شعري كيرلي كيف أعتني به؟ لو بتفكري في إجابة للسؤال ده وعايزة تبدأي تهتمي بيه وتعملي روتين الشعر الكيرلي بشكل منظم وبدقة.. أنتِ في المكان الصح لأن في المقال ده من فورسواب هنعرفك بالخطوات روتين الشعر الكيرلي كمان هنقولك أفضل منتجات للشعر الكيرلي، وأدوات الشعر الأساسية، وإيه هي أكتر مشاكل ممكن تواجه الشعر الكيرلي وإزاي تحليها بكل سهولة.
كل منتجات الشعر الكيرلي مستعملة وجديدة بأرخص الأسعار على فورسواب في اللينك ده.
روتين الشعر الكيرلي 2025
العناية بالشعر الكيرلي محتاجة روتين معين ومنتجات مناسبة علشان يطلع في أحسن صورة ويكون شكله صحي ومش مبهدل أو مقصف، إذًا.. ما هي خطوات العناية بالشعر الكيرلي؟
-
غسل الشعر بنوع شامبو مناسب للشعر الكيرلي
لأن أي شعر كيرلي بيكون جاف ولأن غسيل الشعر بيخلصه من كل الزيوت الطبيعية الموجودة فيه، في روتين الشعر الكيرلي بنغسل شعرنا من مرة واحدة لمرتين بالكتير في الأسبوع، ومُهم نختار نوع شامبو خالي من السلفات، كمان تقدري تستعيني بخل التفاح لغسل شعرك، عن طريق أنك بعد غسل شعرك بالشامبو والبلسم، تضيفي ربع كوباية من خل التفاح مع لتر مياه وتشطفي شعرك بالخليط ده.
-
استخدام بلسم للشعر الكيرلي
البلسم من منتجات الشعر الكيرلي الأساسية اللي مينفعش نستغنى عنها أو نكسل نستخدمها، لأن الشعر الكيرلي شديد الجفاف، وبعد غسله بالشامبو بيزيد جفافه أكتر بسبب فقدان الزيوت الطبيعية الموجودة فيه، علشان كده لازم نستخدم نوع بلسم كويس للشعر الكيرلي علشان يرجع الترطيب مرة تانية للشعر.
-
استخدام فرشاة الشعر الكيرلي
تقدري تمشطي شعرك خلال الخطوة دي والبلسم على شعرك علشان يكون سهل التسريح، واستخدمي فرشاة الشعر الكيرلي المخصصة أو أصابع إيدك برفق لفك التشابك أو مشط بأسنان واسعة.
لو عندك أي أدوات شعر أو مكياج أو أي حاجة في بيتك ملهاش لازمة، ممكن تبدليها أو تبيعها على فورسواب، سجلي مجاني في الينك ده، وضيفي كل إعلاناتك!
-
وضع ماسك مُخصص للكيرلي
ممكن تستخدمي ماسك ترطيب لشعر الكيرلي من منتجات للشعر الكيرلي الجاف كل فترة علشان توفري لشعرك ترطيب إضافي أقوى من الترطيب اللي بيوفره البلسم اللي بتستخدميه بانتظام، لأن الماسك ده بيكون فيه كمية مكونات ومرطبات بتوفر للشعر ترطيب عالي، وده بينعكس على مظهر وشكل الشعر بعد الماسك.
-
استخدمي ليف ان للشعر الكيرلي أو جل شعر كيرلي
بعد شطف الشعر من البلسم أو الماسك بنحتاج نستخدام ليف ان للشعر الكيرلي أو جل يفضل عليه مش بيتغسل، وده علشان يحافظ على ترطيبه وكمان يضمن الحفاظ على شكل الكيرلز مظبوطة.
أهم أدوات الشعر الكيرلي
- فرشاة للشعر الكيرلي.
- بونيه ومخدة ستان.
- كريم وليف أن وسيرم وجيل للشعر الكيرلي.
