ناس كتير حاليًا بتلجأ لشراء سيارات مستعملة بدل الجديدة بسبب أرتفاع الأسعار الكبير اللي حصل في أسعار السيارات مؤخرًا تحديدًا خلال آخر سنتين، لو بتدور على أرخص سيارة مستعملة في مصر أو بشكل عام عايز تاخد فكرة عن أسعار السيارات المستعملة في 2025، وده اللي فورسواب هتكلمك عنه بالتفصيل انهارده وهنعرّفك ازاي تختار سيارة مستعملة تناسب ميزانيتك وفين ممكن تلاقي أرخص سيارات مستعملة للبيع في مصر وأسعارها بتكون كام.
لو ناوي تشتري عربية من الخارج .. هنا كل اللي محتاج تعرفه عن الاستيراد الشخصي للسيارات في مصر
ازاي تختار سيارة مستعملة تناسب ميزانيتك في 2025؟
- أولًا حدد ميزانيتك بدقة وشيل جزء على جنب لمصاريف تسجيل العقد ونقل الملكية ولو هتحتاج تجديد للرخصة، وجزء احتياطي لأي إصلاحات ممكن العربية تحتاجها.
- حدد احتياجاتك واستخدامك للعربية، بمعنى هل هتستخدمها لوحدك ولا للاستخدام العائلي عشان تفكر في حجم العربية، هل بتقطع مسافات طويلة يوميًا؟ فهيكون تركيزك الأساسي على عربية موفّرة في البنزين، هل محتاج أي مميزات إضافية فكر فيها واكتبها كلها في قايمة. ( المقال ده هيفيدك أسباب وعلامات تلف طرمبة البنزين في السيارة وكيفية الحفاظ عليها )
- ابدأ ضيّق دايرة البحث بتاعتك في حدود العربيات اللي بتوفرلك المميزات اللي محددها مع الميزانية المتاحة ليك.
- اقرأ كل مميزات وعيوب السيارات المعروضة وابعد عن السيارات اللي عاملة حوادث أو مش فابريكا من جوه.
- حاول تختار العربيات اللي في إطار نفس محافظتك عشان يكون سهل تروح تكشف عليها وتجربها.
- خُد معاد وقابل صاحب العربية واطلب منه تجرّب تسوقها ولو حسيت أنها تمام اتفق معاه تاخدها لميكانيكي أو مركز فحص عشان يكشفلك على العربية ويقولك لو فيها أي عيوب.
تقدر تشوف هنا بالتفصيل أهم نصائح الخبراء قبل شراء عربية مستعملة .. خلي بالك .. اما لو ناوي تشتري جديد هنا أفضل 10 سيارات أقتصادية في 2024
أرخص سيارات مستعملة للبيع في مصر 2025
- سيارة فيات 127.
- فيات 128.
- كيا برايد.
- سوزوكي التو.
- اسبيرانزا A113
- اسبيرانزا 516 A.
- جيلي ايمجراند 7.
- هيونداي اكسنت.
- هيونداي فيرنا.
- دايو لانوس.
جربت تبدل عربيتك قبل كده …… سيارات للبدل على فورسواب: بدل عربيتك المستعملة أونلاين بسهولة
أرخص سيارة فيات 127 مستعملة في مصر – سعر 2025
- فيات 127 ممكن تكون أرخص سيارة مستعملة في مصر وهي من أقدم الأنواع الموجودة، وهي سيارة مانيوال، وغالبًا هتلاقيها تصنيع سنة 1971 لحد 1983، وده معناه أن عمرها معدي الخمسين سنة تقريبًا، بالتالي هتكون مُستهلكة بشكل كبير، عشان كده لو قررت تجيب النوع ده والميزانية مش سامحة بأعلى من كده لازم تكشف عليها كويس جدًا وتتأكد أن العيوب اللي فيها مش هتخليها تعطل منك كل شوية، سعة المحرك بتاعها 900 سي سي.
- سعر سيارة فيات 127 المستعملة في حدود 30 – 45 ألف جنيه مصري حسب حالتها.
