بالصور: أفكار جمبسوت وفساتين كتب كتاب مميزة

أسبوعين مضت

كتب كتابك قرب وبتدوري على أفكار جمبسوت وفساتين لكتب الكتاب؟ لو لسا مش مقررة تختاري مين فيهم لكتب الكتاب هنكلمك في المقال ده من فورسواب عن شوية حاجات تقدري من خلالها تاخدي القرار، وكمان هنعرّفك على أشكال فساتين كتب كتاب 2025 وموضة جمبسوت 2025 وازاي تختاري جمبسوت أو فستان كتب كتاب مناسب لشكل جسمك.

لو بتفكري تشتري فستان كتب كتاب قريب، ممكن تشوفي إعلانات فساتين كتب كتاب للبيع بأسعار معقولة على فوروسواب في اللينك ده.

تختار جمبسوت ولا فستان لكتب الكتاب؟

مفيش قاعدة ثابتة هنا أو اختيار صح واختيار غلط، الموضوع كله بيتوقف على اختيارك والشكل اللي حابه تطلعي بيه في كتب كتابك، لو أنتي بتميلي لكل حاجة تقليدية تقدري تختاري فستان كتب كتاب ابيض أما لو بتحبي التجديد وأن يكون شكلك مميز ممكن تختاري جمبسوت سهره باللون الأبيض أو البيج الفاتح، كمان حسب شكل جسمك، لو انتي من الأجسام الرفيعة أو المتوسطة فتقدري تختاري أي حاجة من الاتنين مفيش مشكلة، أما لو جسمك ممتلئ وزايد كتير في الوزن فننصحك باختيار فستان كتب كتاب سمبل يداري ديفوهات الجسم.

لو عايز جمبسوت بأسعار مش غالية، تقدري تشوفي موديلات كتير للبيع على فوروسواب في اللينك ده.

إيه هي موضة ألوان فساتين كتب الكتاب 2025؟

لو كتب الكتاب ده بديل للفرح فننصحك تختاري فستان كتب كتاب ابيض أو أوف وايت، أما لو هتعملي كتب كتاب وبعد كده لسا هيكون فيه فرح فتقدري تختاري من فساتين كتب كتاب بأي ألوان تحبيها لكن موضة ألوان فساتين كتب كتاب 2025 هي الألوان الهادية زي الكشمير والبيبي بلو والسيمون، لكن ده ميمنعش أن لو ليكي لون مُفضل وبيكون حلو عليكي ولايق على درجة بشرتك أنك تختاري فستان كتاب أو جمبسوت سواريه باللون ده.

ازاي تختاري جمبسوت مناسب لشكل جسمي؟

اختيارك لقصة الجمبسوت المناسبة هي أهم خطوة ممكن تعمليها وانتي بتختاريه وهي اللي ممكن تضيف لجمال جسمك وتداري عيوب أو تظهرها أكتر، لأن كل شكل جسم وليه قصة هتناسبه أكتر، فمثلًا:

جسم الكمترى: بيكون ممتلئ أكتر من الجزء السفلي، ويفضل تختاري جمبسوت فيه تفاصيل وتطريز على الجزء العلوي ويكون الجزء السفلي منه سادة بقصة بسيطة جدًا.
جسم التفاحة: الجسم ده بيكون ممتلئ من الجزء العلوي وفي الحالة دي هنعمل عكس الخطوة اللي قبلها، نختار جمبسوت سواريه بسيط في الجزء العلوي من غير أي قصات أو تطريز.
الجسم المستطيل: زي ما باين من اسمه الجسم بيكون واخد شكل المستطيل ومش متقسم، في الحالة دي ممكن نحدد الوسط ونبرزه أكتر بحزام مثلا وكشكشة أو تضييق من الجزء ده.