- مكواة الشعر الكيرلي.
- رولات سوسيس وبكر للشعر الكيرلي.
- ديفيوزر للشعر الكيرلي.
- فوطة ميكروفيبر.
أفضل منتجات الشعر الكيرلي
لو شعرك كيرلي وبتدوري على منتجات تنظمه وتخليه ناعم ولامع من غير ما يخنق أو يبقى ثقيل، فالحل هنا! هنقولك على أفضل المنتجات، مثلا كريمات مرطبة زي Shea Moisture أو Cantu اللي بتحبس الرطوبة وتخلي تجعيدك واضح، جل موسترايزر زي Eco Style عشان تحافظ على الليونة من غير قشرة، وسيروم خفيف زي Argan Oil علشان يحميك من الحرارة ويضيف لمعان طبيعي. متنسيش شامبو خالي من السلفات عشان ما يخليش شعرك جاف! كلها منتجات بتحب الشعر الكيرلي وبتساعدك تظبطي لوكك من غير تعقيد. ومهم جدًا تستخدمي أفضل المنتجات للشعر الكيرلي عشان تلاقي نتيجة كويسة من روتين الشعر الكيرلي لأن الروتين لوحده مع منتجات مش كويسة مش هيديكي نتيجة مُرضية.
أفضل شامبو للشعر الكيرلي 2025
- شامبو مويستشر لوك من بابلز BUBBLZZ للشعر الجاف والتالف
- شامبو كانتو Cantu.
- شامبو بزيت الأرجان من Raw African.
أفضل بلسم للشعر الكيرلي 2025
- بلسم كانتو Cantu للشعر الكيرلي.
- بلسم رو أفريكان Raw African الخاليان من السلفات.
أفضل جل للشعر الكيرلي 2025
- جل كيرل وندر من جوفياليتي Joviality.
- جل ذا هير أديكت The Hair Addict.
ما هو أفضل كريم للشعر الكيرلي 2025
أفضل كريم لف أو ستايلنج للشعر الكيرلي هو كريم كانتو Cantu.
أرخص منتجات للشعر الكيرلي 2025
لو عايزة تعتني بشعرك الكيرلي من غير ما تصرفي كتير، جربي منتجات بوبانا Bobana لعلاج وتغذية الشعر المجعد! هتلاقيها بتناسب ميزانيتك جداً، وبتحقق نتائج حلوة من غير تعقيد. من السيليكون فري لـ البروتين الخفيف، كل منتجاتهم مصممة خصيصًا للكيرلي عشان يفضل ناعم ومرتب طول اليوم. وهما دايماً بقدموا عروض وخصومات على منتجاتهم.
أشهر مشاكل الشعر الكيرلي وحلول ليها
مشكلة: الشعر الكيرلي في الصيف بيكون شديد الجفاف
الحل:
- تجنبي غسل الشعر أكثر من مرة أو اثنين في الأسبوع.
- توقفي تمامًا عن استخدام الحرارة على شعرك.
- استخدمي بلسم مع ليف ان للشعر الكيرلي للترطيب.
مشكلة: صعوبة تسريح الشعر الكيرلي
الحل:
- خلال روتين الشعر الكيرلي سرحي شعرك وهو مبلول بعد الشاور مباشرة.
- أو ممكن تسريحه خلال الشاور في خطوة البلسم باستخدام أدوات الشعر الكيرلي المخصصة.
- لو عايزه تسرحي شعرك وهو ناشف ممكن تبليه ببخاخة وتستخدمي جل الشعر الكيرلي.
- تعاملي مع شعرك بهدوء وفكي التشابك بصوابعك الأول واستخدمي مشط واسع.
مشكلة: هيشان الشعر الكيرلي أثناء النوم
الحل:
- استخدمي بونيه ستان للحفاظ على كيرلز شعرك أثناء النوم.
- لو مش متوفر على الأقل حاولي تنامي على مخدة ستان.
لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.
