قطط شيرازي: دليل شامل التربية وطرق الرعاية والأسعار

القطط الشيرازي من أكتر سلالات القطط المشهورة في مصر، في قطط شيرازي شكلها بيتميز بالفرو الكثيف والطويل، وكمان معروف أنها جميلة وهادية، عشان كده بتكون دايما اختيار مناسب للناس اللي بيحبوا يربوا حيونات أليفة هادية، في المقال ده من فورسواب هنقولك أنواع القطط الشيرازي بالصور وأسعارها 2025 ومميزاتها وعيوبها بالتفصيل.

أنواع القطط الشيرازي بالصور وأسعارها 2025  

1. قطة شيرازي مون فيس
2. قطة شيرازي بيكي فيس
3. قطة شيرازي شانشيلا
4. قطة شيرازي هيمالايا 

قطة شيرازي مون فيس

مون فيس قطة شيرازية من السلالات الفارسية الأصلية، وتعتبر من أحسن انواع القطط الشيرازي ومعروفة كمان بإسم دول فيس، وده لأنها بتتمتع بمواصفات حلوة جدا سواء كشكل أو صفات، لو بتحب القطط المرحة هتكون اختيار مناسب لأنها لذيذة وبتحب الأطفال وبتتعامل معاهم بود، وكمان بتتكيف على التعايش في مكان جديد بسهولة، وسريعة التعلم بشكل مبهر، وسهل تدريبها وتعليمها عن طريق اتباع الإرشادات البسيطة.

صفات قط شيرازي مون فيس

• وجه مستدير.
• رقبة قصيرة. 
• ذيل قصير.
• عيون كبيرة ومستديرة وليها كذا لون، منهم العيون الزرقا والخضرا والبني الفاتح.
• أذن صغيرة قصيرة وأطراف قصيرة.
•  شعر طويل وكثيف وناعم باللون الرمادي أو الأسود.
• طولها بيترواح من 23 لـ 25 سم.
• وزنها من 3.5 كيلو لـ 6 كيلو جرام سواء ذكور أو إناث.
• عمرها من 15 لـ 20 عام لو تم رعايتها بشكل جيد.

قطة شيرازي بيكي فيس

بيكي فيس قطة شيرازي هادية وعاطفية وكسولة جدا، ومعروف عن النوع ده أنه بيتعلق جدا بصاحبه، لكن مش بيحب وجود حيوانات أليفة غيره في المنزل، النوع ده مناسب جدا للمبتدئين في تربية القطط عشان سلوكها هادي، لكن رعايتهم بتحتاج مجهود كبير لأنهم بيتعرضوا لأمراض كتيرة.

صفات القط بيكي فيس

• وجه مسطح
• ذيل قصير.
• عيون كبيرة ومدورة  لون أزرق أو بني.
• أذن صغيرة نسبيا وسيقان قصيرة بكفوف صغيرة.
• شعر كثيف بألوان كتير زي الأبيض والبني والرمادي والأسود، وأحيانا يحتوي على لونين مختلفين في نفس الوقت.
• طولها بيترواح من 25 لـ 30 سم.
• وزنها  ميتعداش الـ٥ كيلو جرام سواء ذكور أو إناث.
• عمرها أحياناً يصل حتى ٢٠ عام إذا تم رعايتها بشكل جيد.

قطة شيرازي شانشيلا

شانشيلا من انواع القطط الشيرازي الجميلة جدا بسبب شكلها المميز وشعرها الطويل وعيونها المكحلة، كمان طبعها هادي وتُعتبر من الأنواع الذكية جدا والحساسة بتظهر مشاعرها دايما لأصحابها؛ قطط شيرازي شانشيلا بتتعلق بصاحبها بشكل كبير وبيحاولوا يلفتوا انتباهه ودايما عايزين يلعبوا، وتعتبر من القطط اللي بتتكيف بسرعة مع الأماكن الجديدة، لكنهم بيحتاجوا  وقت للتنضيف والعناية يوميا.

صفات قط شيرازي شانشيلا

• أجسامهم مش قوية، جسمها صغير وصدر عريض وعميق وكتف كبير.
• ذيل كثيف وقصير متناسق مع جسمها.
• عيونها كبيرة ومدورة، وألوان عينيها مميزة ما بين الأزرق والأخضر والزمرد.
• حواف العين والأنف والشفاه للنوع ده من القطط بتكون محددة باللون الأسود أو الأزرق، حسب لون الفرو.
• أذن صغيرة.
• فرو لونه رمادي والأطراف مايلة للون الأسود أو الأزرق.
• طولها يتراوح من 20 لـ 30 سم.
• وزنها  يترواح من 3.2 لـ ال 5.4 كيلو جرام.
• يتراوح عمرها من 10 لـ 15عام.

قطة شيرازي هيمالايا

قطط الهيمالايا سلالة هجينة من القط الشيرازى والقط السيامي، بتتميز بالفرو الطويل الحريري، وبتحب اهتمام أصحابها بيها. تربية القطط الشيرازي في البيت مناسبة جدا مع النوع ده لأنها بتتميز بحنيتها وكبر حجمها، بيحبوا يلعبوا مع أصحابهم مش لوحدهم، وبيقدروا يتأقلموا كمان بسهولة مع الحيوانات الأليفة والأطفال، وشخصيتها لطيفة ومرحة جدا، عشان كدة هي اختيار مثالي لو محتاج قطة مرحة وسهلة التدريب.

