مقارنة بين PS5 و Xbox Series X .. . أيهما أفضل؟

PS5 و Xbox Series X هما أحدث وأشهر منصات ألعاب موجودين على الساحة في الوقت الحالي، والأثنين بيقدموا تجربة ترفيهية ممتعة ومتكاملة لعشاق ألعاب الفيديو أو الفيديو جيمز، لو عايز تعرف تفاصيل أكتر عن PS5 و Xbox Series X  فاحنا في المقال ده من فورسواب هنكلمك عن مواصفات بلايستيشن PS 5 وسعرها 2025، المميزات والعيوب، وفي المقابل هنعرف كمان مواصفات اكس بوكس سيريس اكس ومميزات وعيوب Xbox Series X غير سعرها 2025 وهنجاوب على سؤال من الأفضل بلاي ستيشن PS5 أو اكس بوكس سيريس اكس Xbox Series X والفرق بينهم.

ايه الفرق بين البلاي ستيشن والاكس بوكس؟

البلاي ستيشن والإكس بوكس منصتين رئيسيتين للألعاب كل واحدة منهم فيها مميزات فريدة؛ بلاي ستيشن 5 مشهور بألعابه الحصرية زي “The Last of Us” و”God of War”، لكن الإكس بوكس بخدمات اشتراك زي Xbox Game Pass اللي بتوفر مكتبة واسعة من الألعاب، أما من حيث الأداء، الإصدار الأحدث من النظامين يعتبروا متشابهين لحد كبير، لكن الإكس بوكس بيمتلك توافق أفضل مع الإصدارات السابقة، وهتلاقي دايمًا أن لكل واحد فيهم جمهور لأن تفضيلات اللاعبين بتختلف بناءً على الأذواق الفردية فيما يتعلق بالألعاب والخدمات المقدمة.

مواصفات PS5

1. المعالج المركزي CPU في بلايستشن 5: AMD Zen 2 بتردد 3.5GHz ثُماني النواة.
2. المعالج الرسومي GPU: بقوة 10.28 تيرافلوب، 36 وحدة معالجة وتردد 2.23GHz 
3. المعمارية الرسومية: معمارية RDNA 2 المخصصة من AMD 
4. الذاكرة العشوائية RAM: حوالي 16GB من نوع GDDR6 
5. نطاق تردد الذاكرة: 448GB/s 
6. مساحة التخزين الداخلية: SSD بحجم 825GB 
7. مساحة تخزين إضافية: من نوع NVMe 
8. دقة العرض والأداء : 4K وحتى 120 إطار في الثانية
9. تجربة صوت ثلاثية الأبعاد بفضل تقنية Tempest 3D AudioTech

كم سعر بلاي ستيشن 5 PS حالياً في مصر 2025؟

سعر سوني بلاي ستيشن 5 PS سليم، هارد SSD سعة 1 تيرا في مصر 2025 هو 34000 جنيه.

بلاي ستيشن 5 PS – سعر 2025

لو بتدور على بلايستيشن 5 PS مستعمل للبيع بأرخص أسعار 2025، شوف كل إعلانات البيع على فورسواب في اللينك ده، وتواصل مع البائعين.

مميزات وعيوب بلايستيشن 5 PS 

مميزات بلاي ستيشن 5 PS

1. أداء فائق السرعة: يتميز PS5 بمحرك SSD قوي بيوفر سرعة تحميل عالية، بتخلي الانتقال بين الألعاب سلس وسريع.
2. توافق مع الإصدارات السابقة: يدعم بلايستيشن 5 كتير من ألعاب PS4 مع تحسين في الأداء لبعضها.
3. دعم تقنية 4K و8K: واللي بتضمن تجربة لعب مذهلة بدقة صور عالية جدًا 4K مع دعم 8K لبعض الألعاب.
4. جودة صوت مذهلة وصوت ثلاثي الأبعاد (Tempest 3D Audio) اللي بتزود من الاندماج خلال اللعب.
5. تحكم عالي من خلال وحدة DualSense في PS5 اللي بتقدم تجربة جديدة مع ردود الفعل اللمسية والمحفزات التكيفية في اللعب.
6. مكتبة ألعاب كبيرة: بلاي ستيشن 5 بيقدم بعض الألعاب الحصرية زي Spider-Man: Miles Morales وRatchet & Clank: Rift Apart.

