لو أنت من مستخدمي iOS ولما بتفكر تشتري تليفون جديد مستحيل تبص على اي حاجة تانية غير آبل، أكيد هتكون مهتم بآخر اصدارات شركة آبل اللي نزلت السوق في مصر. وطبعا بما ان آيفون 16 نزل، بدأت المقارنات بتاعة أشتري 15 ولا اشتري آخر إصدار علشان أكون جبت أجدد حاجة؟ في المقال ده هنعملك مقارنة بين هاتفين آيفون 15 وآيفون 16، هنكلمك عن أهم الإمكانيات اللي بيقدمها كل تليفون فيهم من حيث التصميم، شاشة الموبايل، أسعار2024، الكاميرا، الأداء والسرعة علشان تقدر تقرر اللي يناسبك.
آيفون 15 وآيفون 16 من حيث التصميم والشاشة: تغييرات بسيطة لكنها ملحوظة
-
تصميم وشاشة آيفون 15 iPhone
تصميم خفيف من التيتانيوم في موديلات البرو وحواف دائرية أكتر. الشاشة في الموديلات الأساسية بتيجي 6.1 إنش، والموديلات الكبيرة 6.7 إنش، وكالعادة مع شاشة OLED بجودة عالية. كمان Dynamic Island ظهرت في كل الموديلات.
-
تصميم وشاشة آيفون 16 iPhone
أبل زودت السطوع ومعدلات التحديث في الشاشة، وحجم الحواف قلّ أكتر، عشان يديك مساحة شاشة أكبر تقريبا 6.12 بوصة ولكن حجم شاشة المشاهدة الفعلي أقل. رغم إن الشائعات عن الـ Face ID تحت الشاشة مش صح، بس النوتش بقى أصغر بكتير.
لو بتحب الشاشة الأكبر، آيفون 16 بيقدملك تغييرات بسيطة في الشاشة لكن مؤثرة.لكن ده مايمنعش أبدا ان آيفون 15 نازل بشاشة ممتازة وهتقدملك تجربة حلوة جدا برضه.
آيفون 15 iPhone وآيفون 16 iPhone من حيث الأداء والسرعة
هنا بقى ممكن يبقى الإختلاف أكتر شوية لأن آبل منزلة آيفون 16 بمعالج جديد A17 Pro اللي معمول بتقنية 3 نانومتر، أسرع وأكفأ بكتير، كمان فيه إمكانيات ذكاء صناعي أقوى بتخلي معالجة الصور والترجمة الفورية أحسن. لكن برضه لو رجعنا نتكلم عن معالج آيفون 15 هو A16 Bionic و هو معالج قوي وسريع في المهام المتعددة والألعاب وتشغيل الفيديو بجودة عالية.
الاختيار هنا يرجعلك؛ هل أنت عايز تستخدم المعالج الجديد بإمكانياته المتطورة ولا مكتفي بمعالج قوي وفعال وبس.
آيفون 15 وآيفون 16 من حيث الكاميرا: تحسينات بسيطة لكن مفيدة
-
كاميرا آيفون 15 iPhone
آيفون 15 بيجي بكاميرتين خلفيتين بدقة 48 ميجابيكسل للكاميرا الرئيسية و12 ميجابيكسل للكاميرا الواسعة جدًا. نظام الكاميرا في آيفون 15 بيقدر يلتقط صور بجودة عالية حتى في الإضاءة الضعيفة بفضل تقنيات تحسين الصورة المتطورة. كمان فيه تحسين في تصوير الفيديو بدقة 4K، وده هيناسب المستخدمين اللي بيحبوا التصوير أو إنتاج المحتوى.
-
كاميرا آيفون 16 iPhone
الكاميرا الأساسية في آيفون 16 بتيجي بدقة 48 ميجابكسل، زي آيفون 15 برو، لكنها دلوقتي بتقدم تفاصيل أكتر ووضوح أعلى في الصور. أبل عدلت السنسور لتقديم ألوان واقعية ودرجة وضوح أفضل، خاصة في الإضاءة الضعيفة، أبل زودت الزوم البصري في آيفون 16 برو ماكس من 5x إلى 6x، يعني تقدر تقرب الصورة أكتر وتاخد لقطات بعيدة بدقة أعلى وبدون فقدان في الجودة. باختصار المصورين المحترفين هيحبوا التحسينات الجديدة في آيفون 16، خصوصًا في الزوم والإضاءة الضعيفة ووضعية الثبات. لكن لو انت استخدامك عادي، الكاميرا في آيفون 15 برضه هتديك صور رائعة.
تقدر بكل سهولة تشوف كل إعلانات موبايلات آيفون المعروضة للبيع أو البدّل على فورسواب في اللينك ده
مقارنة بين هاتفين iPhone 15 و iPhone 16 من حيث البطارية والشحن
- آيفون 15 iPhone: البطارية كانت واحدة من نقاط القوة في آيفون 15، خصوصًا برو ماكس اللي بيوصل لـ 29 ساعة. مع خاصية الشحن السريع ووجود منفذ USB-C. سعة بطارية آيفون 15 iPhone حوالي 3349 مللي أمبير، أما سعة بطارية آيفون 15 بلس 4383 مللي أمبير. أما الإصدارات الأعلى زي بطارية آيفون برو ماكس فا بييجي بسعة شحن 5000 مللي أمبير.
