المكانيكي بيقولك: أشهر أعطال ومشاكل السيارات وأسبابها وحلول ليها

لو عندك عربية وبتتعرض لأعطال كتير أو بتسمع أصوات من العربية أو بتحس أن فيها حاجة مش مظبوطة بس مش عارف إيه هي بالضبط وإيه ممكن تكون المشكلة، فالمقال ده من فورسواب مخصوص علشانك، من الميكانيكي خبرة هيقولنا ازاي نفهم مشاكل السيارات  ونعرف أسباب كل عطلا والحلول كمان  وازاي تتصرف في الموقف بالشكل الصح.

لو عندك عربية مستعملة وعايز تعرضها للبيع أو البدل على فورسواب، تقدر بسهولة تعمل حساب على فورسواب، وتضيف إعلاناتك مجانآ

أشهر أعطال ومشاكل السيارات 

1. مشكلة انحراف السيارة أثناء السواقة
2. مشكلة زيادة استهلاك البنزين 
3. مشاكل الفرامل
4. مشكلة أرتفاع حرارة المحرك
5. أعطال المحرك
6. مشاكل البطارية
7. مشكلة تسرب البنزين 

هنشوف دلوقتي مجموعة من أعطال السيارة بالتفصيل نعرف إيه العطل وممكن يكون أسبابه إيه والحل بتاعها.

مشكلة انحراف السيارة أثناء السواقة

من مشاكل السيارات الشائعة اللي بتواجهنا كتير في السواقة انحراف السيارة أثناء السواقة على الطرق واللي طبعا بتشكل خطورة كبيرة، إيه أسباب انحراف السيارة يمينًا ويسارًا؟ وإزاي نحلها؟ أول حاجة لازم تتأكد من أسباب انحراف السيارة عند الضغط على البنزين أنك هتبدأ تراجع كذا نقطة:

أسباب انحراف السيارة

1. وجود مشكلة في الفرامل : تعتبر الفرامل من أهم عوامل الأمن والسلامة في السيارة، وفي حال حدوث أي تلف فيها بتأثر بالسلب على الإطارات وممكن تتسبب في انحراف مقود السيارة أثناء السواقة.
2.  انخفاض ضغط الإطارات: لازم تتأكد من سلامة  الإطارات بشكل دوري للتأكد من مستويات الضغط بها، لأن انخفاض ضغط الهواء بيتسبب في  انحراف السيارة ناحية الإطار اللي قل الهوا فيه.
3. اتزان الإطارات: عدم ضبط توازن وزوايا الإطارات بشكل صحيح ممكن يسبب انحراف السيارة، عشان كده لازم دايما تظبط زوايا العجل بالأجهزة الخاصة لبها وطبقا لمقاسات الشركة المصممة للسيارة.
4. استخدام إطارات غير مناسبة : لو ركبت إطارات جديدة أو ركبت الإطار الاحتياطي، اوقات بتحصل مشكلات بسيطة زي سحب وانحراف بالسيارة بسبب اختلاف نوع الإطارات أو بسبب تركيبها بطريقة غلط.
5. نظام التعليق في السيارة: تلف أحد أجزاء التعليق زي المساعدين أو المقصات يعتبر من اهم اسباب انحراف السيارة أثناء السواقة، المشكلة دي بتحصل نتيجة للقيادة على الطرق غير الممهدة لفترة طويلة، أو زيادة تحميل السيارة بأوزان ثقيلة أو عدم الانتظام في إجراء الصيانة الدورية للسيارة.
6. تلف بأحد الإطارات الأمامية : ده بيخلي مقود السيارة مائل، عشان كدة لازم نبدل أماكن الإطارات الأمامية (اليمين لليسار واليسار لليمين) لو استمر الانحراف لنفس الجهة ده معناه أن المشكلة مش منهما، والعكس لو جهة الانحراف اتعكست، وقتها  نتأكد أن المشكلة بسبب خلل الإطارات.
7. ترصيص الجنوط: كل جنوط السيارات تحتوي على قطع معدنية من أوزان مختلفة بتتحط عشان تخلي الجنوط كلها متوازنة، ولو وقعت قطعة منهم نتيجة صدمة ما، ده بيأدي لاختلال توازن الجنط، بالتالي انحراف السيارة عن مسارها، فلازم دايما نخلي بالنا أن القطع دي موجودة.
8. اعوجاج الجنط : ده بيحصل نتيجة اصطدام الجنط بإحدى الحفر أو الرصيف، غالبا ده بيحصل في السيارات اللي الجنط بتاعها كبير، في الحالة دي لازم نصلح الجنط اللي اتعوج.
9. اختلاف في وزن الجنوط: وجود جنط أكبر من التاني في الحجم حتى لو بنسبة غير ملحوظة بيأدي أن السيارة تميل لليسار أو لليمين.

