القائمة
بالصور: ديكورات مطابخ للمساحات الصغيرة

بالصور: ديكورات مطابخ للمساحات الصغيرة

6 أيام مضت

مطبخك صغير ومش عارفه تعملي فيه إيه؟ قلقانة أنه مايكفيش كل حاجة أو تحسي أنه ضيق ومش عارفه تتحركي فيه براحتك؟ في المقال ده من فورسواب هنجاوبك على سؤال ما هي بعض الأفكار لاستغلال المطبخ الصغير؟ ونعرفك ديكورات مطابخ للمساحات الصغيرة وهنعرض اشكال مطابخ صغيرة جدا ونشوف مع بعض قد إيه التنظيم السليم وشوية ديكورات مطابخ 2025 قادرة تغير شكل المطبخ تماما وتستغل المساحة الصغيرة بشكل مذهل.

لو بتدوري على مطبخ مستعمل بأسعار أقل من الجديد .. هنا هتلاقي هنا مطابخ مستعملة وجديدة بأسعار كويسة جدًا

أهم نصائح الديكور للمطابخ الصغيرة في المساحة

  1. اختيار أجهزة صغيرة الحجم: الأجهزة الكهربائية بتاعة المطابخ زي التلاجة والغسالة والبوتجاز بتكون ليها أحجام ومقاسات، حاولي تختاري أحجام صغيرة منها علشان ماتعملش زحمة في المطبخ، يعني مثلًا مينفعش يكون المطبخ صغير وأجيب التلاجة الكبيرة اللي ليها بابين لأنها هتكون ضخمة جدًا عليه، وهكذا في كل الأجهزة.
  2. ما هو أفضل لون للمطبخ الصغير؟ أفضل ألوان للمطبخ الصغير هي الألوان الفاتحة زي الأبيض والبيج والرمادي الفاتح أو ألوان الباستيل الهادية الفاتحة لأنها بتدي إحساس بالاتساع أكتر خصوصًا في الأماكن الضيقة أو الصغيرة.
  3. ازاي استغل مساحة المطبخ الصغير؟ استغلي كل جزء فيه بأمثل استغلال.. ازاي؟ يعني لو فيه أركان أو زوايا اعملي مطبخ مخصوص بتصميم بيستغل الزوايا دي بأفضل شكل كمساحات تخزين مثلًا، كمان نقدر نستغل الحوائط بتاعة المطبخ أننا نعلق عليها أرفف تفيدنا في توفير أماكن لأدوات مطبخ مالهاش مكان في الدواليب.
  4. دواليب المطبخ: من أفكار ديكورات مطابخ للمساحات الصغيرة أن دواليب المطبخ تتعمل بشكل رأسي عشان نقدر نستغل المساحة الواحدة بشكل مضاعف ونوفر مساحات مكانتش موجودة في الأساس.
  5. لو بتدوري على أفكار لاستغلال المطابخ صغيرة المساحة هنقولك أن قطع أثاث المطبخ القابلة للطي زي الترابيزات أو الكراسي أو الأرفف وهكذا من أفضل الأشكال لاستغلال المطابخ صغيرة الحجم بأفضل شكل.
  6. اختيار الإضاءة: وجود إضاءة عالية في مطابخ صغيرة بيديها إحساس أكبر بالاتساع خصوصًا لو الإضاءة دي طبيعية، يعني لو عندك مطبخ صغير جدًا بس فيه شباك مفتوح كبير بيدخل إضاءة الشمس بشكل كافي للمطبخ كله ده هيوصل إحساس بالرحابة.
  7. ديكورات مطبخ صغير: من ضمن الحلول أنك تشوفي ديكورات مطابخ صغيرة مفتوحة يعني تخلي المطبخ مفتوح على الصالة زي ما بيتسمى (مطبخ أمريكاني) علشان مايتمش حصر مساحته بحيطة أو جدار يحسسك بالضيق، لما يكون مفتوح على الصالة هتحسي بوسع أكتر رغم أنها نفس مساحة المطبخ ومش هناخد جزء من الصالة ولا حاجة. 
لو ناوية تغيري مطبخك قريب شوفي هنا ..  أفضل أنواع المطابخ وأسعارها ومميزات كل نوع

صور أفكار لاستغلال المساحات في المطابخ الصغيرة

 

ما هو أفضل تصميم للمطبخ ذو المساحة الصغيرة؟

تصميم مطبخ صغير حرف L: من ضمن أفضل تصميمات مطابخ لمساحات صغيرة حرف L لأنه بيضمن توزيع جيد لأثاث وأجهزة المطبخ مع وجود مساحة للحركة.

صور ديكورات مطابخ للمساحات الصغيرة 2025

بعد ما اتكلمنا بالتفصيل عن ديكورات مطابخ للمساحات الصغيرة خلينا ناخد مع بعض أفكار اشكال مطابخ صغيرة ونشوف ازاي تم تخطيطها واستغلالها بشكل مثالي يوصل إحساس أنها أكبر بكتير من أنها تكون تصميم مطبخ صغير 2*2 مثلًا، دي صور مطابخ صغيرة مش هتحس أبدًا أن فيها مشكلة أو ضيق بسبب الذكاء في تصميم مطبخ صغير جدا علشان يطلع شكله عادي جدًا لأ بالعكس ده أنت ممكن تحس أنه مُبهج ومثالي!

 
 
لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء. 

 

– إعلان –
اترك تعليق

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

إعلانات ذات صلة في مصر

الكل
– إعلان –