لو بتدور على شقة في مصر تناسب احتياجاتك ومستوى دخلك، وزارة الإسكان بتوفر مشروعات سكنية متنوعة للشباب علشان يقدروا يشتروا شقق بميزانية معقولة وتناسب مستوى معيشتهم زي مشروعات شقق دار مصر وشقق سكن مصر وشقق جنة مصر والإسكان المتميز.
المشاريع دي متاحة في أكتر من 15 مدينة على مستوى الجمهورية، وبتوفر وحدات سكنية بمساحات وتشطيبات تناسب احتياجات كل الفئات، وأعلنت وزارة الإسكان الإجتماعي عن عدد الوحدات السكنية المتوفرة للتسليم الفوري 6575 وحدة. علشان تعرف أكترعن خطوات حجز شقق دار مصر وشقق جنة مصر ومواعيد طرح شقق الإسكان الإجتماعي في 2024 وسداد الأقساط وكراسة الشروط وتستفيد من الفرص اللي بتقدمها الدولة، اقرأ المقال ده للآخر وهنقولك بالتفصيل مواقع المشروعات دي و خطوات الحجز فيها
مواصفات مشروعات شقق دار مصر و سكن مصر وجنة مصر؟
- شقق دار مصر: مشروع موجه للفئة المتوسطة وبيوفر شقق بمساحات معقولة، وأسعار شقق دار مصر مناسبة والتشطيبات كويسة.
- شقق سكن مصر: موجهة لذوي الدخل المتوسط، وأسعار شقق سكن مصر متوسطة تناسب العديد من الفئات من الشباب والأسر محدودي الدخل.
- شقق جنة مصر: مشروع فاخر بمساحات أكبر وتعتبر أسعار شقق جنة مصر أغلى شوية من اللي فاتوا، لكن بمستوى تشطيب أعلى.
- شقق الإسكان المتميز: بتقدم وحدات في مواقع مميزة مع تشطيبات راقية جدا.
صور شقق جنة مصر
موعد طرح شقق دار مصر وشقق جنة وسكن مصر 2024
كل سنة وزارة الإسكان بتعلن عن موعد طرح الشقق في مشاريع الإسكان الإجتماعي والتفاصيل كلها بتكون متوفرة على موقع بنك التعمير والإسكان من أول مساحات شقق الإسكان الإجتماعي وأسعار الشقق وطريقة السداد وكراسة الشروط، تقدر تقدم من خلال الموقع. وبالنسبة لموعد طرح شقق دار مصر وشقق جنة مصر وسكن مصر وشقق الإسكان المتميز 2024، أعلنت وزارة الإسكان ان الحجز هيبدأ من 27 أكتوبر 2024 وحتى 26 ديسمبر 2024.
لو بتفكر تبدّل شقتك، تقدر بكل سهولة تشوف إعلانات شقق للبدل على فورسواب وتختار المنطقة السكنية المناسبة ليك في اللينك ده
مواقع وحدات الإسكان المطروحة:
المشروعات دي متوفرة في 15 مدينة على مستوى الجمهورية وهى:
- القاهرة الجديدة
- 6 أكتوبر
- الشروق
- العبور
- المنيا الجديدة
- دمياط الجديدة
- أسيوط الجديدة
- المنصورة الجديدة
- برج العرب الجديدة
- السادات
- حدائق أكتوبر
- العاشر من رمضان
- الشيخ زايد
- بني سويف الجديدة
- العلمين الجديدة
دليل طرح شقق دار مصر وجنة سكن وجنة مصر 2024 – مساحات الشقق وعدد الوحدات في القاهرة والجيزة
بناءا على تصريحات هيئة المجتمعات العمرانية الجديدة لقطاع الشؤون العقارية والتجارية أن الوحدات هتكون كالتالي:
- طرح 409 وحدة من شقق جنة مصر بمساحات ما بين 100 – 150 متر في القاهرة الجديدة.
- طرح 700 وحدة من شقق سكن مصر بمساحات ما بين 106 – 133 متر في القاهرة الجديدة.
- طرح 223 وحدة من شقق جنة مصر في مدينة 6 أكتوبر والمساحات بين 100 – 150 متر .
- طرح 435 وحدة من شقق سكن مصر في حدايق أكتوبر بمساحات ما بين 106 – 118 متر.
- طرح 300 وحدة من شقق سكن مصر في مدينة أكتوبر الجديدة بمساحات ما بين 106 – 115 متر.