لو ناوي تشتري عربية مستعملة قريب يبقى النصايح دي مهمة ليك ” أهم نصائح الخبراء قبل شراء عربية مستعملة .. خلي بالك” .. وبعدها تقدر تشوف عربيات مستعملة للبيع على فورسواب في اللينك ده وتختار المناسبة لميزانيتك!

 

ما هي أسباب زيادة استهلاك البنزين في السيارة؟ 

1. تلف شمعات الاحتراق : لما شمعات الاحتراق بتتاكل، ده بيزود الأعطال في المحرك في سيارتك، واللي بتأدي لزيادة مُعدل استهلاك الوقود.
   الحل: لازم تتأكد دايما من استخدام أنواع بوجيهات  جودتها كويسة عشان تقدر تحقق أقصى استفادة منها.
2. تحميل أوزان ثقيلة: أحد الأسباب المؤدية لزيادة مُعدل استهلاك الوقود هو تحميل السيارة وزن كبير، سواء الوزن ده بسبب وجود حاجات كتير في الصندوق الخلفي للسيارة، أو عدد زايد من الأشخاص داخل السيارة.
   الحل: لازم نخلي بالنا دايما ان الوزن مايكونش زايد في العربية.
3. عدم الاهتمام بالصيانات الدورية: تفويت الصيانات الدورية لكافة أجزاء السيارة عن مواعيدها المحددة، زي عدم تغيير زيت المحرك أو فلتر الهواء بانتظام، أو عدم ضبط ضغط الإطارات بشكل صحيح، بيأدي لزيادة استهلاك البنزين.
   الحل: لازم دايما نتأكد أننا عاملين الصيانات الدورية في معادها.
4. استخدام مكيف الهواء بشكل خاطئ: لو بتسوق على سرعات عالية، شغل التكييف واقفل الشبايبك، ده هيحسن الديناميكا الهوائية، وبالتالي هيقلل السحب اللي بيزود استهلاك بنزين العربية.
5. ضغط الهواء غير المناسب: تحتاج إطارات سيارتك لمقدار مناسب من ضغط الهواء، وعشان تعرف الضغط المناسب بشكل أدق، هتلاقيه في هيكل السيارة على قائم باب السائق، مقياس ضغط الإطارات الجيد حاجة مهمة جدا لازم نخلي بالنا منها عشان نحافظ على استهلاك بنزين العربية.
6. استخدام زيت المحرك لمدة غير المدة المحددة له: لازم تغير زيت المحرك في معاده وماتتأخرش، وتتأكد أن لزوجته مظبوطة ومناسبة عشان تقلل من الاستهلاك الزايد للبنزين، كمان تتأكد دايما أنك حاطط بنزين كويس مش مغشوش أو فيه أي مشكلة.
7. حساس الهوا التالف: محرك السيارة بيكون فيه حساس هواء بيعمل خليط من الهواء والوقود في غرفة الاحتراق الداخلي، وبناءً على ما يستشعره، بيخبر وحدة التحكم في توليد القوة أنها تضيف الكمية الصحيحة من البنزين عشان توصل لمعدل الاحتراق المثالي، لو حساس الهواء تالف، ده ممكن يؤدي أن النظام يزود البنزين تلقائيًا حتى لو المحرك مش محتاجه، بالتالي زيادة استهلاك بنزين السيارة.
8. انسداد فلتر الهواء: لو فلتر الهواء مسدود أو متسخ، ده معناه أن فيه كمية أقل من الهواء بتدخل غرفة الاحتراق، وده بيخلي المحرك يشتغل بشكل أكثر صعوبة لتلبية متطلبات الطاقة، فيأدي لزيادة مُعدل استهلاك الوقود.
   الحل: افتكر دايما تغيير فلتر الهواء في المدة الزمنية المحددة.
9. ترك المحرك يعمل أثناء الوقوف: من أسباب استهلاك البنزين في السيارة ترك المحرك يعمل أثناء الوقوف لبضعة دقائق، وده بيحصل كتير لما تيجي تستنى شخص، أو أثناء الوقوف في زحامات مرورية أو حتى تسخين المحرك أكثر من 30 ثانية لدقيقة.
   الحل: لازم تتأكد دايما أنك بطلت العربية لو احتجت توقف العربية لأكتر من دقيقتين لـ 3 دقايق.
10. نقل السرعة بشكل متأخر عن المطلوب والقيادة السريعة: نقل السرعة متأخر عن المطلوب بيستهلك بنزين أكثر،  لما متقلبش الغيار للسرعة المناسبة، المحرك بيحتاج  يشتغل بقوة أكبر عشان يتغلب على المقاومة، وده بيأدي لاستهلاك بنزين أكتر.
11. وجود  تسريب في أحد أجزاء منظومة البنزين: من أسباب زيادة استهلاك البنزين بشكل كبير وجود تسريب في أحد أجزاء منظومة البنزين، زي الخراطيم الكاوتشوك أو في طرمبة البنزين نفسها، لازم نتأكد دايما أن اجزاء منظومة البنزين كلها سليمة. ” المقالة دي هتفيدك ..  أسباب وعلامات تلف طرمبة البنزين في السيارة وكيفية الحفاظ عليها”

