لو أنت من محبي الكلاب وعايز صديق وفي ومحب للأطفال يبقى أحسن اختيار ليك هو كلب جولدن أو تحديدًا كلاب جولدن ريتريفر اللي هي واحدة من أفضل السلالات اللي ممكن تخطر في بالك لأن الفصيلة دي بتتميز بجمال شكلها وذكائها العالي، لكن قبل ما تفكر في تربية كلب جولدن صغير أو حتى بالغ سواء كنت ناوي تتبنى كلب أو تشتريه، لازم تعرف أكتر عن مميزاته وعيوبه، وأسعار كلاب جولدن 2025 في مصر، وطريقة تربيتها في المنزل بشكل صحيح وكل ده هنشرحه بالتفصيل في المقال ده من فورسواب.
هنا تقدر تشوف 10 معلومات لازم تعرفهم قبل ما تشتري كلب هاسكي
مواصفات الكلب الجولدن
كلاب جولدن ريتريفر معروفة بجسمها القوي وشعرها الذهبي الكثيف اللي بيديها شكل رائع، ودي أهم مواصفاتها:
- الطول: من 55 إلى 61 سم للذكور، و51 إلى 56 سم للإناث.
- الوزن: يتراوح بين 25 و34 كجم.
- العمر: من 10 إلى 12 سنة.
- الشخصية: ودود، اجتماعي، سهل التدريب، ومحب للعب.
- اللون: الذهبي الفاتح أو الغامق.
- الذكاء: يعتبر من أذكى السلالات وبيتميز بقدرة عالية على التعلم.
سعر كلب جولدن في مصر 2025
تختلف أسعار كلاب جولدن حسب العمر والنقاء ومكان الشراء:
- سعر كلب جولدن صغير عمر 45 يوم: من 1,500 إلى 3,5000 جنيه مصري حسب النقاء والشهادة الطبية.
- سعر كلب جولدن أكبر: يبدأ من من 4,000 جنيه مصري.
لو متعرفش كل أنواع الكلاب ، الدليل ده هيساعدك .. بالصور: أشهر أنواع الكلاب وأسمائها وأسعارها في مصر
مميزات الكلاب الجولدن
- ذكاء عالي وسهولة في التدريب.
- ودود مع الأطفال والحيوانات الأخرى.
- نشيط وبيحب اللعب والتواصل.
- عنده ولاء شديد لأصحابه وقدرة على الحماية.
- شكله جميل وشعره مميز ولامع بيجذب الأنظار.
كلاب جولدن للبيع على فورسواب
عيوب الكلاب الجولدن
- كلاب جولدن بتحتاج تمارين ونشاط يومي علشان متتصابش بالملل.
- شعره بيتساقط بشكل ملحوظ وبيحتاج عناية مستمرة.
- مُعرض لبعض الأمراض.
- مش مناسب للبيوت الضيقة أو الأشخاص غير النشيطين.
- غير مناسب ككلب حراسة.
- تكلفة الطعام والعناية الطبية ممكن تكون مرتفعة للبعض.
بنفكرك لو عند كلب أو أي حيوان أليف وعايز تبيعه ، سجل بكل سهولة على فورسواب من خلال اللينك ده، وضيف إعلاناتك مجاني.
جدول تطعيمات الكلاب الجولدن حسب العمر
| العمر | التطعيمات |
| الأسبوع 6-8 | تطعيم البارفو والديستمبر الأولي |
| الأسبوع 9-12 | الجرعة الثانية من التطعيم الثماني |
| الأسبوع 12-16 | تطعيم السعار + الجرعة الثالثة من التطعيم الثماني |
| بعد 6 أشهر | الجرعة الداعمة للتطعيمات الأساسية |
| سنويًا | جرعة معززة من التطعيمات الأساسية والسعار |
كيفية تربية كلب جولدن في المنزل
- تغذية وأكل الكلب: وفر له أكل متوازن من البروتينات والفيتامينات، مع وجبتين إلى ثلاث يوميًا حسب العمر.