هنا تقدر تشوف كل إعلانات سيارات مستعملة فيات 127 للبيع أو البدل على فورسواب
أرخص سيارة فيات 128 مستعملة في مصر – سعر 2025
- النوع ده بيشبه اللي قبله في معظم الصفات، وهي سيارة اقتصادية جدًا في استهلاك البنزين، مانيوال، وسعة المحرك بتاعها 1100 سي سي، وقطع غيارها متوفرة في سوق المُستعمل بأسعار مقبولة جدًا، لكنها عُرضة للأعطال المتكررة، وهتلاقيها موديل تمانينات.
- أفضل سيارة مستعملة في حدود 65 غالبًا هتكون هي فيات 128 وممكن تكون متوفرة بأسعار أقل بتوصل لحد 45 ألف حسب الحالة.
هنا تقدر تشوف كل إعلانات سيارات فيات 128 مستعملة للبيع أو البدل على فورسواب
أرخص سيارة كيا برايد مستعملة في مصر – سعر 2025
- سيارة كيا برايد المشهورة بالعصفورة هي سيارة حجمها صغير، سعة المحرك بتاعها من 1100 – 1300 سي سي حسب الموديل، وهي عربية موفرة في البنزين، وقطع غيارها متوفرة بسهولة، موجود منها تصميم هاتشباك وتصميم تاني سيدان، كيا برايد في الأساس تواجدت في السوق كسيارة مانيوال، ثم توفر منها نسخة أوتوماتيك، هتلاقي العربية دي موديلات التسعينات.
- السعر: تعتبر كيا برايد أرخص سيارة أوتوماتيك في مصر بسعر يتراوح من 120 – 150 ألف جنيه.
في اللينك ده تقدر تشوف كل إعلانات سيارات كيا برايد مستعملة لليبع أو البدل على فورسواب.
سيارة سوزوكي التو مستعملة – سعر 2025
- سوزوكي ألتو من السيارات صغيرة الحجم ذات محرك 800 سي سي لذا فهي سيارة موفرة في البنزين، لكن قطع غيارها ليست متوفرة بكثرة مثل الأنواع السابقة، وهي سيارة مانيوال.
- سعر سيارة سوزوكي التو مستعملة موديل 2005 – 2008 تقريبًا في حدود من 160 – 200 ألف جنيه تقريبًا.
في اللينك ده تقدر تشوف كل إعلانات سيارات سوزوكي ألتو مستعملة للبيع أو البدل على فورسواب.
سيارة اسبيرانزا A113 مستعملة – سعر 2025
- اسبيرانزا A113 سيارة صغيرة هاتشباك موديلاتها من 2007 لحد 2014 وهي سيارة صيني محركها 1300 سي سي وناقل الحركة فيها مانيوال، سيارة موفرة في البنزين، لكن رغم أنها صيني من الأنواع اللي أعطالها قليلة أو غير شائعة.
- سعر سيارة اسبيرانزا A113 مستعملة موديل 2008 – 2010 في حدود 165 / 200 ألف جنيه.
تقدر تشوف كل سيارات اسبيرانزا A113 مستعملة المعروضة للبيع أو البدل على فورسواب.
سيارة اسبيرانزا 516 A مستعملة – سعر 2025
- اسبيرانزا 516 A سيارة صيني سيدان وده بيخليها مؤهلة كسيارة عائلية كبيرة، أما سعة المحرك بتاعها 1600 سي سي، فهي سيارة غير موفرة في البنزين، ناقل الحركة فيها مانيوال.
- سعر موديل 2008 – 2010 منها في حدود 185 / 220 ألف جنيه.
تقدر تشوف كل إعلانات اسبيرانزا A516 المستعملة المعروضة للبيع أو البدل على فورسواب في اللينك ده.
سيارة جيلي ايمجراند 7 مستعملة – سعر 2025
- جيلي ايمجراند 7 سيارة سيدان كبيرة، ورغم أنها سيارة صيني لكنها انتشرت بشكل كبير ولاقيت إقبال بسبب تميزها ببعض عوامل الأمان على عكس العربيات الصيني، سعة المحرك 1500 سي سي واستهلاكها للبنزين متوسط، وناقل الحركة مانيوال.
- سعر موديلات 2014 – 2015 من جيلي ايمجراند 7 في حدود 230 / 295 ألف جنيه.