ما هي أسباب اهتزاز السيارة عند الضغط على الفرامل؟ 

مشكلة رجة أو اهتزاز العربية عند الضغط على الفرملة بيحصل لأسباب كتيرة مختلفة من أهمها:

1. تلف أو تآكل المحاور الأمامية: يسبب تلف المحاور وتآكلها اهتزاز السيارة ومقودها عند الضغط على الفرامل وعشان كدة لازم نعملها فحص دوري.
2. خلل في نظام التعليق: يسبب العطل في نظام التعليق  تغيير في الزوايا الصحيحة للعجلات وبالتالي الاهتزاز عند الضغط على الفرامل، وبتأدي كمان لتلف الإطارات بسرعة أكبر.
3. زيت الباور: تناقص زيت الباور أو انتهاء عمره الافتراضي بيسبب اهتزاز السيارة عند الضغط على الفرامل وبالتالي لازم نغير زيت الباور عند اللزوم أو زيادته عند النقصان.
4. الإطارات غير متوازنة أو بالية :عجلات السيارة غير المتوازنة ممكن تكون سبب في اهتزاز السيارة والمشكلة دي بتزيد أكتر لو سوقت على سرعة عالية.
5. وسادات الفرامل بالية أو متسخة : ما هي وسادات الفرامل؟  وسادات الفرامل جزء أساسي في نظام الفرامل ودورها أنها  تولد الاحتكاك اللي بيقلل من سرعة السيارة ويوقفها، معروفة كمان باسم تيل الفرامل، لما وسادات الفرامل دي تبقى متسخة أو تالفة، المنطقة أسفل الوسادات بتجمع الأوساخ والزيوت واللي بتأدي لاهتزاز السيارة عند الضغط على الفرامل، ساعتها لازم نغير وسادات الفرامل في أسرع وقت.
6. التصاق الفرجار: إذا كان الفرجار عالق أو لا يعمل بشكل صحيح، قد يتسبب في اهتزازات السيارة عند الفرملة.
7. مشاكل في نظام التوجيه: ممكن تأدي مشاكل في نظام التوجيه، زي تلف علبة الدركسيون أو صليبة الدركسيون، إلى اهتزازات في عجلة القيادة عند الفرملة.
8. اعوجاج أقراص الفرامل: يسبب وجود اعوجاج في سطح  الفرامل اهتزاز السيارة، وينصح بخرط أقراص الفرامل لإصلاح هذا الاعوجاج.
9. مشاكل في المحرك: أوقات المحرك بيتسبب في حدوث رجة عند الضغط على الفرامل خاصة عند القيادة  على سرعة بسبب أن لمحرك  مش بيوصله وقود كافي.
10. انسداد فلتر ناقل الحركة: لازم نغير فلتر ناقل الحركة وقت تلفه، لأن انسداده بيأدي لاهتزاز السيارة أثناء القيادة. 
11. الخراطيم مكسورة أو غير مثبتة بإحكام: مهمة الخراطيم هي طرد الأبخرة من المحرك، ولو الخرطوم غير مثبت أو مكسور، ده ممكن يتسبب في اهتزاز المحرك أو السيارة أو إيقاف التشغيل. 

