السياحة في دهب: أفضل 10 أماكن خروج في مدينة دهب

عايز تسافر يومين تفصل من ضغط الشغل وتتفسح وبتفكر نروح فين في دهب؟ مدينة دهب من الأماكن السياحية الجميلة اللي مليانة بالأنشطة، في المقال ده من فورسواب هنعرفك تعمل ايه في دهب؟ وهنقولك أماكن خروج في دهب والأنشطة اللي ممكن تتعمل هناك، وهنجاوبك على كل الأسئلة اللي ممكن تيجي في بالك لو أول مرة تزور مدينة دهب.

أفضل أماكن خروج في مدينة دهب

1. بلو هول أو الثقب الأزرق.
2. جزيرة لاجونا.
3. محمية أبو جالوم.
4. كانيون.
5. حاجز المنارة المرجاني.
6. محمية نبق.
7. مخبز رالف الألماني.
8. الممشى السياحي.
9. منطقة المسبط.
10. سوق رمسيس فاميلى دهب.

بلو هول أو الثقب الأزرق في دهب

بلو هول أو الثقب الأزرق في دهب

البلو هول هي منطقة غطس ومن اسمها هي حفرة عميقة جدًا وفيها كهوف تحت المياه، وغنية بالحياة البحرية زي الشعاب المرجانية والأسماك المختلفة، عشان كده هي مشهورة بأنها منطقة غطس وغوص لكنها في نفس الوقت خطرة جدًا ولازم تكون متمكن عشان تقدر تغوص فيها وتعمل ده مع فريق مدرب مش بشكل فردي.

لو من عشاق العين السخنة وناوي تسافر في أجازة العيد، يبقى لازم تشوف المقالة دي، أفضل 10 فنادق رخيصة في العين السخنة للسفر في العيد.

جزيرة لاجونا في دهب

جزيرة لاجونا – أماكن خروج في مدينة دهب

لاجونا بيتش من أفضل أماكن الإقامة في دهب لو بتدور على شاطئ رملي لأنه يعتبر تقريبًا الشط الرملي الوحيد في دهب، وفيها فنادق للإقامة، ومركز معتمد لتعليم الغطس، وأماكن للاسترخاء والاستمتاع بالشاطئ، ومجموعة مطاعم وكافيهات مميزة.

منطقة المسبط في دهب

منطقة المسبط – أماكن خروج في مدينة دهب

المنطقة دي من المناطق التجارية وهي من أماكن خروج في مدينة دهب لو بتدور على مكان يجمعلك المطاعم والكافيهات والمحلات المختلفة عشان تعمل جولة تسوق وتشتري منه حاجات مميزة أو تذكارات تفكرك برحلتك في مدينة دهب، كمان المنطقة دي فيها فنادق ومنتجعات ونوادي أو أماكن حجز تعليم الغوص.

محمية أبو جالوم في دهب

محمية أبو جالوم دهب

محمية أبو جالوم ليها اسم تاني كمان هو وادي الرساسة، لو عامل دليل زيارة دهب وناوي تزور مجموعة أماكن لازم تكون منهم محمية أبو جالوم، هي منطقة مليانة بالجبال وسلسلة من الكهوف اللي بتمتد وتوصل للمياه، وفيها مئات الشعاب المرجانية، والأسماك الملونة النادرة، والنباتات النادرة كمان، وفيها أماكن للغوص والاستمتاع بجمال الحياة البحرية فيها.

كانيون في دهب

كانيون من أماكن خروج في مدينة دهب

لو أنت مبتدئ في الغوص فالمكان ده هيكون مثالي بالنسبالك لأن عمق الشاطئ فيه لا يتعدى 33 متر، وزي معظم شواطئ مدينة دهب كانيون مليان بالشعاب المرجانية الجميلة والمبهرة بألوانها وأشكالها، وهتستمتع جدًا بالغوص فيه.

سوق رمسيس فاميلى دهب

سوق رمسيس فاميلى دهب

سوق رمسيس فاميلى دهب من أشهر معالم السياحة في دهب ويضم مجموعة متميزة من المحلات المتنوعة، بعضها بيبيع ملابس تقليدية بتعكس تراث المدينة، ومشغولات ومنتجات يدوية، وحقائب، وغيرها كتير من المقتنيات الرائعة من مدينة دهب، هتلاقي هناك كمان مجموعة من المطاعم.

حاجز المنارة المرجاني في دهب

حاجز المنارة المرجاني

السياحة في دهب معظمها بتعتمد على الغوص والغطس، وحاجز المنارة المرجاني من أفضل الأماكن للغوص في دهب لأن فيه مجموعة كبيرة ومتنوعة من الأسماك اللي هتستمتع وانت بتتفرج عليها وبنسبة كبيرة هتكون أول مرة تشوف العدد والتنوع ده من الأسماك.