صفات القط الهيمالايا

•  وجه مستدير وأنف مسطح.
• جسم متوازن ومناسب لحجمها، قوامها جميل ومتناسق مع فروها.
•  يمتاز ذيل قطط الهيمالايا بالكثافة والجمال والطول المتوسط.
• عيون زرقاء كبيرة جميلة.
• تمتلك قطط الهيمالايا أذنين متوسطة الحجم.
• فروها طويل وكثيف عادةً بيكون لونه أبيض مع لون ذهبي لامع على النهايات.
• طولها يتراوح من 20 لـ 30 سم.
• وزنها يتراوح من 3.2 لـ 5.4 كيلو جرام.
• يتراوح عمرها من 12 لـ 14 عام.

أسعار القطط الشيرازي في مصر 2025

• سعر قطة شيرازى مون فيس يتراوح من 550 جنيه لـ 700 جنيه مصري لـ قطط شيرازي صغيرة عمرها 45 يوم.
• سعر قطة شيرازي بيضاء بيكون أعلى من باقي الألوان يصل إلى 800 جنيه.
• سعر قطة شيرازي مون فيس عمرها 6 شهور أو أكتر من 800 جنيه لـ 1450 جنيه.
• سعر القطة الشيرازى بيكي فيس يتراوح من 350 جنيه لـ 700 جنيه مصري عمر 45 يوم.
• سعر القطة بيكي فيس اللي عمرها 6 شهور أو أكثر من 1000 لـ 1500 جنيه مصري.
• سعر القطط شيرازى شانشيلا يترواح من 350 جنيه لـ 700 جنيه مصري قطط شيرازي صغيرة عمر 45 يوم.
• سعر القطة اللي عمرها 6 شهور أو أكثر من 1000 لـ 1500 جنيه مصري.
• سعر قطط شيرازى هيمالايا يترواح من 1000 جنيه لـ 2500 جنيه مصري لعمر 45 يوم.
• سعر قطة شيرازى هيمالايا اللي عمرها 6 أشهور او اكثر يصل الى 4000  جنيه مصري.

لو أنت من عشاق تربية القطط .. شوف هنا بالصور: أنواع القطط المنزلية وأسعارها في مصر

نصائح عند تربية القطط الشيرازي في البيت

تحتاج العناية بالقطط الشيرازي لروتين يومي ومستمر من التنظيف لشعرها وتمشيطها وتنظيف أذنيها وعينيها بانتظام، وتقديم الطعام الصحي، والزيارات المنتظمة للطبيب البيطري، ودي بعض النصائح والإرشادات للعناية بالشعر والعيون والصحة العامة للقطط الشيرازي:

• تنظيف العيون: معظم القطط الشيرازي تعاني من الدموع المتكررة في العينين، وترك عيونها بدون تنظيف بيسبب بقع حول العينين، واللي ممكن يأدي لحدوث التهابات، عشان كده لازم نهتم بتنضيف عيونها بلطف مرتين يوميًا، باستخدام محلول خاص لتنظيف العينين أو باستخدام ماء دافئ بقطنة مبللة، ولو لاحظت أي تهيج أو مشاكل في العيون يجب التوجه للدكتور البيطري.
• تنظيف الأذنين: القطة الشيرازي بيميزها أذن صغيرة مقارنةً مع معظم السلالات التانية، وده بيخلي التهابات الأذن مش بتحصل كتير ومش بتسبب مشاكل كبيرة، لكن لازم نفحص أذن القطة باستمرار كجزء من عملية العناية وتنظيفها، نظف الأذن الخارجية بس ومتدخلش أي حاجة داخل الأذن، استخدم قطعة قطن مبللة بمنظف الأذن لمسح الأذنين، لو لقيت أي إفرازات أو ريحة غريبة لازم تتوجه للطبيب البيطري.
• العناية بالشعر: القطة الشيرازي شعرها طويل وحريري ويتكون من طبقتين، وده بيخليه معرض للتشابك وتشكل العقد بسهولة عشان كده لازم تمشطه يوميا بمشط مخصوص لشعر القطط عشان تحافظ على نظافته وتتجنب تشابكه.
• قص الأظافر: تحتاج القطة الشيرازية لقص أظافرها بانتظام، قص المخالب الأمامية كل أسبوعين تقريبًا، والمخالب الخلفية تحتاج إلى القص كل مدة أطول لأنها تنمو ببطء أكتر بالمقارنة مع المخالب الأمامية.
• الاستحمام: تحميم القط بانتظام مهم جدًا حتى لا يتعقد شعرها وتضمن نظافة جسمها باستمرار، مجرد ما الشعر يبان دهني أو متسخ  حمم القط.
• العناية بالأسنان: تنظيف أسنان القط الشيرازي  أول بأول بيقلل من تراكم الجير وبيمنع أمراض الأسنان. 

ما هي مميزات القطط الشيرازي؟

• شخصيتها هادية وودودة.
• بتحب الأطفال وغير عدوانية.
• صوتها ناعم مش مزعج أبدا.
• تقدر تعيش في البيت مش هتحتاج تخرج كتير.
• بتحب تعيش في بيئة هادية.
• بتتعلم بسهولة.
• بتحب أصحابها جدا.
• بتعيش عمر طويل نسبيا من 12 لـ 17 عام تقريبا.

ما هي عيوب القط الشيرازي؟

• القط الشيرازي على الرغم من جمال شكلها لكن طول شعرها بيتسبب في أمراض جلدية زي الفطريات وتساقط الشعر لو ماتمش الاهتمام الدوري بيه وتمشيطه يوميا.
• أوقات بيحصل أمراض سمنة بسبب أنها كسولة نوعا ما ومش بتتحرك كتير.
• بسبب وجهها المسطح بعض الأنواع من القطط الشيرازي تعاني من صعوبة في التنفس.
• كمان أوقات بيتعرضوا لمشاكل في العين والأنف بسبب الدموع المستمرة.