انخفاض كبير في أسعار كيا سبورتاج بمصر 2025

كيا سبورتاج من السيارات المُميزة والمُفضلة عند ناس كتير بكل فئاتها، لأنها بتتمتع بمميزات كتير سواء في الشكل الخارجي والتصميم أو في تكنولوجيا تصنيعها ومُحركها وأدائها القوي، ومع انخفاض أسعار كيا سبورتاج 2025 بأرقام كبيرة زاد البحث عنها خلال الأيام دي، علشان كده المقال ده من فورسواب هيعرّفك أسعار سيارات كيا سبورتاج 2025 قبل وبعد الخصم في الخمس فئات وكمان كل مواصفاتها بالتفصيل وصورها من الداخل والخارج، وكمان إزاي تبيع عربية كيا سبورتاج مستعملة على فورسواب.

لو بتفكر تشتري عربية كيا سبورتاج مستعملة بأرخص الأسعار، تقدر تشوف كل الإعلانات المعروضة للبيع أو البدل على فورسواب في اللينك ده. 

خفض سعر كيا سبورتاج في مصر 2025 

مع موجة انخفاض أسعار السيارات في مصر 2025 خلال الفترة اللي فاتت، أعلنت “EIT” وكيل سيارات كيا عن خفض أسعار كيا سبورتاج 2025 بمختلف فئاتها في السوق المصري بمبالغ بتتراوح من 150 حتى 175 ألف جنيه، وتم تطبيق الأسعار الجديدة من الأحد الموافق 9 مارس 2025، مع إعلان تعويض العملاء اللي اشتروها بالسعر الرسمي وفقًا لآخر أسعار اعتبارًا من فبراير الماضى، وده بالطبع هيأثر على أسعار كيا سبورتاج مستعملة في مصر وهيخفض سعرها بالتبعية.

لو ناوي تشتري عربية من الخارج .. هنا كل اللي محتاج تعرفه عن الاستيراد الشخصي للسيارات في مصر

أسعار سيارات كيا سبورتاج 2025 

• الفئة الأولى LX كان سعرها مليون و950 ألف جنيه وبعد خصم 150 ألف جنيه أصبح سعرها مليون و800 ألف جنيه.
• الفئة الثانية EX كان سعرها 2 مليون و70 ألف وبخصم 150 ألف جنيه أصبح سعرها مليون و920 ألف جنيه.
• الفئة الثالثة هاي لاين H/L كان سعرها 2  مليون و200 ألف وبخصم 175 ألف جنيه أصبح سعرها 2 مليون و25 ألف جنيه.
• الفئة الرابعة توب لاين T/L كان سعرها 2 مليون و325 ألف وبخصم 175 ألف جنيه أصبح سعرها 2 مليون و150 ألف جنيه.
• الفئة الخامسة GT كان سعرها 2  مليون و450 ألف وبخصم 175 ألف جنيه أصبح سعرها 2 مليون و275 ألف جنيه.

مواصفات عربية كيا سبورتاج

بعد ما عرفنا أسعار كيا سبورتاج 2025 بعد الخصم هنتكلم أكتر عن مواصفاتها، تُعتبر كيا سبورتاج 2025 سيارة رياضية تجمع بين الأداء القوي والتصميم الأنيق والمزايا التكنولوجية المتقدمة، ودي لمحة مُفصلة عن مواصفاتها:

•  الأداء والمحرك

تتميز كيا سبورتاج 2025 بمحركها رباعي الأسطوانات سعة 1600 سي سي، يُولد قوة 180 حصان، وعزم دوران يصل إلى 265 نيوتن متر، يعمل هذا المحرك بكفاءة عالية مع ناقل حركة أوتوماتيكي من 7 سرعات، وده بيوفر تجربة قيادة سلسة وسريعة الاستجابة.

