أرخص أماكن بيع زينة رمضان في مصر

رمضان 2025 على الأبواب وزينة رمضان من أكتر الحاجات المُبهجة اللي بتعمل جو مختلف ومميز يحسسنا احنا والولاد باختلاف وسعادة في البيت، ولأن الظروف الاقتصادية صعبة على الكل، فورسواب هتقدم لك  في المقال ده أرخص أماكن بيع زينة رمضان في مصر 2025 وهنعرفك ممكن توصلها إزاي وتشتري منها إيه، وكمان متوسط أسعار زينة رمضان تقريبًا، وفي الآخر هنقولك شوية نصايح قبل ما تنزل تشتري الزينة.

أرخص أماكن بيع زينة رمضان في مصر 2025

• شارع الخيامية.
• النزهة الجديدة.
• الموسكي.
• حارة اليهود.
• السيدة زينب.
• سوق المنشية.

كلها أيام ونبتدي نزيين البيت لرمضان .. هنا ممكن تشوفي أفكار ديكورات زينة رمضان 2025 .. أفكار جديدة للبيت والبلكونات

• شارع الخيامية – شراء زينة رمضان 2025

لو نفسك تحس بجو رمضان الأصيل من قبل ما يبدأ هتقدر تعيشه في شارع الخيامية، وهو شارع قديم في القاهرة الإسلامية ومن زمان وهو سوق للأقمشة والزينة، وطبعا هو مشهور بقماش الخيامية اللي هتلاقي منه أشكال وألوان، هتلاقيه بيتباع بالمتر عشان تقدر تفصل منه اللي أنت عايزه، أو متفصل جاهز لمفارش وستاير وحاجات تانية كتير، هتلاقي كمان ورش صغيرة والحرفيين شغالين قدامك بيعملوا السجاد الخيامية أو بيصنّعوا الفوانيس.

إزاي أروح الخيامية؟

الخيامية قريب من شارع المعز ناحية باب زويلة، أسهل طريقة توصله إنك تركب المترو لحد محطة العتبة، وبعدين تاكسي أو توكتوك وقول للسواق “شارع الخيامية” وهيوصلك على طول، والمحلات هناك بتفتح من 11 الصبح تقريبًا لحد نص الليل بس أحلى وقت بالليل.

أحسن حاجات تشتريها لشهر رمضان من الخيامية:

1. لافتات رمضان قماش ملونة.
2. فوانيس رمضان قماش ومعدن بكل الأحجام.
3. أغطية مخدات بقماش خيامية وشخصيات رمضان الكرتونية.
4. أطباق ملونة ومطبوع عليها حاجات رمضان.
5. كوشن رمضان.

• النزهة الجديدة – شراء زينة رمضان 2025

عايز تشتري حاجات متطورة أكتر شوية عن قماش الخيامية والمفارش؟ بنرشحلك منطقة النزهة الجديدة لأنها من أرخص أماكن بيع زينة رمضان في مصر وهتلاقي فيها زينة رمضان تقليدية وحديثة مع بعض، من الفوانيس العادية لحد أضواء LED على شكل هلال ونجوم وكل الاختراعات الحديثة للزينة موجودة هناك، ومشهورة أوي بحاجات البيت الرمضانية بأسعار رخيصة.

تروح النزهة الجديدة إزاي؟

اركب المترو الخط التالت في اتجه عدلي منصور وانزل محطة النزهة ومن هناك هتقدر تاخد توكتوك يوصلك شارع المدينة المنورة في النزهة الجديدة وده الشارع اللي فيه المحلات. المحلات بتفتح هناك من 10 الصبح لحد 11 بالليل تقريباً وقبل رمضان ممكن يطولوا شوية.

تشتري إيه لشهر رمضان من النزهة الجديدة؟

1. مخدات مزينة بكلام رمضان (خدادية كوشن رمضان).
2. ستيكرات وديكورات للحوائط.
3. أطباق وأدوات مائدة خاصة برمضان.
4. فوانيس رمضان أشكال قديمة وجديدة.

لو أنت من الناس اللي مش بتحب النزول والمشي وبتفضل الشراء أونلاين .. فتقدر بكل سهولة تبيع أو تشتري زينة رمضان بأرخص الأسعار من موقع فورسواب في اللينك ده.

أماكن جملة لشراء زينة رمضان 2025

لو بتخطط لتزيين مساحة كبيرة أو عايز تشتري كمية زينة كبيرة لعيلتك هيكون الشراء من الأماكن الجملة أكيد أرخصلك وأوفرلك، ومن الأماكن دي في القاهرة:

• الموسكي حارة المزين لشراء زينة رمضان 2025

الموسكي هو أساس كل الأسواق في القاهرة، وحارة المزين تُعتبر مركز زينة رمضان، اللي بيلجألها التجار وأصحاب المحلات الصغيرة ويشتروا منها مستلزماتهم.

ازاي اروح الموسكي حارة المزين؟

أسهل طريقة للوصول للموسكي وحارة المزين هي ركوب المترو وانزل محطة العتبة واسأل عن حارة المزين ممكن تمشي لحد ما توصل أو تاخد تاكسي لمسافة صغيرة. والمحلات في الموسكي بتفتح عادة حوالي الساعة 9 الصبح وتقفل غالبًا بعد نص الليل خصوصًا في الأيام اللي قبل رمضان.