الممشى السياحي دهب

الممشى السياحي من أفضل أماكن خروج في مدينة دهب

الممشى السياحي من أفضل أماكن خروج في مدينة دهب لو عايز تتسوق في المحلات وتشتري هدايا أو تذكارات مدينة دهب هتلاقي هناك مجموعة كبيرة ومتنوعة من المحلات التجارية وكمان المطاعم والكافيهات اللي تقدر تقضي فيها وقت لطيف وتشتري منها كل اللي محتاجه.

محمية نبق في دهب

محمية نبق من أماكن خروج في مدينة دهب

من أفضل وأشهر أماكن خروج في مدينة دهب هي محمية نبق اللي بتمتد على مساحة 600 كيلو متر مربع، وبيزورها السياح من كل مكان لأنها من المحميات المميزة جدًا وفيها أنواع مختلفة من الحيوانات البرية زي الغزلان والتعالب وكمان القوارض والزواحف، فيها كمان نباتات نادرة، وحياة بحرية مذهلة فيها أسماك وشعاب مرجانية ملونة، ومن أكتر الحاجات اللي بتميز محمية نبق أن فيها حيوانات ونباتات كتيرة مهددة بالانقراض، واللي متقدرش تشوفها في أماكن كتير.

مخبز رالف الألماني

مخبز رالف الألماني في دهب

من خروجات دهب اللطيفة هي مخبز رالف الألماني وهو من أشهر الأماكن في دهب ومعروف بتقديمه مخبوزات وحلويات شهية، خاصة وقت الفطار، لو أنت من محبي المخبوزات لازم تخصص وقت خلال إقامتك فيها لزيارة المكان ده.

أسعار خروجات دهب اللي ذكرناها مختلفة باختلاف الأوقات والمواسم، صعب حصرها لأنها مختلفة عن مثلا أسعار الإقامة في الفندق، في خروجات دهب أنت بتدفع تكلفة الانتقالات أيًا كانت وسيلة النقل اللي هتستخدمها، وبعدها بتختلف التكاليف حسب اختياراتك الشخصية وطريقة إنفاقك للفلوس.

أنشطة سياحية في دهب 2025

ما هي الأنشطة في الدهب؟ بعد ما اتعرفنا على أشهر أماكن خروج في مدينة دهب هنتكلم هنا بشكل أساسي على أهم الأنشطة اللي ممكن تعملها في دهب وهي:

1. الغطس أو الغوص حتى لو أنت مبتدئ أو مجربتش قبل كده، دهب فيها مراكز لتعليم الغوص وتأجير كل معداته.
2. الاستمتاع بزيارة المحميات الطبيعية ومشاهدة أنواع نادرة من النباتات والحيوانات والطيور والأسماك.
3. التسوق وشراء التذكارات من أماكن التسوق السياحية في دهب.
4. أما لو بتفكر اعمل ايه في دهب بليل؟ رحلات التخييم والشواء من أمتع الأنشطة في دهب بالليل.
5. ممارسة رياضات وأنشطة مختلف زي التزحلق على الرمال وركوب الأمواج أو الباراشوت.

—————————————————————-

أكتر أسئلة شائعة عن مدينة دهب

كم تكلفة أسبوع في دهب 2025؟

التكلفة بتختلف حسب اختيارك للفندق أو مكان الإقامة، وممكن تبدأ من 2000 جنيه للأسبوع للإقامة في مكان بسيط وتوصل لحد 15 أو 20 ألف جنيه للفنادق الخمس نجوم.

ما هي أفضل أماكن الإقامة في دهب؟

منتجع سفير دهب، إيليت ريزيدنس دهب، نوك سي فيو، تروبيتل دهب اواسيز، إيكوتيل دهب باى فيو ريزورت.

مدينة دهب السياحية اين تقع؟

مدينة دهب تقع جنوب شرق شبه جزيرة سيناء على ساحل خليج العقبة بمحافظة جنوب سيناء.

أيهما أفضل دهب أم شرم الشيخ؟

الاختيار حسب غرضك أو هدفك من السفر، لو عايز مكان بسيط وهادي للاستمتاع بالأنشطة المختلفة زي الغوص والغطس ورحلات السفاري والتخييم تختار مدينة دهب، أما لو عايز مكان فيه فنادق فخمة للاستجمام فقط ومش مهتم بالأنشطة كتير تختار شرم الشيخ.

ما هو أجمل مكان في دهب؟

البلو هول، وجزيرة لاجونا، ومحمية نبق.

دهب مشهوره ب ايه؟

الشعاب المرجانية الملونة والأسماك الجميلة والتخييم والسفاري.

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.