كلاب الهاسكي من الكلاب المحبوبة والمطلوبة دايمًا بسبب شكلها الجميل بفروها الناعم وعيونها الزرقاء أو الملونة بشكل عام، وحجمها المتوسط اللي بيكون سهل التعامل معاه وتربيته في المنزل، كمان لأنها كلاب ودودة بتحب الناس والأطفال خصوصًا، لو بتفكر تشتري كلب هاسكي لازم تعرف الأول كل المعلومات عنه هنعرفك في المقال ده من فورسواب مميزات وعيوب كلاب الهاسكي عشان تقدر تاخد القرار وأنت متأكد منه، وكمان تقدر تهتم بالكلب وتراعيه. وسعر الكلب الهاسكي في مصر 2025.
لو ناوي تشتري أو تتبنى كلب هاسكي قريب، تقدر تشوف كل إعلانات الكلاب الهاسكي المعروضة للبيع أو البدل على فورسواب في اللينك ده
نصائح قبل شراء أو تبني كلب هاسكي
- كلاب هاسكي بتحتاج لتدريب مكثف يوميًا مش مجرد مشي لمدة ربع أو نص ساعة كام مرة في الأسبوع، هو بيحتاج تمارين وجري لمدة ساعتين يوميًا تقريبًا، فلو أنت شخص نشيط ومستعد للحركة الكتير مع كلبك هيكون اختيار مثالي، أما لو العكس فتربية كلب هاسكي مش هتكون مناسبة ليك.
- كلب الهاسكي رغم أنه ودود ومُحب لصاحبه لكنه مشاكس وبيحب الهروب فهتحتاج لسور عالي عشان تحافظ عليه.
- غريزة الصيد عند كلاب الهاسكي عالية، فلو بتربي حيوانات أليفة زي القطط أو الدجاج أو الأرانب ممكن تتعرض للهجوم من الهاسكي.
- الهاسكي من الكلاب اللي بتحب الحفر باستمرار فلازم تتوقع ده وتعرف تتعامل معاه، وطبعًا لازم تخرجه باستمرار عشان يفرغ طاقته في الجري والتمارين.
- كلب هاسكي بيعيش في الأجواء الباردة، لكن أجواء الصيف خصوصًا في الأيام الحر والمشمسة أوي بتكون صعبة عليه تحملها أو التعرض للشمس مباشرة.
- رغم أن الهاسكي كلب ذكي لكن عنده جانب أو نزعة استقلالية فمحتاج تبدأ تدرّبه من بدري أنه يسمع كلامك، ورغم كده متقدرش تضمنه للآخر بسبب شخصيته المستقلة والمندفعة في بعض الأحيان.
- أما عن نصايح العناية والنظافة، كلب هاسكي بيحتاج للاهتمام بتمشيط شعره أو فروه بشكل مستمر من مرتين لتلاتة في الأسبوع، كمان مهم تحافظ على نظافة فمه باستخدام معجون أسنان معتمد من الطبيب البيطري، وفحص الأذنين بانتظام بحثاً عن أي عدوى ناتجة عن زيادة الشمع.
- رغم طاقته العالية وحركته الكتير كلب الهاسكي لا يحتاج لكميات كبيرة من الأكل، يكتفي بمتوسط 1000 سعر حراري في اليوم مُقسمة على وجبتين من الدراي فود من النوعيات الجيدة، بالإضافة إلى البروتين الحيواني.
- الهاسكي ليست كلاب حراسة، فلو بتدور على كلب حراسة هيكون من الأفضل أنك تشوف أنواع تانية.
- متوسط عمر كلاب هاسكي من 12 ل 15 سنة تقريبًا.
بنفكرك لو عند كلب أو أي حيوان أليف وعايز تبيعه أو تبدله، سجل بكل سهولة على فورسواب من خلال اللينك ده، وضيف إعلاناتك مجاني.
ما هي مميزات كلب الهاسكي؟
مميزات كلاب هاسكي كثيرة ومنها:
- جمال شكله وجاذبيته: كلب الهاسكي شكله جميل ومُميز وفروه كثيف وناعم، كمان عيونه الزرقاء من أجمل الحاجات المميزة فيه.
- القدرة على التحمل والقوة: الهاسكي من الكلاب القوية اللي بتتصنف في الأساس أنها كلاب عمل تم تربيتها للعمل الشاق، وعندها قدرة تحمل عالية، وده بيخليها مناسبة للأنشطة الرياضية والمشي لمسافات طويلة.
- الود واللطف: كلاب هاسكي ودودة ولطيفة بتحب الناس والأطفال.
- الذكاء: رغم تميزها بالاستقلالية والعند في بعض الأحيان لكنها كلاب ذكية وممكن السيطرة عليها مع التدريب المستمر.
صور كلاب هاسكي ابيض واحمر
كلب هاسكي احمر
كلب هاسكي أبيض
كلب هاسكي أحمر
كلب هاسكي ابيض
لو بتحب الكلاب تقدر تشوف هنا بالصور: أشهر أنواع الكلاب وأسمائها وأسعارها في مصر
عيوب الكلب الهاسكي
رغم جمال شكلها وجاذبيتها ووجود كتير من المميزات فيها لكن أكيد هنلاقي بعض العيوب واللي لازم تعرفها كويس قبل ما تاخد قرار شراء كلب هاسكي ومن أهم العيوب دي:
- تحتاج كلاب هاسكي لكمية كبيرة من التمارين اليومية: وإلا ممكن تكون مدمرة للمكان الموجودة فيه، وده بيتطلب التزام كبير من مالكها وتخصيص وقت يومي للتمارين دي، ومش هيناسب حد عنده التزامات وشغل طول اليوم.
- غريزة الصيد القوية: زي ما اتكلمنا قبل كده أن كلاب هاسكي عندها غريزة قوية للصيد وممكن تشكل خطر على الحيوانات الأليفة الصغيرة لو موجودة في نفس المكان.
- ميل للهروب: لازم تكون عامل سور عالي وآمن جدًا من غير أي فتحات ممكن تسمح بهروب كلبك، كمان خلال الوقت اللي هتمشيه فيه لازم تكون مسيطر عليه دايمًا بسلسلة قوية.
- العواء بصوت عالي: الهاسكي مش من الكلاب الهادية، وبيعوي بدل الباح وبصوت عالي ممكن يزعج الجيران.
- تساقط الشعر بكثرة: شعر كلب هاسكي بيتساقط بكثرة مرتين في السنة خلال فترة الربيع والخريف، فهيحتاج تنضيف مُستمر ومجهود أكبر في العناية بالمكان في الفترات دي.
لو من عشاق القطط .. تقدر تشوف هنا بالصور: أنواع القطط المنزلية وأسعارها في مصر
كم سعر كلب هاسكي في مصر؟
سعر كلب هاسكي في مصر بيختلف حسب عوامل كتير منها نوع الكلب وعُمره ومستوى تدريبه وعوامل تانية كتير، لكن لو هنتكلم عن متوسط عام ممكن يكون في حدود من 5 ل 10 آلاف جنيه مصري تقريبًا، ممكن يقل أو يزيد.
هل الكلب الهاسكي ذئب أم كلب؟
الهاسكي كلب مش ذئب رغم التشابه الكبير في الشكل بينهم لكنه بينتمي لفصيلة الكلاب، وفيه بعض التشابه الجيني بين كلاب الهاسكي والذئاب.
