أفضل تطبيقات لتصوير المنتجات باحتراف بالموبايل

تصوير المنتجات بشكل احترافي بالموبايل بقى من الأمور المهمة جدا لأي حد عايز يسوق لمنتجاته أونلاين أو يبيعها على منصات البيع والشراء زي فورسواب . الصور الحلوة بتأثر بشكل كبير في قرار الشراء، وعشان كده محتاج تكون صور منتجاتك احترافية وتبرز التفاصيل بأفضل شكل. في المقال ده، هنتكلم عن أفضل تطبيقات لتصوير المنتجات بالموبايل زي المحترفين اللي هتساعدك تاخد صور احترافية بجودة عالية باستخدام كاميرا الموبايل.

إيه هى أبليكشن أو تطبيقات تصوير المنتجات؟ 

تطبيقات تصوير المنتجات بتساعدك تحسن من جودة الصور اللي بتاخدها للمنتجات اللي بتسوقلها أو بتبيعها أونلاين فيه امكانيات معينة بتخليك تسلط الضوء على تفاصيل المنتج و تعدل الصور بشكل إحترافي. التطبيقات دي بتضم مجموعة من المميزات والأدوات اللي بتساعدك تصور المنتجات بنفسك زي أي مصور محترف وفي منها مجاني وفي مدفوع.

أفضل تطبيقات لتصوير المنتجات باحتراف بالموبايل

1. Adobe Lightroom
2. Snapseed
3. VSCO
4. Camera+ 2
5. ProCam X – Lite
6. Pixlr
7. Foodie
8. PhotoRoom

أهم النصائح لتصوير المنتجات باحتراف بالموبايل

1. اختيار الإضاءة المناسبة:  استخدام إضاءه مناسبة ماتكونش قوية بزيادة ولا تكون إضاءة ضعيفة. استخدم الضوء الطبيعي بقدر الإمكان لتجنب الظلال غير المرغوب فيها. إذا كنت تصور داخل المنزل، اجلس بالقرب من نافذة أو استخدم إضاءة ناعمة.
2. تصوير على خلفية بسيطة ومفهاش تفاصيل لإبراز المنتج: اختر خلفية موحدة ويفضل أن تكون بلون محايد مثل الأبيض أو الرمادي لتسليط الضوء على المنتج نفسه.
3. تصوير المنتج من زوايا مختلفة: تجربة زوايا تصوير كتيرة لحد ما تلاقي أحلى زاوية بتبرز شكل و تفاصيل المنتج. 
4. ضبط إعدادات الكاميرا: تأكد من ضبط التركيز (Focus) والسطوع (Brightness) قبل التصوير للحصول على جودة أفضل ف يتصوير المنتجات.
5.  ماتبالغش في استخدام الفلاتر للدرجة اللي تأثر على الشكل والألوان الأصلية للمنتج.
6. تثبيت الموبايل كويس: استخدم حامل ثلاثي القوائم (Tripod) لتثبيت الهاتف ومنع الاهتزاز أثناء التصوير للحصول على صور واضحة.
7. التحقق من جودة الصورة: تأكد من أن الصورة عالية الدقة وأن جميع التفاصيل واضحة قبل نشرها.
8. تحسين الصورة باستخدام تطبيقات التعديل: استخدم تطبيقات تعديل الصور مثل Snapseed أو Lightroom لإجراء تعديلات بسيطة على الإضاءة والألوان.
9. إظهار المنتج في سياق الاستخدام: علشان تجذب العملاء، صور المنتج أثناء استخدامه في الحياة اليومية لإظهار فائدته.

1. Adobe Lightroom

أبليكشن Adobe Lightroom من أشهر وأفضل التطبيقات لتصوير المنتجات اللي بتستخدم في تعديل الصور بشكل احترافي. التطبيق بيوفر أدوات متقدمة زي التحكم في الإضاءة، التباين، والتشبع، وكمان خاصية تحرير الألوان. لو بتصور منتجاتك في إضاءة مش مثالية، التطبيق ده بيساعدك على تحسين الصورة وضبط كل العناصر عشان تطلع بأفضل شكل.

مميزاته:

• أدوات تعديل متقدمة.
• تحسين الإضاءة والتباين.
• خاصية Presets اللي بتوفر لك فلاتر جاهزة.

تطبيقات لتصوير المنتجات بالموبايل – Adobe Lightroom

2. Snapseed

أبليكشن Snapseed هو تطبيق مجاني ومتاح لكل مستخدمي أندرويد وiOS، بيتميز بسهولة الاستخدام وأدوات التعديل المتكاملة. التطبيق بيوفر فلاتر متعددة وتحكم دقيق في تفاصيل الصور، زي تعديل الحدة والتشبع والظلال. كمان فيه ميزة حلوة أوي انك تقدر تمسح اي عناصر غير مرغوب فيها من الصور، ودي أداة مثالية لو عايز تركز على المنتج لوحده .

مميزاته:

• واجهة سهلة الاستخدام.
• أدوات تعديل احترافية.
• إزالة العيوب والعناصر المزعجة من الصورة.

