في بداية سنة 2025، الحكومة أعلنت عن قانون جديد لفرض رسوم جمركية على الموبايلات المستوردة. القرار ده أثار جدل واسع بين الناس، خصوصًا إن الموبايلات أصبحت جزء أساسي من حياتنا اليومية، وكتير مننا معتمدين عليها في الشغل، الدراسة، والترفيه. فورسواب في المقال ده هتكلمك عن كل اللي محتاج تعرفه عن رسوم الجمارك على الموبايلات في مصر 2025.
الضرائب أو رسوم الجمارك على الموبايلات في مصر .. قيمتها كام؟
القانون بيحدد نسبة معينة من قيمة الموبايل كرسوم جمركية على الموبايلات المستوردة من الخارج وهى 38% من سعر الموبايل ، وده بيعتمد على نوع الموبايل وسعره. بمعنى لو الموبايل سعره 10,000 جنيه، هتدفع رسوم جمركية حوالي 3,800 جنيه. يعني مثلاً حسب لتطبيق تليفوني، الجمارك على موبايل سامسونج S24 ألترا وصلت لـ 20,256 ألف جنيه، و موبايل آيفون 16 برو ماكس وصلت لـ 20,218 ألف جنيه كمان.
ليه قانون الضرائب على الموبايلات في مصر اتطبق؟
الهدف الأساسي من فرض رسوم الجمارك على الموبايلات في مصر هوالتصدي لمحولات التهرب من الجمارك و تقليل الاعتماد على المنتجات المستوردة وتشجيع الصناعة المحلية. الدولة بتسعى لدعم الشركات المحلية اللي بتجمع أو بتصنّع موبايلات داخل مصر، وده ممكن يخلق فرص عمل جديدة ويقلل من خروج العملة الصعبة برة البلد.
إيه تأثير ضرائب التليفونات على المستهلك؟
للأسف، القرار ده هيخلي أسعار الموبايلات المستوردة أغلى. يعني لو كنت ناوي تشتري موبايل من العلامات التجارية العالمية، هتلاقي إن السعر زاد بشكل واضح. لكن على الناحية التانية، الشركات المحلية ممكن تستفيد وتقدم منتجات بأسعار تنافسية أكتر.
حالات لا يطبق فيها قانون الضرائب على الموبايلات؟
في بعض الحالات اللي رسوم جمارك التليفونات مش بتتطبق فيها. مثلاً:
- الموبايلات اللي جاية للاستخدام الشخصي بكميات محدودة.
- الأجهزة اللي بيتم استيرادها ضمن صفقات مع جهات حكومية أو مشاريع معينة.
لو انت من مستخدمي آيفون .. يبقي المقالة دي ليك “جميع أنواع موبايلات آيفون بالترتيب وأسعارها”
إزاي قرار ضرائب التليفونات ممكن يأثر على سوق الموبايلات في مصر؟
- زيادة الطلب على الموبايلات المستعملة: الناس اللي مش عايزة تدفع سوم اضافية ، تقدر تتجه للموبايلات المستعملة كبديل أرخص.
- تنشيط السوق المحلي: الشركات المصرية ممكن تستغل الفرصة وتطرح أجهزة بجودة كويسة وأسعار منافسة.
- تراجع مبيعات الماركات العالمية: بسبب زيادة الأسعار، بعض المستهلكين ممكن يعيدوا التفكير قبل شراء موبايلات من ماركات عالمية.
موبايلات مستعملة للبيع على فورسواب 2025
هل الرسوم هتطبق على الموبايلات اللي موجودة قبل صدور القرار؟
القانون ده هيطبق على الموبايلات الجديدة اللي هتتستورد من بره بداية من 2025، لكن مش هتسرى على الموبايلات اللي الناس اشترتها قبل كده من السوق المحلي أو من بره وفعلوها قبل 1 يناير 2025. يعني المنظومة دي مش بأثر رجعي.
إزاي تتعامل مع قرار ضرائب الموبايلات في مصر؟
- صيانة الموبايل الحالي: بدل ما تغير موبايلك كل سنة أو اتنين، حافظ عليه واهتم بصيانته عشان يعيش معاك أطول فترة ممكنة، وبالتالي ماتشتريش جديد غير وانت فعلا محتاج.
- خطط للشراء: في حالة انك محتاج تشتري موبايل جديد، حاول تخطط لميزانيتك وتتابع العروض اللي بتقدمها المحلات ومواقع التجارة الإلكترونية.
إزاي تعرف قيمة رسوم الضرائب على الموبايل؟
الجهات المختصة أصدرت تطبيق اسمه تليفوني مسموح للمواطنين يسجلوا موبايلاتهم المستوردة من خلاله من غير ما يحتاجوا يروحوا لموظفي الجمارك. من خلال التطبيق ده، تقدر تعرف قيمة الرسوم المستحقة وتدفعها أونلاين. كمان عندك مهلة لأول مرة بتوصل لـ3 شهور علشان تسدد الرسوم عبر التطبيق.