عيوب بلايستيشن  PS5

1. الحجم الكبير: يعتبر حجم PS5 كبير مقارنة بأجهزة ألعاب تانية، علشان كده ممكن تلاقي صعوبة في اختيار مكان مناسب ليه في البيت. 
2. التوافر المحدود: أحيانًا بيكون فيه صعوبة في العثور على بلاي ستيشن 5 بسبب الطلب المرتفع عليه وقلة التوريد في بعض الأوقات.
3. السعر: سعر PS5 يُعتبر عالي ومحتاج ميزانية كبيرة.
4. المساحة التخزينية: بالرغم من وجود SSD سريع، لكن سعة التخزين الداخلية تُعتبر محدودة بالنسبة المستخدمين اللي بيحبوا ينزلوا ألعاب كتيرة.

مواصفات اكس بوكس سيريس اكس Xbox Series X

• المعالج المركزي CPU في اكس بوكس سيريس اكس: AMD Zen 2 ثُماني النواة بتردد يبدأ من 3.6GHz ويصل حتى 3.8GHz
• المعالج الرسومي GPU: بقوة 12 تيرافلوب، 52 وحدة معالجة وتردد 1.825GHz
• المعمارية الرسومية: معمارية RDNA 2 المخصصة من AMD
• الذاكرة العشوائية RAM: حوالي 16GB من نوع GDDR6 
• نطاق تردد الذاكرة : 560GB/s للـ 10GB من الـ RAM و 336GB/s للـ 6GB الأخيرة 
• مساحة التخزين الداخلية: SSD مخصص بحجم 1TB 
• مساحة تخزين إضافية : من نوع NVMe 
• دقة العرض والأداء : 4K وحتى 120 إطار في الثانية

سعر اكس بوكس سيريس اكس Xbox Series X في مصر 2025

سعر اكس بوكس سيريس اس Xbox Series X  هو 33500 جنيه مصري.

اكس بوكس سيريس اس Xbox Series X

أما لو بتحب ألعاب الفيديو من نوع اكس بوكس سيريس اس، وليك في المستعمل، تقدر تشوف كل إعلانات أجهزة  Xbox Series X المستعملة المعروضة للبيع على فورسواب في اللينك ده.

مميزات اكس بوكس سيريس اس  Xbox Series X

1. أداء قوي: يحتوي اكس بوكس سيريس اكس على معالج رسومي بقوة 10.28 تيرافلوب وواحد من أقوى المعالجات وبيوفر رسومات عالية الجودة وأداء سلس.
2. التوافق مع الإصدارات السابقة: يدعم تشغيل ألعاب كتير من أجيال Xbox السابقة وده بيتيح مكتبة ألعاب ضخمة.
3. خدمة Xbox Game Pass: وده اشتراك بيمنحك الوصول لمكتبة ضخمة من الألعاب مع تحديثات مستمرة مقابل مبلغ شهري.
4. سرعة واستجابة عالية: زمن تحميل الألعاب في Xbox Series X منخفض جدًا مع أداء استجابة عالي.

عيوب اكس بوكس سيريس اس  Xbox Series X

1. الحجم الكبير: حجمه كبير وممكن يكون أكبر من PS5 كمان فمحتاج تكون عندك مساحة كافية ليه. 
2. عدم وجود بعض الألعاب الحصرية: مقارنة بالبلاي ستيشن هتلاقي أن Xbox Series X مفيهوش ألعاب حصرية لأنه بيركز أكتر على الألعاب ذات الجمهور الواسع وخدمات الاشتراك.
3. السعر المرتفع: خاصة مع الإضافات الخاصة بيه والأجهزة الجديدة.
4. عدم توفر بعض الملحقات والتحديثات بشكل دائم: خاصة في فترات الطلب العالي.