- طرح 600 وحدة من شقق سكن مصر في مدينة مدينة العلمين الجديدة بمساحات ما بين 110 – 133 متر.
- طرح 700 وحدة من شقق سكن مصر في مدينة القاهرة الجديدة مساحات ما بين 106 – 133متر .
- طرح 34 وحدة من شقق سكن مصر في مدينة المنيا الجديدة مساحات ما بين 106 – 115متر .
- طرح 246 وحدة من شقق سكن مصر في مدينة غرب قنا مساحات ما بين 106 – 118متر .
- طرح 310 وحدة من شقق سكن مصر في مدينة ناصر غرب أسيوط مساحات ما بين 106 – 130متر .
- طرح 160 وحدة من شقق سكن مصر في دمياط الجديدة مساحات ما بين 106 – 130متر .
- طرح 35 وحدة من شقق سكن مصر في مدينة الشروق مساحات ما بين 106 – 130متر .
كراسة شروط شقق دار مصر 2024
علشان تقدر تحجز وحدة سكنية في شقق دار مصر لازم تتأكد من توافر الشروط دي:
- تكون مصري الجنسية.
- مايقلش عمرك عن 21 سنة.
- ماتقدرش تقدم على شقق دار مصرفي أكتر من مدينة.
- ماتقدرش تقدم على أكتر من وحدة سكنية من شقق دار مصر.
خطوات حجز شقق دار مصر 2024 بالتفصيل
وزارة الإسكان خلت خطوات حجز الوحدات في مشاريع الإسكان الإجتماعي بسيطة ومتطورة وهي كالتالي:
- التسجيل على الموقع الإلكتروني: أول حاجة هتعملها هي إنك تسجل على موقع بنك التعمير والإسكان في الفترة ما بين 27/10/2024 و 26/12/2024
- دفع مبلغ جدية الحجز: هتحول مبلغ جدية الحجز لحساب المشروع من خلال أي فرع لبنك التعمير والإسكان.
- تقديم المستندات: هتحتاج ترفع المستندات المطلوبة على الموقع زي:
- صورة بطاقة الرقم القومي.
- إثبات الدخل (مفردات مرتب أو شهادة دخل لو كنت مستقل).
- اختيار الوحدة: بعد ما تسجل وتدفع، هيجي دورك في اختيار الوحدة اللي تناسبك، الأولوية طبعًا للحاجزين من بدري.
- القرعة العلنية: لو عدد المتقدمين أكتر من عدد الشقق، بتتعامل الحكومة بنظام القرعة العلنية لتحديد مين اللي هياخد الشقق.
- استكمال الأقساط: لو فوزت بالقرعة، بتبدأ تدفع باقي الأقساط على حسب الجدول اللي البنك هيحددها ليك.
لو عايز تبدّل أو تبيع أو تشتري أي عقار في مصر، تقدر تعمل حساب على موقع فورسواب، على فكرة التسجيل مجاني وسهل ومش هيأخد منك دقيقة، وبعد كده ضيف إعلاناتك، سجل الآن!
نظام سداد شقق دار وجنة مصر وسكن مصر 2024
نظام السداد مرن وبيختلف حسب المساحة ونوع الوحدة اللي اختارتها. بتقدر تدفع قسط شقق دار مصر على دفعات شهرية أو سنوية وفقًا للعقد اللي هتوقعه.
نصائح عند حجز شقق دار وجنة مصر وسكن مصر 2024
- تابع دايمًا الإعلانات اللي بتنزلها وزارة الإسكان عشان متفوتش مواعيد التقديم على شقق الإسكان الإجتماعي
- اعرف كل تفاصيل المشروع كويس قبل ما تقدم وتدفع.
- حاول تكون من أوائل الحاجزين عشان فرصتك في الحصول على الوحدة اللي عايزها تزيد.
في اللينك ده هتشوف دليل كامل ونصائح مهمة لازم تأخد بالك منها عند تبادل الشقق
لو عندك استفسارات؟
بنك التعمير والإسكان عنده خدمة عملاء متاحة ترد على كل استفساراتك. تابع كمان الموقع الرسمي عشان تعرف المواعيد والشروط بشكل دقيق.
ده كان دليل سريع عن حجز شقق دار مصر وموعد طرح شقق جنة مصر 2024، وغيرها من المشاريع السكنية. ولو عايز تعرف أكتر عن كل جديد في سوق العقارات أو غيرها تابع مدونة فورسواب.