لو بتحب موبايلات سامسونج وناوي تغير موبايلك قريب .. هنا جميع هواتف سامسونج بالترتيب على حسب الإصدار .. وأسعارها في مصر
إزاي تتفادى دفع جمارك أو ضرائب الموبايل التاني في المطار بسهولة؟
رئيس الإدارة المركزية لجمارك مطار القاهرة الدولي، أعلن قرار جديد ومهم! القرار ده بيعفي أي مواطن جاي من الخارج من دفع جمارك على “هاتفين”، مش بس هاتف واحد.
- الهاتف الشخصي: لو معاك موبايلك اللي بتستخدمه، هتكون معفي تمامًا من الجمارك. الشرط الوحيد؟ لازم تكون استخدمته قبل 1 يناير 2025.
- الهاتف الثاني الجديد: لو جايب موبايل جديد كهدية لحد من أهلك، ده كمان معفي من الجمارك! بس في شرط بسيط: لازم تبلغ موظف الجمارك وتُسجل الهاتف على تطبيق مخصص علشان يبقى رسميًا ضمن الأجهزة المعفاة.
بكده، تقدر تاخد معاك موبايلك وموبايل تاني هدية من غير قلق على الجمارك.!
طريقة تسجيل موبايل على تطبيق ” تليفوني”؟
مصلحة الجمارك المصرية وضحت خطوات تسجيل موبايلك على تطبيق “تليفوني” بكل بساطة:
- نزل تطبيق “تليفوني” من متجر Google Play أو App Store.
- سجل بياناتك الشخصية زي رقم الموبايل وجواز السفر.
- ادفع الرسوم وسجل طلبات الإعفاء بكل سهولة أونلاين.
- خلّص كل معاملاتك بطرق دفع آمنة تمامًا.
إزاي تعرف ضرائب الموبايل من تطبيق “تليفوني”؟
- حمل تطبيق “تليفوني” من Google Play أو App Store بكل سهولة.
- بمجرد فتح التطبيق، هتلاقي خانة لتسجيل الرقم التسلسلي للهاتف (IMEI).
- اكتب الرقم التسلسلي الخاص بموبايلك.
- بعدها على طول، هتظهر لك قيمة الرسوم الجمركية المطلوبة (لو في رسوم)، أو هتشوف رقم “0” لو مفيش أي رسوم.
أكتر أسئلة شائعة عن ضرائب الموبايلات في مصر 2025
لأ ، مفيش جمارك صريحة على الموبايلات نفسها. اللي بندفعه هو ضريبة القيمة المضافة (الـ VAT) ورسوم تنمية على سعر الموبايل، وممكن ضريبة جدول على أنواع معينة.
لا خالص! موبايلك الشخصي اللي جاي بيه معاك عشان تستخدمه بتعفى من أي جمارك أو ضرايب. ده كده “الزيرو بتاعك” لو صح التعبير.
الجمارك بتيجي تحدد قيمة الموبايل، وبعدين بيتحسب عليه 14% ضريبة قيمة مضافة و10% رسوم تنمية، وممكن ضريبة جدول كمان. يعني بتدفع نسبة من سعر الموبايل.
أهم حاجة فاتورة الشراء الأصلية للموبايل، وتكون معاك بطاقتك الشخصية أو الباسبور، ولو جاي شحن ممكن يطلبوا ورق الشحن كمان.
ممكن تدخل موبايلك الشخصي اللي هو معفى. وممكن تجيب معاه موبايلين تانيين بالكتير (يعني الإجمالي 3 موبايلات)، بس الموبايلين الزيادة دول هتدفع عليهم الرسوم والضرايب.
لأ، الجمارك مش بتفرق بين الموبايل الجديد والمستعمل. الاتنين بيتحاسبوا بنفس الطريقة على حسب قيمتهم اللي بتقدرها الجمارك.
بتدفع الرسوم دي في منافذ الجمارك اللي موجودة في المطارات أو الموانئ، أو ممكن عن طريق منصات إلكترونية لو متوفرة لو الموبايل جاي شحن.
سعر ومواصفات ريلمي نوت Realme Note 50: المميزات والعيوب 
أهم 10 نصائح قبل شراء آيفون iPhone مستعمل 
سعر ومواصفات أوبو رينو 12: مميزات وعيوب Oppo Reno 12 
جميع أنواع موبايلات آيفون بالترتيب وأسعارها 
جميع هواتف سامسونج بالترتيب على حسب الإصدار .. وأسعارها في مصر 
سامسونج جلاكسي A15: مواصفات ومميزات وسعر Samsung Galaxy A15 
لم يرد المقال على سؤال: كيف أتأكد من أن الموبايل الذي سوف أشتريه من موقع أو من محل خالص الرسوم الجمركية قبل الشراء؟
مساء الخير أستاذ عماد
حضرتك تقدر تسأل في المحل أو تتواصل من خلال موقع البيع وتطلب منهم الرقم التسلسلي للهاتف (IMEI)، وبعدين تكشف عنه في تطبيق “تليفوني” من Google Play أو App Store، وده هيكشفلك في رسوم جمركية على الموبايل ده ولا لاء وكده تبقى اتأكدت بنفسك.
هل يوجد حد اقصى ل التليفون الهديه؟
وهل تطبق الشروط لو كان الشخص يستخدم 2 تليفون؟