أنواع العصافير كتيرة جدًا وممكن تقسيمهم حسب الحجم والشكل أو حسب البيئة اللي بتنشأ فيها، أو حسب التغذية يعني العصافير دي بتتغذى على إيه، لكن من أكتر أنواع العصافير اللي الناس بتهتم بيها هي انواع العصافير الزينة لأن هي دي أنواع العصافير المنزلية اللي ممكن تربيها في البيت، وبتعمل جو لطيف ومُسلي وأصوات رائعة وشكلها كمان بيكون جميل، علشان كده في المقال ده من فورسواب هنعرفك على أنواع العصافير المنزلية واسعارها وشوية نصايح عن تربية العصافير.
كل أنواع العصافير هتلاقيها بأسعار كويسة على فورسواب وتناسبك مهما كانت ميزانيتك في اللينك ده، ولو عندك أي حيوانات أليفة عايز تعرضها للبيع بإعلان مجاني، سجل هنا، وضيف إعلاناتك!
أنواع العصافير واسمائها بالصور
- العصافير البرية
- العصافير الزينة
- العصافير المغردة
العصافير البرية
النوع ده من العصافير اللي بتعيش في البر، وبتتنوع بشكل كبير حسب البيئة، ومن أمثلته: العصفور الدوري، الحسون، البلبل.

عصافير الزينة
عصافير الزينة هي أنواع العصافير المنزلية اللي بتتربى في البيت للزينة والاستمتاع بأصواتها الجميلة وألوانها الزاهية، من أمثلة العصافير المنزلية: الكناري، الزيبرا فينش، البادجي.

لو بتحب القطط يبقى لازم تشوف المقالة دي .. بالصور: أنواع القطط المنزلية وأسعارها في مصر
العصافير المغردة
بعض أنواع عصافير الزينة بتتميز بقدرتها على التغريد وإصدار أصوات جميلة وصناعة ألحان معقدة كمان، زي: العندليب، الكناري، البلبل.

أنواع العصافير المنزلية بالصور
- عصافير الكوكتيل
- عصافير الفيشر
- عصافير الكناري
- عصافير جاوا
- عصافير الكونيور
- عصافير الحسون
لو بتدور على إجابة سؤال ما هي أفضل أنواع العصافير المنزلية؟ هنجاوبك دلوقتي على السؤال ده بالتفصيل ونقولك انواع العصافير الزينة الجميلة اللي ممكن تربيها في البيت.
عصافير الكوكتيل
- عصافير الكوكتيل شكلها جميل ومميز وريشه ملون، الذكر عنده تاج أصفر وحواليه دايرة برتقاني وذيله طويل رمادي، أما الأنثى التاج بتاعها رمادي فيه شوية أصفر وديلها رمادي وفيه نقط صفرا، الكوكتيل صوته حلو بيقدر يغني ويغرد، حجمه صغير لكن ذكي جدًا وفضولي وبيحب اللعب، وبيحب أصحابه جداً خصوصًا الأطفال، ورغم أنه فضولي لكن بيسمع كلام صاحبه، فتقدر تخرجه من القفص ساعة في اليوم علشان يتفاعل معاكم لكن طبعا تكون قافل الأبواب والشبابيك، أما عن أكله سهل جدًا لأنه بياكل بذور وحشائش وخضروات.
- أسعار عصافير الكوكتيل 2025 في مصر بتتراوح بين 400 و800 جنيه.

صور عصافير كوكتيل
تقدر تشوف كل إعلانات العصافير الكوكتيل المعروضة للبيع على فورسواب في اللينك ده
عصافير الفيشر
- من أنواع العصافير الملونة الجميلة جسمها أخضر وراسها صغيرة لونها برتقالي أو أحمر، ورقبتها صفرا شكلها مُبهج جدًا، ويُطلق عليها “عصافير الحب” لأنهم بيحبوا بعض فعلا، بيتجوزوا مرة واحدة في حياتهم، وبتتكاثر بسهولة وبيعيشوا في جماعات. الذكر بيغازل الأنثى بطريقة لطيفة أوي عن طريق الرقص والقفز وهز ذيله في موسم التزاوج، الأنثى بتبيض مرتين في السنة، والبيض بياخد حوالي 23 يوم علشان يفقس، وطبعًا زي أي طائر أو حيوان بيحتاج قفص نضيف وأكل ومياه ونضاف علشان يقدروا يعيشوا، وأعمارهم طويلة بتوصل لـ 20 سنة لو اهتميت بيها. عصافير الفيشر بتاكل بذور وفاكهة، وخلي بالك متأكلهمش شوكولاتة أو سكريات أو أكل مقلي، الحاجات دي بتضرهم.
- سعر العصافير الفيشر 2025 في مصر بتتراوح بين 200 و350 جنيه.