هتلاقي في الموسكي وحارة المزين تحديدًا كل زينة رمضان اللي ممكن تكون بتدور عليها زي:

1. أفرع لمبات وفوانيس ملونة صغيرة.
2. الفوانيس الورقية بالجملة.
3. لفات كبيرة من القماش المزخرف لعمل مفارش رمضان.
4. كميات جملة من فوانيس الأطفال البلاستيكية.

• حارة اليهود لشراء زينة رمضان بالجملة 2025

على الرغم من اسمها “حارة اليهود” لكنها من أحسن أرخص أماكن بيع زينة رمضان بأسعار الجملة، وبتركز على الزينة المصنوعة يدويًا، فهتلاقي هناك زينة رمضان مصنوعة من القماش والخشب والنحاس وكلها تُعتبر تُحف فنية.

إزاي أروح حارة اليهود؟

حارة اليهود موجودة في حي الجمالية في القاهرة الإسلامية، وأسهل طريقة للوصول أنك تركب المترو وتنزل محطة باب الشعرية وتطلع تمشي في شارع بورسعيد لحد ما توصل عند ممر الشابوري ده بداية حارة اليهود. ومعظم المحلات هناك بتفتح من حوالي الساعة 9 الصباح لحد 10 أو 11 بالليل.

تشتري إيه لرمضان من حارة اليهود؟

1. فوانيس رمضان معدنية وحوامل شمع.
2. زينة زجاجية مصنوعة يدويًا.
3. أقمشة مفارش رمضان المطرزة.
4. تقاويم رمضان المنقوشة.
5. صناديق هدايا رمضان.

• السيدة زينب لشراء زينة رمضان بالجملة

منطقة السيدة زينب بتتحول لمدينة متكاملة تقريبًا بتبيع زينة رمضان قبل بدايته بأسابيع، هتحس بجو رمضاني جميل وهتلاقي كل أشكال زينة رمضان اللي ممكن تفكر فيها.

ازاي اروح السيدة زينب؟

هتلاقيها في وسط البلد، اركب المترو لحد محطة السيدة زينب، والسوق قريب من المحطة ومن المسجد. والسوق هناك بيكون ناشط أكتر بالليل، معظم البياعين بيجهزوا حاجاتهم من الساعة 4، وممكن تلاقي بعضهم فاتح لحد نص الليل وأكتر.

ممكن تشتري إيه في زينة رمضان من السيدة زينب؟

• فوانيس قماش وبلاستيك بألوان كتير وأسعار حلوة.
• ألعاب تعليمية للأولاد مناسبة لرمضان.
• زينة رمضان مضيئة.
• لافتات وكلام رمضان.

أماكن شراء زينة رمضان 2025 في الإسكندرية

رغم أن أكتر وأشهر أماكن بيع زينة رمضان موجودة في القاهرة لكن فيه أسواق مُشابهة في اسكندرية زي:

• سوق المنشية في الإسكندرية لشراء زينة رمضان

سوق المنشيه هو شبيه الموسكي في الإسكندرية، سوق كبير هتلاقي فيه كل حاجة ومنها زينة رمضان.

إزاي اروح سوق المنشية في إسكندرية؟

لو هتروح سوق المنشية من محطة الرمل اركب مشروع من عالكورنيش يكون رايح المنشية أو تاكسي من أي مكان. ومعظم المحلات في المنشية بتفتح من حوالي الساعة 9 الصبح لحد 10 أو 11 بالليل.

تشتري إيه لرمضان من سوق المنشية في إسكندرية؟

1. فوانيس قماش تقليدية.
2. أطباق مزخرفة لرمضان
3. أقمشة وسجاجيد وأغطية مخدات مزخرفة.
4. زينة بلاستيكية للأطفال بأسعار معقولة.

أسعار زينة رمضان 2025

الأسعار بتختلف جدًا من مكان للتاني حسب المكان اللي هتشتري منه وكمان حسب شطارتك لأن الموضوع بيتوقف بنسبة كبيرة على قدرتك على الفصال للوصول لسعر كويس، لكن لو هنتكلم عن فكرة عامة ده دليل تقريبي لأسعار زينة رمضان في مصر2025:

• فوانيس بلاستيك صغيرة من 20 – 50 جنيه.
• فوانيس قماش متوسطة من 50 – 150 جنيه.
• فوانيس معدن كبيرة مزخرفة من 200 – 1000+ جنيه.
• أفرع الأضواء LED رمضان (100 لمبة) من 50 – 200 جنيه.
• لافتة رمضان قماشية من 30 – 100 جنيه.
• غطاء وسادة زينة رمضان من 50 – 200 جنيه.
• أطباق تقديم رمضانية مزخرفة من 100 – 500 جنيه.
• أنشطة رمضان للأطفال من 50 – 200 جنيه.

نصائح عند شراء زينة رمضان

1. ابدأ دور واشتري بدري ومتنستناش اللحظة الأخيرة عشان تقدر تشتري كل اللي نفسك فيه بأسعار كويسة.
2. الأماكن دي بنسبة كبيرة مش متاح فيها الدفع بالفيزا خلّي دايمًا معاك فلوس كاش.
3. لازم تكون بتعرف تتعامل مع الزحمة وتحافظ على فلوسك وشُنطك عشان تقدر تتسوق في الأماكن دي.
4. جهز وانت نازل ليست بالحاجات اللي بتفكر تشتريها وهتنظمها ازاي في البيت عشان تفكيرك يكون منظم وانت بتشتري.

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، موبايلات وأجهزة منزلية أو حتى موضة تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.