جربت تبدل عربيتك قبل كده   …… سيارات للبدل على فورسواب: بدل عربيتك المستعملة أونلاين بسهولة

• التصميم الخارجي

تتميز كيا سبورتاج 2025 بتصميم خارجي عصري وجذاب، بأبعاد تجعلها مثالية للاستخدام اليومي الداخلي وفي نفس الوقت مناسبة للسفر والرحلات، قاعدة العجلات وارتفاع السيارة عن الأرض بتوفر ثبات خلال القيادة، وقدرة على اجتياز الطرق الوعرة بسهولة، تشمل أيضًا المزايا الشكلية الخارجية مصابيح LED أمامية وخلفية، جنوط رياضية بقياس يصل إلى 19 بوصة، فتحة سقف بانورامية.

•  التجهيزات الداخلية والتقنيات

تتميز المقصورة الداخلية لسيارة كيا سبورتاج 2025 بالفخامة والراحة، مع تجهيزات تكنولوجية متطورة، تشمل بعض التجهيزات دي: شاشة ترفيهية تعمل باللمس مقاسها 12.3 بوصة تدعم أنظمة Apple CarPlay و Android Auto، وشاشة عدادات رقمية، ومقاعد جلدية قابلة للتدفئة والتهوية، ونظام شحن لاسلكي للهواتف الذكية، ونظام صوتي فاخر.

تتوفر ميزات إضافية زي: زر تشغيل / إيقاف المحرك، مثبت سرعة، كاميرا خلفية، فتح شنطة السيارة كهربائيًا، نظام تكييف هواء يدوي، 6 سماعات، وصلات USB وبلوتوث.

• أنظمة الأمان والسلامة

أولوية كيا هي سلامة السائق والركاب، علشان كده زودت سيارة كيا سبورتاج 2025 بمجموعة متكاملة من أنظمة الأمان والسلامة، منها: وسائد هوائية، نظام فرامل مانع للانغلاق (ABS) مع توزيع الكتروني لقوة الفرامل (EBD)، نظام التحكم الإلكتروني بالثبات (ESP)، نظام مراقبة ضغط الإطارات، برنامج التوازن عند المرتفعات والمنحدرات، برنامج تدعيم الفرامل، فرامل يد إلكترونية، حساسات ركن خلفية، ونظام تحذير من الاصطدام في النقطة العمياء.

لو ناوي تشتري عربية مستعملة قريب، في المقالة دي هتعرف أرخص 10 سيارات مستعملة للبيع في مصر، هيساعدك تأخد تشتري العربية المناسبة ليك.

باختصار، تجمع كيا سبورتاج 2025 بين الأداء القوي، والتصميم الأنيق، والمزايا التكنولوجية المتقدمة، وأنظمة السلامة المتطورة، مما يجعلها خيارًا مثاليًا للباحثين عن سيارة رياضية تجمع بين الراحة والأداء العالي.

صور كيا سبورتاج من الداخل والخارج

صور كيا سبورتاج من الداخل 2025

صور كيا سبورتاج 2025 من الداخل

كيا سبورتاج 2025

أسعار كيا سبورتاج 2025

خطوات بيع عربية كيا سبورتاج مستعملة على فورسواب

1. إنشاء حساب على فورسواب: تسجيل الدخول إلى حسابك على الموقع أو الإبليكشن.
2. إضافة إعلان جديد: اختر فئة “عربيات و مركبات” وأدخل تفاصيل السيارة، مثل الموديل، سنة الصنع، الحالة، والسعر المطلوب.
3. تحميل صور واضحة:  التقط صورًا عالية الجودة للسيارة من زوايا مختلفة لزيادة فرص البيع.  (شوف هنا أفضل تطبيقات لتصوير المنتجات باحتراف بالموبايل)
4. كتابة وصف جذاب: قدم وصفًا دقيقًا يشمل المواصفات، المميزات، والصيانة السابقة إن وجدت.
5. تحديد السعر المناسب: ابحث عن أسعار السيارات المشابهة لتحديد سعر تنافسي وجذب المشترين بسرعة.
6. نشر الإعلان: بعد التأكد من صحة التفاصيل، قم بنشر الإعلان.
7. التواصل مع المشترين المهتمين: تابع الاستفسارات، رد على الرسائل بسرعة، وحدد موعدًا لمعاينة السيارة.
8. إتمام عملية البيع بأمان:  بعد الاتفاق مع المشتري، قم بإتمام الصفقة بأمان، ويفضل أن تكون في مكان عام لتجنب أي مخاطر.

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.