ما سبب رجة السيارة عند الضغط على دواسة البنزين؟

سبب اهتزاز السيارة بعد سرعة 100 بيرجع لعدة أسباب من أهمها:

• مشاكل في المحرك: زي تلف حشوة رأس المحرك أو تلف أحد مكونات المحرك، لو المحرك كان تالف، لازم تصلحه أو تستبدل الأجزاء التالفة.
• مشاكل في نظام التعليق: زي تلف ممتصات الصدمات أو الدعامات، لو اتأكدت أن نظام التعليق هو سبب مشكلة رجة السيارة، لازم تصلحه فورا.
• مشاكل في نظام الإشعال: زي تلف شمعات الإشعال أو أسلاك الإشعال، لوالمشكلة في نظام الإشعال، لازم تصلحه للتخلص من مشاكل إهتزاز السيارة.
• مشاكل في نظام الفرامل: زي تآكل أقراص الفرامل أو تلف أجزاء نظام الفرامل، لو الهزة في السيارة بسبب تلف نظام الفرامل غيره أو استبدل الأجزاء التالفة.
• العجلات غير المتوازنة: عند الضغط على البنزين لو العجلات غير متزنة  خاصة عند السرعات المنخفضة ده بيأدي لرجة السيارة، لازم تتأكد من إعادة توازنها أو استبدالها عشان متسببش في هزة السيارة.
• مشاكل في نظام الوقود: مثل انسداد فوهات الحاقن أو تلف مضخة الوقود، افحص نظام الوقود أول بأول وعند حدوث مشكلة صلحها فورًا.

ما هي أسباب اهتزاز السيارة وهي واقفة ؟

1. مضخة الوقود: في حالة عدم ضخ كمية كافية من الوقود
2. فلتر الوقود المسدود: واللي بدوره بيعيق تدفق الوقود بشكل طبيعي، لازم دايما ننضف فلتر الوقود عشان مايتسببش في اهتزاز السيارة.
3. خلل في الشكمان: لما بيحصل تسرب أو انسداد في العادم ده بيأدي لاهتزاز في السيارة.
4. برمجة أو خلل كهربائي: أحيانًا يكون السبب مشكلة في وحدة التحكم الإلكترونية أو أحد الحساسات زي حساس الكرنك أو حساسات الهواء، لازم دايما نتأكد أن الحساسات سليمة.
5. دعامات أو قواعد المحرك: عند تلفها، لا تمتص اهتزازات المحرك بشكل جيد واللي بيأدي لاهتزاز السيارة وهي واقفة، عشان كدة لازم نفحص الدعامات أول بأول عشان نتأكد أن مفيهاش مشكلة.
   

ازاي نحل مشكلة رجة العربية؟

1. تغيير البواجي أو تنظيفها في الوقت المحدد.
2. تغيير فلاتر البنزين لضمان سلامة دورة البنزين في الوقت المحدد.
3. التأكد من نضافة فلاتر الهواء وعدم حدوث أي انسداد فيها بسبب الشوائب.
4. حل مشاكل الخراطيم المفكوكة والتأكد من توصيلها بشكل صحيح والعمل على استبدالها إذا كانت تالفة. 
5. ملء خزان الوقود”طرمبة البنزين” قبل نفاذ كمية البنزين.
6. حل مشاكل حوامل نظام العادم.
7. التأكد من نظافة بوابة البنزين في السيارات الحديثة. 
8. حل مشاكل الأسطوانات سواء عن طريق اللحام أو التثبيت.
9. تغيير قواعد المحرك وقواعد ناقل الحركة إذا حدث فيها عطل أو تلف.
10. الالتزام بمواعيد الصيانة الدورية للسيارة. (هنا تقدر تشوف مراكز صيانة السيارات في القاهرة وأهمية الصيانة الدورية للسيارة)
11. التأكد من عدم وجود خلل في جهاز استشعار الهواء عند تشغيل ضوء فحص المحرك.