- النشاط: خصص له وقت للعب والجري يوميًا لمدة لا تقل عن ساعة.
- التدريب: ابدأ التدريب من عمر صغير باستخدام المكافآت والتشجيع.
- العناية بشعر الكلب: سرح شعره من مرتين إلى ثلاث مرات أسبوعيًا لتقليل التساقط.
- الفحص الطبي للكلب: احرص على الكشف البيطري الدوري والتطعيمات في مواعيدها.
أكتر أسئلة شائعة عن الكلاب الجولدن ريتريفر في مصر
أسعار كلاب الجولدن في مصر بتتراوح بشكل كبير حسب السلالة، العمر، والنقاء. بشكل عام، ممكن تلاقي أسعار الجراوي بتبدأ من 1500 جنيه مصري وتوصل لـ 4500 جنيه أو أكثر، خصوصًا لو كانت بمستوى عالي أو ليها شهادات نسب.
الجولدن ريتريفر كلب ودود جدًا ومحب للحياة. من أبرز مميزاته, ذكاؤه وسهولة تدريبه، لأنه بيحب يرضي صاحبه, وكمان لطيف وحنون مع الأطفال، وبيكون صديق ممتاز للعيلة. اجتماعي وبيحب يلعب، وده بيخليه مناسب جدًا للبيوت اللي فيها نشاط. مظهر جذاب، وده طبعًا من أكثر الصفات اللي بتخلي الناس تحبه.
“لابرادور الذهبي” هو اسم شعبي بيستخدم أحيانًا لوصف الجولدن ريتريفر أو كلب اللابرادور ذو اللون الذهبي. لكن بشكل عام، كلاب اللابرادور والجولدن ريتريفر من أفضل سلالات الكلاب للعائلات. كلاهما ذكي وودود ومرح. الفرق الأساسي بينهم بيكون في شكل الشعر، فالجولدن بيكون شعره طويل وكثيف، أما اللابرادور فشعره أقصر.
كلاب الجولدن ممكن تعيش في شقة، لكنها بتحتاج مجهود بدني كبير ونشاط يومي. لازم تنزلها تتمشى وتجري على الأقل ساعة في اليوم، وكمان تلعب معاها باستمرار عشان متخربش أو تحس بالملل. لو قدرت توفر لها ده، هتكون مناسبة جدًا.
تربية الجولدن مكلفة، بس بتختلف حسب جودة الأكل والرعاية. ممكن التكلفة الشهرية تبدأ من 500 جنيه وتزيد حسب نوع الأكل (دراي فود أو فريش)، ومصاريف الرعاية الصحية والتطعيمات الدورية. التكلفة السنوية ممكن توصل من 8500 جنيه لـ 11000 جنيه أو أكثر في السنة الأولى.
بسبب فروها الكثيف، يُفضل تحميم كلب الجولدن كل شهر أو شهر ونصف على الأقل. لكن الأهم من الحمام هو تمشيط فروه بشكل يومي لمنع التشابك وتساقط الشعر.
التطعيمات الأساسية اللي بيحتاجها أي كلب هي:
التطعيم الثماني: وهو أهم تطعيم بيحمي الكلب من 8 أمراض خطيرة زي البارفو والديستمبر.
تطعيم السعار: وده تطعيم إجباري لحماية الكلب وأصحابه من مرض السعار. بالإضافة لهم، فيه تطعيمات تانية غير أساسية بيحددها الطبيب البيطري حسب حالة الكلب وبيئته.
أسعار التطعيمات في مصر بتختلف حسب العيادة ونوع اللقاح. التطعيم الثماني ممكن يتراوح سعره من 400 لـ 700 جنيه، وتطعيم السعار بيكون أرخص شوية، حوالي 150 لـ 250 جنيه. ممكن تلاقي عروض أقل في المستشفيات البيطرية الحكومية.
المراجع
10 معلومات لازم تعرفهم قبل ما تشتري كلب هاسكي 
بالصور: أشهر أنواع الكلاب وأسمائها وأسعارها في مصر 