- آيفون 16 iPhone: أبل زودت عمر البطارية في آيفون 16 iPhone بحوالي 2-3 ساعات أكتر في موديلات البرو. كمان الشحن اللاسلكي بقى أسرع. سعة بطارية آيفون 16 الأساسي أعلى من سعة بطارية آيفون 15 برو وهى 3561 مللي أمبير في حين إن بطارية آيفون 15 برو 3274. أما بطارية آيفون 16 برو ماكس 4676 مللي أمبير. بصراحة الفرق بين بطارية 15 و 16 ممكن مايكونش ملحوظ أوي لكن بالنسبة للناس اللي بتدور على بطارية تعيش فا آيفون 16 اختيار مناسب جدا.
سعر آيفون 15 iPhone وسعر آيفون 16 iPhone في مصر
زي ما الفرق بين آيفون 15 وآيفون 16 مش كبير في الإمكانيات، برضه فرق السعر بينهم مش كبير بيترواح بين 4000 – 5000 فرق في كل موديل.
يهمنا تعرف ان لو عايز تبيع أو تشتري أو تبدل تليفونك، موقع فورسواب بيوفرلك امكانية انك تلاقي أفضل صفقة ممكنة من خلال تجربة مستخدم مريحة و بسيطة جداً، سجل من اللينك ده ونزل إعلاناتك مجاناً.
سعر آيفون 15 iPhone في مصر
أسعار الآيفون دايمًا بتكون مختلفة حسب المساحة التخزينية اللي بتختارها، وحسب الموديل والمكان اللي بتشتري منه الموبايل. لكن بشكل عام، أسعار إصدارات آيفون 15 في مصر كالتالي:
- سعر آيفون 15 – 128 جيجابايت: حوالي 40,000 جنيه مصري.
- سعر آيفون 15 – 256 جيجابايت: حوالي 45,000 جنيه مصري.
- سعر آيفون 15 – 512 جيجابايت: حوالي 52,000 جنيه مصري.
- سعر آيفون 15 برو – 128 جيجابايت: حوالي 53,000 جنيه مصري.
- سعر آيفون 15 برو – 256 جيجابايت: حوالي 58,000 جنيه مصري.
- سعر آيفون 15 برو – 512 جيجابايت: حوالي 66,000 جنيه مصري.
- سعر آيفون 15 برو – 1 تيرابايت: حوالي 75,000 جنيه مصري.
- سعر آيفون 15 بلس – 128 جيجابايت: حوالي 45,000 جنيه مصري.
- سعر آيفون 15 بلس – 256 جيجابايت: حوالي 50,000 جنيه مصري.
- سعر آيفون 15 بلس – 512 جيجابايت: حوالي 57,000 جنيه مصري.
- سعر آيفون 15 برو ماكس – 256 جيجابايت: حوالي 65,000 جنيه مصري.
- سعر آيفون 15 برو ماكس – 512 جيجابايت: حوالي 72,000 جنيه مصري.
- سعر آيفون 15 برو ماكس – 1 تيرابايت: حوالي 82,000 جنيه مصري
طبعًا الأسعار دي ممكن تختلف من محل لمحل وحسب العروض والخصومات اللي بتكون متاحة في وقت الشراء.
أشهر عيوب آيفون 15 iPhone
رغم إن آيفون 15 iPhone مميز في حاجات كتير، لكن في بعض النقاط اللي ممكن ما تعجبش بعض المستخدمين:
- السعر العالي: زي ما هو متوقع من منتجات أبل، سلسلة آيفون 15 سعرها عالي نسبيًا مقارنة بمنافسين تانيين في السوق.
- التحديثات المحدودة في التصميم: على الرغم من تحسينات الأداء والكاميرا، التصميم الخارجي مش مختلف كتير عن الإصدارات اللي قبل كده، وده ممكن يكون نقطة ضعف لبعض المستخدمين اللي بيدوروا على التجديد في الشكل.
- آداء البطارية: رغم التطور النوعي اللي عاملاه شركة آبل في بطارية آيفون 15 الا اننا لو قارناه ببداايله من الماركات التانية هنلاقي ان آدا البطارية لا يزال أضعف ودي من العيوب اللي بيواجهها كل مستخدمين آيفون تقريبا.
الخلاصة: لو أنت من الناس اللي بيفرق معاها يشتري احدث تليفون فا آيفون 16 iPhone تليفون كويس جدا وفيه إمكانيات جديدة تعتبر إضافة غير مسبوقة أما لو انت عايز تغير تليفونك ومش فارق معاك أوي انك تجيب آخر الإصدارات، آيفون 15 iPhone برضه تليفون ممتاز و الفرق بينه و بين إمكانيات آيفون 16 مش كبيرة ومش هتفرق مع المستخدم العادي.
لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.
جميع هواتف سامسونج بالترتيب على حسب الإصدار .. وأسعارها في مصر 