تقدر بسهولة تشوف كل إعلانات سيارات مستعملة جيلي ايمجراند 7 للبيع أو البدل على فورسواب في اللينك ده.
سيارة هيونداي اكسنت مستعملة – سعر 2025
- هيونداي اكسنت ليها موديلات كتير بس بما أننا بنتكلم عن أرخص سيارات مستعملة، هنتكلم عن موديل قديم شوية منها واللي هو موديل 2005، هيونداي اكسنت فيها نسخة هاتشباك ونسخة سيدان، وسعة المحرك 1300 سي سي، وفيه نسخة بسعة 1500 سي سي، استهلاكها في البنزين مناسب، قطع غيارها متوفرة بسهولة وبأسعار كويسة، فيه منها مانيوال وأوتوماتيك. فلو بتدور على أفضل سيارة مستعملة في حدود 200 ألف هتكون هيونداي اكسنت.
- سعر هيونداي اكسنت موديلات 2005 – 2007 في حدود 200 / 290 ألف جنيه.
شوف كل إعلانات سيارات هيونداي اكسنت المعروضة للبيع أو البدل على فورسواب في اللينك ده.
سيارة هيونداي فيرنا مستعملة – سعرها 2025
- هيونداي فيرنا عربية سيدان من أكتر العربيات المنتشرة في مصر، واللي ظهرت أول مرة سنة 2003 فيه منها موديلات مانيوال وموديلات أوتوماتيك، سعة المحرك 1600 سي سي، وهي عربية اقتصادية في البنزين، وقطع غيارها رخيصة ومتوفرة بكثرة.
- متوسط سعر هيونداي فيرنا مستعملة موديل 2012 في حدود 310 ألف جنيه.
تقدر تشوف كل إعلانات سيارات مستعملة هيونداي فيرنا للبيع أو البدل على فورسواب في اللينك ده.
سيارة دايو لانوس مستعملة – سعرها 2025
- دايو لانوس زي فيرنا من العربيات المنتشرة بشكل واسع في مصر بسبب سعرها المتوسط واستهلاكها الموفر في البنزين، وتوفر قطع غيارها بسهولة وبأسعار رخيصة، سعة المحرك 1500 سي سي، وناقل الحركة فيه منها مانيوال أو أوتوماتيك.
- سعر دايو لانوس موديل 2005 – 2008 في حدود 220 / 260 ألف جنيه.
شوف هنا كل إعلانات سيارات مستعملة دايو لانوس للبيع أو البدل على فورسواب في اللينك ده.
فين تلاقي أرخص سيارات مستعملة في مصر 2025؟
لو بتدور على أرخص سيارات مستعملة تقدر تشوفها على فورسواب اللي فيه قسم يُعتبر من أفضل موقع بيع سيارات مستعملة في مصر أو لو حابب تنزل تشوف بنفسك هيكون في سوق السيارات في مدينة نصر، لكن دايمًا خلي بالك وخد احتياطاتك بشكل سليم عشان متتعرضش للنصب.
لو عندك عربية مستعملة وعايز تعرضها للبيع أو البدل على فورسواب، تقدر بسهولة تعمل حساب على فورسواب، وتضيف إعلاناتك مجانآ
أسعار السيارات المستعملة في مصر 2025
أسعار السيارات المستعملة في مصر زاد مؤخرًا مع الزيادة الكبيرة في سعر السيارات الجديدة، لكن في النهاية هتلاقي دايما سيارات قديمة بأسعار رخيصة ومتوسطة تقدر تبدأ بيها، وزي ما اتكلمنا في المقال أن سعر السيارة المستعملة ممكن يبدأ من 30 ألف جنيه وطبعًا مفيش حد أقصى نقدر نتحكم فيه لأن فيه سيارات مُستعملة بملايين حسب ماركتها وموديلها، لكن المتوسط للسيارات المعقولة هيكون في حدود 200 / 300 ألف جنيه.
أكتر أسئلة شائعة عن العربيات المستعملة الرخيصة
أشهر الأنواع هي فيات 128، لادا، سوزوكي ماروتي، وبعض موديلات بيجو ورينو القديمة.