لو ناوي تشتري عصافير فيشر، شوف كل إعلاناتها على فورسواب في اللينك ده، واختار اللي يناسبك.
عصافير الكناري
- عصافير الكناري معروفة بصوتها الحلو اللي بتملا البيت سعادة وحيوية، صحيح مش بيتكلم زي أنواع تانية من الطيور، لكن الذكر منه صوته قوي وبيتعلم الأغاني بسرعة وبيغني أكتر من الأنثى، لون عصافير الكناري أصفر فاقع وممكن تلاقي فيه ألوان تانية زي البرتقالي والأخضر، أعمارهم طويلة بتوصل لـ 10 سنين أو أكتر. عصافير الكناري بتتغذى على البذور والحبوب والخضروات.
- سعر العصافير الكناري 2025 في مصر بتتراوح بين 200 و400 جنيه للألوان الشائعة وممكن توصل لحد 800 جنيه للسلالات النادرة.

عصافير جاوا
- عصافير جاوا من أحسن أنواع العصافير اللي ممكن تربيها في البيت لأنها سهلة في رعايتها ومش مُتعبة، شكلها حلو أوي وألوانها مميزة.. بطنها لونها وردي فاتح وراسها سودة وعندها نقط بيضا على خدودها ودايرة حمرا حوالين عينيها ومنقارها لونه أحمر كمان رجليها برتقالي وضهرها رمادي. عصفور الجاوا ميقدرش يعيش لوحده ممكن يجيله اكتئاب لازم تربيه في أزواج أو مجموعات، وهي من أنواع العصافير الهادية الخجولة، لكن وقت التزاوج الذكر بيقعد يعمل صوت زي الطبل بمنقاره علشان يغازل الأنثى. عصافير جاوا بتاكل حبوب وخضروات وفواكه وديدان.
- سعر العصافير جاوا 2025 في مصر بتتراوح بين 600 و 900 جنيه للسلالات العادية وبتوصل لحد 1500 جنيه للسلالات النادرة.

عصافير الكونيور
- الكونيور من أنواع العصافير الملونة بتيجي بألوان مُبهجة زي الأحمر والأصفر والبرتقالي والأخضر والأزرق وتُعتبر نوع من الببغاوات ومعروفة بصوتها العالي شوية مقارنةً بأنواع عصافير الزينة التانية، وهي طيور ذكية ونشيطة واجتماعية جداً وبتحب الرقص وممكن تتعلم كام كلمة باعتبارها من أنواع الببغاوات، أهم حاجة للنوع ده من العصافير أنك توفرلها الوقت والاهتمام واللعب، وتسيبها تطير خارج القفص ساعة أو اتنين في اليوم بعد ما تقفل الشبابيك والأبواب، وطبعًا تهتم بنظافة القفص بتاعها عشان تحافظ على صحتها، عصافير الكونيور بتاكل البذور والخضروات والفاكهة الطازجة والبيض.
- الكونيور من أنواع الطيور الغالية، سعره ممكن يبدأ من 900 جنيه وبيوصل لحد 5000 جنيه وممكن أكتر.

كتير من الأطفال بتحب تربية الكلاب، لو ناوي تشتري كلب قريب، شوف هنا .. بالصور: أشهر أنواع الكلاب وأسمائها وأسعارها في مصر
عصافير الحسون
- عصافير الحسون من أجمل الطيور اللي ممكن تشوفها، الذكر بيكون لونه أصفر فاقع وراسه وجناحه لونهم أسود وضهره بني وديله فيه نقط بيضاء، أما الأنثى فلونها زيتوني غامق من قدام، الغريب إن لون الحسون بيتغير حسب الفصل! الحسون صوته حلو أوي ومميز بيغرد وهو بيهز راسه يمين وشمال، مربين الحسون بيدربوه على غناء لحن معين لحد ما يتقنه تماماً علشان الطائر اللي بيعرف يغني بيكون أغلى من التاني. أكل الحسون بيكون بشكل أساسي بذور وحبوب وخضروات وفاكهة.
- الحسون من أنواع العصافير الغالية متوسط أسعارها في مصر بيتراوح عادة بين 2000 و 5000 جنيه مصري.
أسئلة شائعة عن العصافير وتربيتها في المنزل
ما هي أرخص أنواع العصافير؟
عصافير الزينة الصغيرة زي الفيشر والكوكتيل.
ما هي أضرار تربية العصافير في المنزل؟
تربية العصافير في المنزل زي ما ليها فوائد ممكن تكون لها بعض الأضرار، ومنها: الضوضاء، والروائح الكريهة إذا لم يتم تنضيف الأقفاص بشكل منتظم، نقل العدوى والأمراض إذا لم يتم التعامل معاها بشكل صحيح، الفوضى وتناثر البذور والأوساخ خارج القفص.
كم سعر عصافير الزينة 2025؟
أسعار عصافير الزينة بيختلف بشكل كبير جدًا حسب أنواع العصافير وسلالتها والمكان اللي بتشتريها منه، بس ممكن نقول في المتوسط من 200 إلى 1000 جنيه، وطبعا فيه أنواع وسلالات بالآلاف.
كيف أحافظ على العصافير في الشتاء؟
- توفير درجة حرارة مناسبة عن طريق وضع القفص في مكان دافيء.
- تجديد الماء يوميًا.
- تغذية غنية بالطاقة عن طريق تقديم خليط بذور غني وفواكه وخضروات غنية بالفيتامينات، مع الحبوب والبروتين.
- توفير أماكن مظللة ومحمية من الأمطار والرياح.