ما هي أسباب صعوبة تشغيل محرك السيارة؟

من أسباب عدم تشغيل السيارة الأوتوماتيك: 

1. نفاذ الوقود: خزان الوقود الفارغ سبب بسيط من أسباب عدم استجابة المحرك للتشغيل، اتأكد من وجود وقود كافي قبل تشغيل محرك السيارة.
2. تلف البطارية أو نفاذها من الطاقة: من أسباب تأخر وصعوبة تشغيل محرك السيارة البطارية التالفة أو الخالية من الطاقة، لأن السيارة بتحتاج للطاقة المخزنة في البطارية لتشغيل المحرك، ولو في خلل في البطارية محرك السيارة مش هيشتغل، فحص البطارية إجراء سريع وضروري لمعرفة قوتها ولو كانت هي السبب وراء عدم دوران المحرك.
3. جهاز بادئ التشغيل في حالة سيئة: فإذا كان هنالك خلل في بادئ الحركة أو السلف Starter، فلن يستطيع تشغيل المحرك إذا كانت هي المشكلة هتحتاج لتركيب جهاز جديد.
4. نظام الوقود: ممكن يكون فيه انسداد في فلتر الوقود أو ضعف في مضخة الوقود، واللي بيأثر على تدفق الوقود إلى المحرك.

حل مشكلة تأخر تشغيل السيارة أننا نتأكد من كل النقاط اللي وضحناها وحلها بشكل فعال.

ازاي نحل مشكلة بطء تشغيل السيارة؟

• لازم نتأكد من فحص نظام الوقود، عن طريق التأكد من أن مضخة البنزين بتشتغل بشكل صحيح وفلتر الوقود نضيف.
• كمان لازم نفحص الكهرباء ونتأكد من سلامة البطارية وأن كل الاتصالات الكهربائية سليمة.
• بالإضافة لنظام الإشعال نتأكد أن شمعات الاشتعال حالتها كويسة وحساس الكرنك بيشتغل بشكل صحيح.

أسباب صعوبة تشغيل السيارة وهي باردة

• زيت المحرك في درجات الحرارة المنخفضة يصبح أكثر كثافة، وده بيخليه أقل سهولة في التدفق لأجزاء المحرك الحساسة، وبالتالي بيأثر على تشغيل السيارة في الجو البارد.
  ممكن حل المشكلة دي عن طريق استخدام زيت محرك خفيف أو تغيير زيت المحرك بالكامل.
• البطارية هي اللي بتعمل على تزويد المحرك بالطاقة اللازمة للتشغيل، ومع تحول البرد إلى درجات حرارة شديدة الانخفاض، تبدأ البطارية في فقدان قدرتها على إمداد المحرك بالطاقة، واللي بيأدي لصعوبة تشغيل السيارة، نقدر نحل المشكلة دي عن طريق استبدال البطارية بواحدة جديدة.
• نظام الإشعال: ارتفاع مستوى الرطوبة في الهواء بيأدي لتشكيل الرواسب على شمعات الإشعال، بالتالي تشويش عملية الإشعال، وده بيأدي لصعوبة تشغيل السيارة في البرد، يمكن حل هذه المشكلة عن طريق استبدال شمعات الإشعال أو تنظيفها بشكل منتظم.

ما هي أسباب ضعف السحب في السيارة؟

1. خلل حساس الأكسجين في السيارة: العطل اللي بيتسبب في زيادة استهلاك الوقود، وبالتالي ضعف سحب السيارة على الطريق.
2. نوعية البنزين في السيارة: يجب التأكد من نظافة الوقود المستخدم، كالبنزين الخالي من الرصاص والتعرف على تركيز نسبة الأوكتان فيه، الوقود النضيف بيقلل من الشوائب اللي بتسبب الاتساخ في بخاخات السيارة أو في فلتر البنزين وبالتالي تضعف سحب السيارة.
3. انسداد فلتر البنزين: انسداد مسامات فلتر البنزين من أكثر مشاكل السيارات اللي بتواجه كتير من الناس، مسامات فلتر البنزين اللي بيتراكم فيها الأوساخ والأتربة بتتسبب بشكل مباشر في دخول الهواء للمحرك، واللي بيأدي لعدم إتمام عملية حرق الوقود بالكامل، وبالتالي تأثر على قوة وسحب السيارة على الطريق.
4. خلل صندوق السرعات: تعتبر مشكلة ناقل السرعة من أكثر الأعطال اللي بتتسبب في ضعف سحب السيارة على الطريق، وأي خلل أو تلف في أجزائه بيتسبب في تلف قطع تانية في السيارة، وده طبعا هيأثر على على معدل سحب السيارة.
5. البوجيهات: هل ضعف البوجيهات يؤثر على سحب السيارة؟ التأكد من البوجيهات، واللي مسئولة عن  إيقاد شعلة كهربائية أو شرارة تجري عملية الاحتراق الكامل للوقود، وبالتالي دفع عجلة المحرك للأمام، ومع وجود ضعف في البوجيهات ده معناه عدم وجود الاحتراق الكامل، واللي بيأدي لضعف السحب في السيارة.