لا، العربيات المستعملة الرخيصة غالباً مفيش عليها ضمان. الضمان الوحيد هو فحصك الجيد للعربية قبل ما تشتريها.
أقل سعر لعربية مستعملة شغالة في مصر بيبدأ من حوالي 40,000 جنيه مصري، وده بيرجع لحالة العربية وموديلها. (هتلاقيها هنا)
أيوه، قطع غيار العربيات الرخيصة دي منتشرة جداً في كل حتة وأسعارها رخيصة وسهلة تلاقيها.
فيات 128 أو لادا ممكن يكونوا كويسين للمبتدئين عشان سهولة صيانتهم ورخص قطع غيارهم.
العربيات الأوتوماتيك الرخيصة ممكن تكون مخاطرة، لأن الفتيس الأوتوماتيك القديم أعطاله بتكون مكلفة جداً في الصيانة لو مش سليم. يفضل اليدوي في الفئة دي.
غالبًا أيوه، العربيات المستعملة القديمة بتكون استهلاكها للبنزين أعلى شوية من العربيات الحديثة.
تكلفة الترخيص بتعتمد على سعة الموتور (الـ CC) وموديل العربية، لكن غالباً العربيات الرخيصة دي بتكون سعة موتورها قليلة (مثلاً 1300 سي سي أو أقل)، فبتكون رسوم الترخيص بتاعتها هي الأقل في فئتها، ممكن تتراوح من 400 لـ 800 جنيه مصري سنوياً، وده بيختلف حسب الضرائب والرسوم الجديدة.
أهم خطوة هي فحص العربية قبل الشراء كويس جداً. خد معاك ميكانيكي موثوق فيه يفحص الموتور والفتيس، ورشاش سمكرة يبص على الشاسيه والدهان، وجرب العربية بنفسك على الطريق. متستعجلش في الشراء أبداً.
أرخص أنواع العربيات المستعملة المنتشرة هي فيات 128، لادا، سوزوكي ماروتي، وفيات 127/131.
بميزانية 200 ألف جنيه مصري، ممكن تجيب هيونداي فيرنا/أكسنت، نيسان صني (موديلات أقدم)، كيا سيراتو (موديلات أقدم)، أو شيفروليه أفيو.
بميزانية 300 ألف جنيه مصري، ممكن تجيب هيونداي إلنترا/سيراتو (موديلات متوسطة)، نيسان صني (أحدث نسبياً)، تويوتا كورولا (موديلات أقدم بس اعتمادية)، أو رينو لوجان (أحدث نسبياً).
صعب جداً تلاقي عربية بحالة كويسة في الرينج ده. لو لقيت، هتكون موديلات قديمة جداً (قبل 2005 غالباً)، ومعرضة لمشاكل في الفتيس الأوتوماتيك مكلفة جداً.
خيارات محتملة (مع مخاطر عالية): هيونداي أكسنت أو نيسان صني أو كيا سيراتو (موديلات قديمة جداً).
ممكن تلاقي خيارات أكتر شوية من رينج الـ 100 ألف، لكنها هتكون موديلات قديمة (غالباً من 2000s لأوائل 2010s) وبتحتاج فحص دقيق جداً.
أمثلة محتملة: هيونداي أكسنت/إلنترا، كيا سيراتو، نيسان صني (موديلات أقدم)، وشيفروليه أفيو. (نصيحة): الفتيس الأوتوماتيك في الأعمار دي بيحتاج فحص متخصص.
تقدر تعرف أكتر عن مواضيع مدونتنا في مجالات الموضة والجمال والعقارات والسيارات والموبايلات وجميع أقسامنا من هنا.
أشياء مهمة يجب معرفتها قبل شراء BMW مستعملة 
الميكانيكي بيقولك: أشهر أعطال ومشاكل السيارات وأسبابها وحلول ليها 
مراكز صيانة السيارات في القاهرة وأهمية الصيانة الدورية للسيارة 
أفضل سيارات كهربائية في مصر 2025 بمواصفاتها والأسعار 
انخفاض كبير في أسعار كيا سبورتاج بمصر 2025 
تحويل السيارة للغاز الطبيعي 2025 .. دليلك خطوة بخطوة 
