قائمة المولود الجديد: أساسيات البيبي حديث الولادة

حامل ومنتظرة وصول طفلك بالسلامة؟ لو حاسه بالحيرة أو القلق أنك تنسي أي حاجة من أساسيات البيبي حديث الولادة وتحضيراته، اطمني لأننا في المقال ده من فورسواب هنعملك قوائم بكل أغراض البيبي الأساسية وهنعرفك ما هي أهم مستلزمات الأطفال حديثي الولادة؟ وامتى تبدأي تجهزي الحاجات دي والكميات اللي ننصحك تشتريها من كل حاجة من الأساسيات دي.

لو عندك أي حاجة من مستلزمات الأطفال مش محتجاها، ممكن تبليها او تبعيها على فورسواب من خلال إعلان مجاني، كل اللي عليكي تسجلي في اللينك ده، وتضيفي إعلانك مجاناً.

أساسيات البيبي حديث الولادة 2025

فيه حاجات كتير نقدر نعتبرها من أغراض البيبي الأساسية ومش بس الملابس لكن كمان كل حاجة ممكن تحتاجيها ليه زي:

1. سرير الأطفال: واللي لازم تحتاري مقاسه بشكل مناسب علشان يقضي معاه وقت لعمر السنتين مثلًا.
2. مستلزمات السرير: من مراتب بمقاسه وأغطية وملايات وناموسية.
3. مقعد السيارة أو الكارسيت: الكارسيت مهم جدًا لو بتخرجي وتركبي السيارة باستمرار لأنه بيضمن أمان طفلك.
4. عربية أطفال: اختاري نوع كويس سهل الحركة وفيه أماكن لشنطة البيبي ومستلزماته ويكون سهل الطي والحركة بيه. (شوفي هنا عربة أطفال: أفضل أنواع سترولر في مصر بالأسعار 2025)
   
5. حوض استحمام للطفل: اختاريه خفيف وسهل تتحركي بيه وجوانبه مش حادة.
6. ببرونات أو زجاجات الرضاعة.
7. حفاضات بمقاس حديثي الولادة ومقاس 1
8. مفرش تغيير الحفاضات.
9. مناديل مبللة.
10. دهان علاج التهاب الحفاضات.
11. شامبو وجل مخصص لحديثي الولادة.
12. قطن.
13. مناشف ناعمة.
14. شنطة البيبي للاحتفاظ بأغراضه في حالة الخروج.
15. ملابس (سنتحدث عنها بتفصيل أكبر خلال المقال).

لو عايزه تشتري اي حاجة مستعملة وبحالة كويسة من مستلزمات الأطفال أو الأم  بأسعار مش غالية، شوفي المعروض على فورسواب في اللينك ده.

ما هي الملابس المناسبة لطفل حديث الولادة؟

بعد ما عرفنا اساسيات البيبي حديث الولادة بشكل عام نقدر نركز دلوقتي بشكل تفصيل أكتر على الملابس المناسبة للبيبي وهنقسمها لقسمين:

أولًا: مستلزمات البيبي حديثي الولادة في الصيف

• 6 – 10 أطقم ملابس داخلية بدون أكمام ويفضل أن تكون قطعة واحدة تُغلق من أسفل بكباسين.
• 6 – 10 أطقم بيت أو سالوبيتات صيفية.
• 5 – 7 أطقم أو سالوبيتات خروج خفيفة.
• 10 بافيتات.
• 3 سالوبيتات خريفي للجو المتقلب.
• 3 غطاء رأس.
• 5 شرابات.
• 2 – 3 كوفرتات خفيفة.

ثانياً: مستلزمات البيبي حديثي الولادة في الشتاء

• 6 – 10 أطقم ملابس داخلية بدون أكمام أو نص كم.
• 6 – 10 أطقم ملابس داخلية بأكمام. (ويفضل أن تكون قطعة واحدة تُغلق من أسفل بكباسين)
• 6 – 10 أطقم بيت أو سالوبيتات شتوية.
• 5 – 7 أطقم أو سالوبيتات خروج شتوية ثقيلة.
• 10 بافيتات.
• 2- 3 جواكيت ثقيلة.
• 3 غطاء رأس.
• 10 شرابات.
• 2 – 3 بطانيات ثقيلة للف البيبي بها.

متى تبدأ تجهيزات البيبي؟

ابدأي تجهيزات أساسيات المولود الجديد أول ما تعرفي وتتأكدي من نوع البيبي ولد أو بنت لأن مستلزمات البيبي الولد حديث الولادة مختلف عن البنت، فعلشان تقدري تشتري الملابس مناسبة لنوعه، كمان تقدري تختاري الألوان الخاصة بأدواته وتجهيزاته بلون متناسق مع نوع الطفل، زي ما دايما معروف اللون البينك للبنات واللون الأزرق أو اللبني للأولاد.

قائمة المولود الجديد: اساسيات البيبي حديث الولادة

تجهيز شنطة الولادة للبيبي

الشنطة دي تبدأي تجهزيها من الشهر السابع تقريبًا علشان لو لاقدر الله حصلت أي طوارئ أو ولادة مبكرة تكون كل حاجة جاهزة من بدري، وتحضري فيها أساسيات المولود الجديد من ملابس حسب وقت الولادة هيكون صيف أو شتا، هتجهزي طقمين أو تلاتة كاملين من ملابس البيبي، مع الحفاضات الخاصة بحديثي الولادة، ودهان الحفاضات، وشامبو وشاور حديثي الولادة، وقبعة أو غطاء خفيف للرأس، بافتة أو اتنين، مع ببرونة مُعقمة.

تجهيز شنطة الولادة للأم

1. الأوراق المطلوبة: البطاقة، بطاقة التأمين الصحي.
2. الملابس: كأم حضري طقمين أهم حاجة فيهم أن يكونوا مريحين وسهلين في اللبس والتغيير وبترتاحي في لبسهم، تكون ملابس فضفاضة وواسعة، وطبعا هتكون حسب الموسم صيفي أو شتوي. يعني زي قميص نوم مريح ومفتوح من الأمام للرضاعة، روب دافئ وجوارب للحفاظ على الدفء، ملابس خروج مريحة علشان لما ترجعي بيتك، فوط تنشيف خاصة بيكي.
3. مستلزمات العناية الشخصية: فرشاة ومعجون أسنان، شامبو وصابون ومناديل مبللة، فوط طبية.
4. مستلزمات الرضاعة: حمالات صدر مخصصة للرضاعة، فوط صدر ماصة للحليب.

كده نكون عرّفناكي كل أساسيات البيبي حديث الولادة وكل اللي هتحتاجيه من أغراض البيبي الأساسية وملابس البيبي في الصيف والشتاء وطبعا مش لازم تلتزمي بعدد معين في الملابس لأن الموضوع نسبي، وكمان الأطفال في السن ده بيكبروا بسرعة، ولازم تاخدي بالك لو الطفل مولود مثلا في آخر الموسم سواء صيف أو شتاء أنك تقللي عدد قطع الملابس لحديثي الولادة اللي هتشتريها مناسبة للموسم لأنه مش هيلحق يلبسها كتير وفي السنة اللي بعدها طبعًا هتكون صغرت، فركزي في التفاصيل دي وجهزي كل حاجة من بدري واستعدي لاستقبال مولودك في راحة وبكل اطمئنان وهدوء.

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.