موتوسيكلات للبيع: طريقة فحص موتوسيكل مستعمل من غير فني

سعر الموتوسيكل بيختلف على حسب حالته ونوعه، احتمالية أنك تلاقي موتوسيكل ب 5000 جنيه موجودة، لكن بنسب كبيرة جدا هيكون مش شغال وهيحتاج مبلغ كبير عشان يبقى صالح للاستخدام.

سعر الموتوسيكل بيختلف على حسب حالته وموديل سنة كام، متوسط سعر دايون 4 مستعمل من 15,000 جنيه مصري لـ40,000 جنيه مصري.

كيف تشتري موتوسيكل مستعمل؟ أول حاجة لازم تعرف انت محتاجه لإيه بالضبط؟ محتاجه استخدام يومي ولا لا، عدد الكيلومترات المتوقع تمشيها في اليوم هتساعدك تحدد النوع اللي هتحتاجه، وبعد كده حدد ميزانيتك وابدأ دوّر، وطبعا لازم تشوف كذا موتوسيكل قبل ما تشتري وتقارن الأسعار كويس.

اتأكد من صوت الموتور أن مفيش صوت غريب زي تكتكة أو طقطقة.1.
2. اتأكد من سحب البنزين وسلامة الفرامل.
3. افحص الإطارات واتأكد أن مفيهاش مشكلة.

إزاى تتفادى النصب في الموتوسيكلات المستعملة:
1. لازم تتأكد من رقم الشاسيه من خلال الويب سايت الخاص بالمرور أو من المرور نفسه اللي الموتوسيكل تابع ليه، لو الموتوسيكل مسروق هيبقى الرقم مختلف.
2. اسأل الشخص اللي هتشتري منه لو هو أول مالك ليه أو لا واطلب الأوراق اللي بتثبت ملكيته، لو رفض يبقى الموتوسيكل ده مسروق.
البيع لازم يتم بأوراق رسمية وعقد قانوني غير كده ممكن يكون في نصب ويبقى الموتوسيكل مسروق. 3.

سعر موتور الموتوسيكل يختلف باختلاف نوع الموتوسيكل وحالة الموتور جديد أو مستعمل ولو مستعمل مدة استعماله، لكن في المتوسط سعر الموتور المستعمل يبدأ من 2,500 جنيه مصري لـ 55,000 جنيه مصري، وسعر الموتور الجديد يبدأ من 7,000 جنيه مصري لـ 120,000 جنيه مصري.

في مواقع أونلاين بتوفر البيع والشراء سواء موتوسيكلات للبيع مستعملة أو جديدة هتلاقى أو حتى جديدة هتلاقي كل أنواع الموتوسيكلات على موقع فورسواب ودي مجموعة موتوسيكلات للبيع مستعملة  بأنواع وأسعار متفاوتة.

أهم حاجة الرخصتين (رخصة القيادة ورخصة الموتوسيكل) ساريتين، وبص على رقم الشاسيه والموتور مطابق للأرقام اللي في الرخصة. وتأكد إن البائع هو صاحب الموتوسيكل الفعلي.

دوس على الفرامل الأمامية والخلفية وشوف استجابتهم قوية ولا ضعيفة. وبالنسبة للدبرياج، شوف واير الدبرياج سليم ومفيهوش أي قطع، وجرب الغيارات يدوي وتأكد إنها بتدخل بسلاسة.

تسريب الزيت دي علامة مش كويسة أبداً، معناها إن فيه جوان بايظ أو خرم في حتة ما، ودي بتكلف تصليح. لو لقيتها، يبقى الموتوسيكل ده محتاج صيانة.

صوت الموتور مهم طبعاً، لازم يكون ناعم ومفيش أصوات غريبة زي تكتكة عالية أو خروشة. بس كمان بص على لون الدخان اللي طالع من الشكمان، لو أزرق أو أسود كتير ده ممكن يكون مشكلة.

بص على الشاسيه من تحت الكرسي وقدام، لو لقيت أي لحامات مش طبيعية أو دهان مختلف في حتت معينة غير لون الموتوسيكل الأساسي، أو لو فيه أي أجزاء معوجة، ده ممكن يكون مؤشر إنه عمل حادثة.