رولز رويس في مصر: كل ما تريد معرفته عن الوكيل الرسمي الأول والأسعار

هل يا تُرى عمرك تخيلت إن امتلاك سيارة زي رولز رويس في مصر ممكن يكون أسهل وأكثر ضمانًا؟ أكيد بنشوفها في الشوارع، لكن فكرة إنك تشتريها وتطمن على صيانتها وخدمتها كانت دايمًا ليها تفاصيل معقدة ومحتاجة مجهود كبير. لكن دلوقتي، الوضع اختلف! الخبر اللي كل عشاق الفخامة بيتكلموا عنه: رولز رويس Rolls-Royce أخيرًا أعلنت عن وكيلها الرسمي الأول هنا في مصر! دي خطوة تاريخية مش بس بتفتح الباب لامتلاك سيارة أحلامك، لأ دي كمان بتأكد مكانة السوق المصري وبتضيف ثقل كبير لسوق السيارات الفارهة في بلدنا. عشان مش أي عربية تقدر توصل لمستوى عربية رولز رويس سواء من حيث التصميم أو الرفاهية أو حتى تجربة القيادة. فلو عندك فضول تعرف مين هو الوكيل الرسمي؟، وإيه الموديلات اللي هتبقى متاحة؟، والأهم طبعًا… الأسعار المتوقعة هتكون عاملة إزاي 2025؟ يبقى المقال ده من فورسواب عشانك. هنتكلم مع بعض في كل التفاصيل، وهنجاوب على كل أسئلتك عشان تبقى ملم بكل حاجة تخص رولز رويس في مصر.

لو عندك عربية مستعملة وعايز تعرضها للبيع أو البدل على فورسواب، تقدر بسهولة تعمل حساب على فورسواب، وتضيف إعلاناتك مجانآ

من هو الوكيل الرسمي الأول لـ رولز رويس في مصر؟

• أعلنت شركة رولز رويس موتور كارز الشرق الأوسط وأفريقيا عن تعيين شركة أي دي إم مصر (ADM Egypt) كأول وكيل رسمي لها في مصر، وده تحت الاسم الجديد رولز-رويس موتور كارز القاهرة. الخطوة دي تعتبر تاريخية لأنها أول مرة يبقى فيه وكيل رسمي لـ رولز رويس في مصر من وقت تأسيس العلامة البريطانية من أكتر من 121 سنة، وده ضمن خطة العلامة لتوسيع حضورها في أسواق الشرق الأوسط بشكل يتماشى مع هويتها البصرية الجديدة.

• بدءًا من سبتمبر الجاي، العملاء في مصر يقدروا يزوروا معرض مؤقت في بارك ستريت إيست التجمع الخامس، واللي هيتوفر فيه كل طرازات عربيات رولز رويس، وكمان الخدمات المعتمدة والصيانة بنفس معايير الفخامة اللي بتميز العلامة، أما المعرض الدائم فمن المقرر افتتاحه في بداية 2026، وهيكون بمثابة تجربة متكاملة للعميل من أول الاستقبال لحد تصميم عربية Rolls-Royce حسب الذوق الشخصي، من خلال خدمة الـ Bespoke اللي بتقدمها الشركة.

 هنا تقدر تشوف أشياء مهمة يجب معرفتها قبل شراء BMW مستعملة

ماذا يعني وجود وكيل رسمي لـ رولز رويس في مصر؟

شركة ADM Egypt مش بس وكيل دي بداية لعهد جديد لتجربة سيارات رولز رويس في سوق السيارات في مصر، بأسلوب يوازي اللي بيحصل في العواصم العالمية، فوجود وكيل رسمي لعلامة فاخرة زي رولز رويس في مصر معناه كذا حاجة مهمة:

• إنك تقدر تشتري عربية رولز رويس بضمان حقيقي وصيانة معتمدة. (هنا دليل مراكز صيانة السيارات في القاهرة وأهمية الصيانة الدورية للسيارة)
• قطع الغيار والصيانة هتكون متاحة من مصدر موثوق مش محتاج تدور بره أو تستورد بنفسك.
• لو حابب تخصص سيارتك، سواء في اللون أو التفاصيل الداخلية تقدر تعمل ده من خلال الوكيل.
• بتفتح باب لتجربة شراء مميزة من أول ما تدخل المعرض لحد ما تستلم عربيتك.

أسعار سيارات رولز رويس في مصر 2025: هل هي للجميع؟

الناس دايمًا بتسأل: سعر رولز رويس في مصر كام؟ والحقيقة إن أسعار سيارات رولز رويس في مصر بتبدأ من أرقام كبيرة ومش أي حد يقدر عليها لكن ده معروف لأنها بالأساس بتستهدف طبقات معينة، فمثلًا في المتوسط:

• سعر رولز رويس فانتوم Phantom في مصر: بيبدأ من 500 ألف دولار أمريكي يعني حوالي 25 مليون جنيه مصري وبيوصل لأكتر من كده حسب المواصفات.
• سعر رولز رويس جوست Ghost: يبدأ من 350 ألف دولار أمريكي يعني حوالي 17 مليون جنيه مصري.
•  سعر رولز رويس كولينان Cullinan: بتبدأ من 400 ألف دولار أمريكي يعني في حدود 20 مليون جنيه مصري.
• سعر رولز رويس سبكتر Spectre: تبدأ من 450 ألف دولار أمريكي، تقريبًا حوالي 22.5 مليون جنيه مصري.

ولأن كل عربية تقريبًا بتتصنع حسب الطلب اللي هي خيارات التخصيص Bespoke بالتالي السعر بيتغير حسب المواصفات والإضافات اللي العميل بيختارها فممكن توصل بعض طرازات عربية رولز رويس لأسعار تتجاوز 30 أو حتى 40 مليون جنيه مصري.

 

إزاي تجربة شراء رولز رويس تختلف عن أي سيارة أخرى؟

اللي بيشتري رولز رويس بيشتري حالة من الفخامة مش مجرد وسيلة مواصلات، ده غير أن العربية نفسها بتكون مليانة تفاصيل استثنائية، وكل عميل يقدر يختار تفاصيل عربية رولز رويس الخاصة بيه زي ما يحب من اللون الخارجي لحد التطريز على المقاعد، ده غير أنه معروف عن سيارات رولز رويس بأنها من أكتر السيارات هدوءًا في العالم مش هتحس بصوت المحرك بتاعها تمامًا، كمان استلام العربية بيكون أشبه بحفل شخصي بتحس فيه بالتميز فعلًا.

الخلاصة: عربية رولز رويس في مصر بقت دلوقتي متاحة بشكل رسمي لأول مرة، مع وكيل معتمد يقدم خدمة تليق باسم سيارات رولز رويس وهو ADM Egypt، الأسعار طبعًا مش لعموم الناس لكن ده متوقع لأنها من علامة تعتبر من أفخم السيارات في العالم.

أكتر أسئلة شائعة عن سيارات رولز رويس في مصر

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.