ما هو الفرق بين PS5 و Xbox Series X ؟

الفرق الأساسي بين PS5 و Xbox Series X هو أن مواصفات اكس بوكس سيريس اكس تتفوق في الأداء من حيث القوة التقنية، وبتدعم تشغيل ألعاب كتيرة من الأجيال السابقة، وبيتميز بخدمة Xbox Game Pass اللي بتوفر مكتبة ألعاب واسعة مقابل اشتراك شهري. أما PS5 بيتميز بألعاب حصرية قوية زي “The Last of Us” و”God of War”، وفيه وحدة تحكم DualSense اللي بتقدم تجربة تفاعلية مميزة، مع سرعة تحميل عالية.  

في النهاية بعد توضيح الفروقات واللي هي مش كبيرة خالص لو بتسأل من الأفضل PS5 أو Xbox Series X؟ الاختيار بيعتمد على التفضيلات الشخصية في الألعاب والخدمات المقدمة لأن الفروق بين الاتنين بسيطة جدا.

خطوات بيع PS5 أو Xbox مستعمل على فورسواب أونلاين بإعلان مجاني 2025

1. سجل على موقع فورسواب أو من خلال الأبليكشن.
2. جهّز جهازك كويس: نظّفه جيداً وأعد ضبط المصنع لحذف بياناتك الشخصية.
   PS5: مسح البيانات بإعادة ضبط المصنع (Settings > System > Reset Options).
   Xbox: امسح الحساب (Settings > System > Console info > Reset).
3. صوره بإحترافية: التقط صوراً واضحة من جميع الزوايا مع إبراز أي عيوب.
   PS5: صور القرص (لو عندك Digital مفيش قرص)، الـDualSense، والشاشة لو معاكها.
   Xbox Series XS: اظهر الفتحات وملحقات زي الـGame Pass لو متضمنة.
4. حدد السعر: قارن الأسعار في السوق واختر سعراً تنافسياً (لا تنسَ مساحة التفاوض!).
5. أنشئ إعلاناً جذاباً واضح ومفصل: اكتب مواصفات الجهاز بوضوح (السعة، الملحقات، الحالة) وأضف صوراً.
   PS5:  نسخة القرص – 825GB – مع DualSense أصلية + شاحن + كيبل HDMI – الحالة: ممتازة – السعر: قابل للتفاوض شوية.
   Xbox: مثلاً Xbox Series S – 512GB – مع كونترولر + 3 شهور Game Pass – نظيف جداً – السعر: 8,500 جنيه.
6. قم بالنشر ورد بسرعة: شارك الإعلان على فورسواب في قسم “إلكترونيات وأجهزة – ألعاب فيديو”، وحاول ترد على الناس بسرعة لزيادة فرص البيع.

أكثر أسئلة شائعة عن PS5 و Xbox Series X

أي نظام أفضل Xbox Series X أم PS5؟

ده بيعتمد ذلك على تفضيلاتك في الألعاب والخدمات، Xbox Series X بيتفوق في الأداء وخدمة Xbox Game Pass، لكن PS5 بيمتلك  ألعاب حصرية قوية ووحدة تحكم بتجربة تفاعلية مميزة.  

ما هو أقوى جهاز بلايستيشن؟

لحد دلوقتي يعتبر PS5 هو الأقوى من ناحية الأداء وسرعة التحميل وميزات وحدة التحكم DualSense.  

متى موعد نزول PlayStation 6؟

لم يتم الإعلان رسميًا عن موعد إصدار PlayStation 6، لكن عادةً بتتراوح فترات إصدار أجهزة PlayStation الجديدة ما بين 6 و 7 سنين بعد الإصدار السابق، وبما أن PS5 تم إصداره في 2020 متوقع أن يكون موعد نزول PlayStation 6 في 2026 أو 2027.  

ما هي أسعار ألعاب بلاي ستيشن 5 في مصر؟

تتراوح أسعار الألعاب الجديدة بين 1500 و3500 جنيه مصري تقريبًا، وطبعًا ممكن تختلف حسب الإصدار والعروض المتوفرة ومكان الشراء.  

أفضل أنواع بلايستيشن 5 في 2025؟

أفضل نوع بلايستيشن 5 هو PS5 Pro.

ما هو سعر يد بلايستيشن 5 في مصر؟ 

سعر اليد الأصلية يتراوح بين 4000 إلى 5000 جنيه مصري، وممكن يختلف حسب المحل والعروض.

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.