ما هي أسباب عدم سحب السيارة المانيوال ؟

• استخدام  زيت محرك سيئ أو عدم تغييره في الوقت المحدد: الزيت المتسخ أو غير المناسب بيؤدي لزيادة الاحتكاك داخل المحرك، بالتالي بيقلل من كفاءته.
• خلل في عملية الإشعال: يحدث ضعف في سحب السيارة إذا كانت هناك مشاكل في البوجيهات لأنها تؤثر على كفاءة الإشعال داخل المحرك.
• انسداد فلتر البنزين: يؤدي انسداد فلتر البنزين لتقليل تدفق الوقود إلى المحرك، وبالتالي ضعف الأداء العام للسيارة.
• تلف مضخة البنزين في حالة أن مضخة البنزين غير قادرة على توفير الوقود بكفاءة، ده بيخلي السيارة مخنوقة في السحب.
• انسداد فلتر الهواء: انسداد فلتر الهواء يؤدي إلى تقليل كمية الهواء اللي بتوصل للمحرك، مما يقلل من كفاءته.
• عدم نقاء الوقود المستخدم: استخدام وقود غير نقي أو من نوعية رديئة تؤدي الى ضعف عزم السيارة وزيادة مصروف البنزين.
• خلل في حساسات المحرك: وجود خلل في حساس الهواء (MAF) أو حساس الأكسجين (O2) بيأدي للتشويش في قراءة البيانات، بالتالي ضعف في الأداء.
• تلف الديسك والاسطوانة في ناقل الحركة: في حالة تلف الأجزاء دي في ناقل الحركة اليدوي، ده بيأدي لضعف السحب وعدم قدرة السيارة على التسارع ودي من مشاكل السيارات اللي معظمنا مش بناخد بالنا منها.

كيف أقوي عزم السيارة؟

1. استخدام زيت مناسب مع المحرك.
2. الاهتمام بالصيانة الدورية في الوقت المحدد.
3. قياس وضبط ضغط الهواء داخل الإطارات من فترة لأخرى.
4. تنظيف بوابة الهواء (الخانق) من فترة لأخرى.
5. تجنب استخدام أوزان ثقيلة في صندوق السيارة أو أشخاص داخلها.

أسباب وجود رائحة بنزين في السيارة 

1. من أكتر مشاكل السيارات انتشاراً كمان، هو وجود مشكلة بمنظم ضغط الوقود ينتج عنه تشكيل خليط خفيف أو ثقيل جدا من البنزين، وفي كلا الحالتين الخليط لا يتناسب مع أداء المحرك ويتسبب في حرق البنزين بشكل مفرط عن أداء المحرك، و ده بيزود من أبخرة الغاز الناتجة من العادم، وبدورها بتنتقل لنظام التهوية 
2. التعرض لأبخرة البنزين إذا كان ناتج عن استخدامك له داخل السيارة أو بالقرب منها أو عند إجراء صيانات خاصة لها علاقة مباشرة بسير البنزين داخل السيارة، أو مجرد التعرض لكمية عالية منه زي وجودك فترة بمحطة البنزين، وفي الحالة دي الرائحة هتختفي تدريجيا.
3. وجود تسريب في نظام الوقود، وتعتبر مشكلة خطيرة بتسبب وجود رائحة البنزين، ومن الوارد حدوث التسريب في أي مكان في النظام، وده بيخلي اكتشافه وإصلاحه صعب، وفي الحالة دي لازم تتوجه لأقرب مركز صيانة عشان يحل المشكلة.

أسئلة شائعة عن مشاكل السيارات وأعطالها

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.