تطبيقات لتصوير المنتجات بالموبايل – Snapseed

3. VSCO

لو عايز تضيف لمسة فنية على صور المنتجات بتاعتك، VSCO من التطبيقات المتخصصة في تعديل صور المنتجات هو التطبيق المناسب. التطبيق ده بيضم مجموعة ضخمة من الفلاتر اللي بتحول صورك العادية إلى صور فنية احترافية. كمان بيوفر أدوات لتعديل الإضاءة والألوان، وتقدر تعمل تعديلات بسيطة أو متقدمة حسب احتياجاتك.

مميزاته:

• مجموعة كبيرة من الفلاتر الفنية.
• تعديل بسيط وسريع.
• خاصية التعديل اليدوي لكل العناصر.

أبليكشن تصوير المنتجات بالموبايل – 3. VSCO

لو بتسوق لمنتجاتك أونلاين أو بتبيع حاجات مستعملة، هنا ممكن تشوف تسعير المنتجات المستعملة بطريقة صح علشان تبيع بسرعة

4. Camera+ 2

تطبيق Camera+ 2 بيعتبر من أقوى تطبيقات التصوير على أجهزة iPhone. بيوفر لك التحكم الكامل في إعدادات الكاميرا، زي التحكم في سرعة الshutter، الأيزو، والفوكس. لو بتبحث عن تصوير منتج بجودة احترافية مع التحكم في كل تفاصيل الصورة، ده هيكون التطبيق المثالي ليك. 

مميزاته:

• تحكم كامل في إعدادات التصوير.
• ميزة الزووم من غير ما تفقد الجودة. 

Camera+ 2 – أبليكشن تصوير المنتجات بالموبايل

5. ProCam X – Lite

تطبيق ProCam X هو أبليكشن محترف في تصوير المنتجات وبيوفر تحكم يدوي كامل في الكاميرا هتحول موبايلك لكاميرا احترافية، وده بيساعدك على التقاط صور عالية الجودة في ظروف إضاءة مختلفة. الميزة الكبيرة في التطبيق ده هي إنه بيتيح لك تصوير الفيديو بجودة 4K.

مميزاته:

• تحكم يدوي كامل في إعدادات التصوير.
• تصوير فيديو بجودة 4K.
• دعم أوضاع تصوير مختلفة.

ProCam X – Lite

6. Pixlr

أبليكشن Pixlr مناسب جدا للمبتدئين اللي محتاجين تطبيق بسيط مع أدوات قوية. لو بتدور على تطبيق مجاني وسهل الاستخدام، لكن في نفس الوقت بيقدم أدوات تعديل احترافية، Pixlr هيكون اختيار ممتاز. التطبيق بيضم أدوات تحرير كتيرة، زي الفلاتر، وإضافة النصوص، وتعديل الألوان. كمان بيسمحلك بتعديل الخلفيات وتفتيح أو تعتيم أجزاء من الصورة، وده بيساعد في إبراز المنتج بشكل أفضل.

مميزاته:

• سهل الاستخدام ومجاني.
• أدوات تحرير كتيرة
• إمكانية تعديل الخلفيات وتفتيح الصورة.

أبليكشن Pixlr

7. Foodie

لو كنت بتصور منتجات متعلقة بالأكل أو المشروبات، Foodie هو التطبيق المثالي ليك. اللأبليكشن مخصص لتصوير الأطعمة، لكنه بينفع كمان لتصوير المنتجات اللي محتاجة تظهر بألوان زاهية وتفاصيل حية. بيضم مجموعة فلاتر مصممة خصيصًا لتحسين مظهر الأكل والمنتجات، وده بيخلي الصورة جذابة وواقعية.

مميزاته:

• فلاتر مخصصة لتصوير الأكل والمنتجات.
• واجهة سهلة وسريعة.
• تحسين الألوان والتفاصيل.

أبليكشن Foodie

8. PhotoRoom

أبليكشن PhotoRoom  من أفضل التطبيقات المتخصصة في تعديل وإزالة الخلفيات وتحسين صور المنتجات. في حالة انك عايز تغير الخلفية بيساعدك التطبيق على مسح الخلفية بشكل تلقائي واحترافي، كمان فيه أدوات تعديل إضافية تساعدك على تحسين الصورة وتنسيق الألوان.

مميزاته:

• إزالة الخلفيات بشكل احترافي.
• أدوات لتحرير وتنسيق الصور.
• إضافة خلفيات جاهزة أو مخصصة.

أبليكشن PhotoRoom

الخلاصة

دلوقتي، مع وجود التطبيقات دي، تصوير المنتجات باحترافية بالموبايل بقى سهل ومتاح لأي حد. سواء كنت بتدور على تطبيق لتحسين الإضاءة والألوان، أو تطبيق بيتيح لك تحكم كامل في إعدادات الكاميرا، هتلاقي في القائمة دي التطبيق اللي يناسب احتياجاتك. جرب التطبيقات المختلفة، واختار اللي بيساعدك تبرز منتجك بأفضل شكل.

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.