في منطقة الوسط أو المنفوشة جدًا أو فساتين عروسة البحر، لأنها هتكبر من حجم منطقة البطن.

شكل الجسم المستطيل

لو جسمك على شكل مستطيل، بيتميز بتساوي عرض الأكتاف والأرداف والخصر، يبقى محتاجة تختاري فستان يزود من تدويرة الجسم أو تبرز منحنياته زي فستان  ديل السمكة أو الفساتين الضيقة، كمان فساتين الأميرات والفساتين اللي على شكل حرف الـA هتخلي جسمك شكله  مثالي وتبرز جماله.

شكل الجسم الساعة الرملية

لو جسمك على شكل الساعة الرملية، بيتميز بأكتاف وأرداف متساوية في العرض ووسط نحيف، الشكل ده بيليق معاه كذا استايل من فساتين الزفاف، زي قصة عروسة البحر والفساتين المنفوشة وكمان الفساتين اللي بتاخد شكل حرف الـ A ، القصات دي بتبرز جمال جسم الساعة الرملية بشكل مثالي.

إزاي تبيعي فستانك المستعمل القديم أون لاين على فورسواب؟

1. سجلي على موقع فورسواب أو من خلال الأبليكشن.
2. نضفي الفستان كويس جدًا وصوريه صور واضحة وجذابة توضح حالته.
3. اكتبي مواصفاته كاملة زي مقاس الفستان والعلامة التجارية بتاعته ونوع القماش وعدد مرات إستخدامه ولو متاح شحن أو لأ ومكانك.
4. حددي السعر المناسب: شوفي أسعار الفساتين المستعملة في السوق من نفس النوع واختاري سعر تنافسي.
5. انشري الإعلان: اختاري فئة “موضة وجمال” على فورسواب وضيفي إعلانك مجاني.
6. تواصلي مع المشترين: تابعي الرسائل والتعليقات عشان تردي بسرعة وتوصلي لأفضل عرض.

أسئلة شائعة عن فساتين الزفاف

تقدر تعرف أكتر عن مواضيع مدونتنا في مجالات الموضة والجمال والعقارات والسيارات والموبايلات وجميع أقسامنا من هنا