أنواع الإضاءة لتجديد منزلك .. وإزاي تختار وحدات إضاءة تناسب كل غرفة

لو بتفكر تجدد ديكور بيتك، يبقى أول حاجة لازم تفكر فيها هي الإضاءة ، لأنها تعتبر من أهم العناصر اللي بتضيف أناقة للمكان، عشان هي مش مجرد وسيلة لإضاءة الغرف لكنها جزء لا يتجزأ من الديكور الداخلي اللي بيأثر بشكل كبير على الشعور بالراحة داخل المنزل، وبتأثر كمان على الحالة النفسية، في المقال ده من فورسواب هنشرحلك أنواع الإضاءة المنزلية المختلفة وإزاي تختار وحدات إضاءة المناسبة لكل غرفة عشان تستغلها صح، وكمان هنقولك أهم نصايح تخليك توفر في استهلاك الكهرباء بشكل ملحوظ في 2025.

لو عندك أي أدوات إضاءة مستعملة وملهاش لازمة، ممكن تبيعها أو تبدلها على فورسواب، سجل في اللينك ده وضيف إعلاناتك بدون عمولة!

إيه هي أنواع الإضاءة المنزلية الأساسية التلاثة؟

إضاءة المكان ليها دور مهم  جدا في تحديد شكله سواء كان في الداخل أو الخارج، كمان فهم أساسيات الإضاءة هيساعدك  تختار وحدات الإضاءة ونوع الضوء المناسب لكل مكان.

• الإضاءة المحيطة

1. الإضاءة المحيطة هي إنارة شاملة، وتعتبر الإضاءة الأساسية في المكان، واللي من خلالها بيتم إضاءة جميع أجزاء الغرفة بشكل متساوي من غير ما نركز على شيء محدد، وفي أغلب الأحيان زر الإضاءة المحيطة بيكون موجود أول ما تدخل الغرفة.
2. أنواع الإضاءة المحيطة كتير لكن أشهرها “الإضاءة المعمارية” زي إضاءة مخفية في السقف (إضاءة سقف جبسن بورد مودرن) واللي بتكون موجودة في تجاويف السقف، ده غير وحدات الإضاءة الأرضية، في أنواع وأشكال مختلفة منها، ودول يُعتبروا من أنواع الإضاءة الجمالية.

إضاءة محيطة

• الإضاءة التوجيهية

الإضاءة التوجيهية نوع من أنواع الإضاءة الحديثة، وتعتبر نوع من أنواع الديكور كمان، وده لأنه بيتم استخدامها لتسليط الأضواء على حاجة معينة في الغرفة للفت النظر ليها بسهولة، ومن أبرز استخدامات الإضاءة التوجيهية:

1. تسليط الضوء على اللوحات الفنية أو الصور المعلقة على الجدار.
2. تسليط الضوء على المزهريات وقطع الأنتيكات.
3. تسليط الضوء على المكتبات في غرفة المعيشة.

في معظم الأحيان النوع ده من الإضاءة بيُستخدم في حدائق المنازل الخارجية لتسليط الضوء على بعض الأشجار أو النباتات أو الأزهار المزروعة فيها، وعادةً بيتم استخدام إضاءة المسار أو وحدات الإضاءة المخفية بأشكالها المختلفة للحصول على الإضاءة التوجيهية.

الإضاءة التوجيهية

• إضاءة المهام

تعتبر إضاءة المهام عنصر أساسي في تصميم الإضاءة، خصوصًا في الأماكن اللي بتحتاج لتركيز عالي زي المكاتب والمطابخ ومناطق القراءة، والنوع ده من الإضاءة مصمم عشان يوفر إضاءة محددة ومباشرة على المنطقة المستهدفة، واللي بيسهل أداء المهام الدقيقة ويعزز الأداء زي:

1. الطهي: وضع إضاءة على رخام المطبخ هيساعد في عملية إعداد الطعام.
2. الكتابة: وجود النوع ده من الإضاءة في غرفة المكتب هيساعدك في إنجاز مهامك براحة ودقة.

إضاءة المهام مش بتكون قوية أو متوهجة بالعكس بتكون بسيطة ومريحة للعين على قد احتياجك بس.

دليل هيساعدك في ديكور الشقة .. أحدث ألوان دهانات حوائط 2025 .. واللون المناسب لكل غرفة

كيف أختار الإضاءة المناسبة لكل غرفة في المنزل؟

اختيار الإضاءة المناسبة للمنزل بأجزائه المختلفة من أهم العوامل اللي بتساهم في خلق بيئة مريحة وعملية، بتختلف احتياجات الإضاءة باختلاف وظائف الغرف، عشان كده هنقولك إزاي تختار الإضاءة المناسبة لكل غرفة:

• إضاءة غرفة الليفنج أو المعيشة

إضاءة غرف المعيشة الحديثة بيحتاج توفير إضاءة سقفية قوية تغطي كامل المساحة زي الإضاءة الجدارية أو نجف مودرن، مع استخدام مصابيح طاولة أو أرضية جنب الأماكن اللي بتحتاج إضاءة بشكل أكبر زي أماكن الجلوس للقراءة أو الأعمال اليدوية، وممكن إضافة سبوت لايت لتسليط الضوء على جزء معين زي القطع الفنية أو اللوحات.

إضاءة غرفة الليفنج أو المعيشة

• إضاءة غرفة النوم

أفضل إضاءة لغرفة النوم استخدام مصابيح سقفية، وده لأنها بتوفر إضاءة دافئة ومريحة، كمان ستخدام أباجورة جنب السرير مهمة جدا، بالإضافة لأباليك حائط مودرن لغرف النوم هيخلي شكلها شيك وكمان عملية.

• إضاءة غرفة الطعام

إضاءة غرفة الطعام لازم تكون كافية لتوفير مستوى الإضاءة المريح دون إجهاد العين، وده بيتم عن طريق استخدام إنارة جدارية داخلية أو إضاءة سقفية تتوسط الغرفة وتوزع الضوء بشكل متساوي، مع إمكانية استخدام مصابيح معلقة مباشرة فوق طاولة الطعام، وفي حالة وجود لوحات فنية على الحائط ممكن نستخدم اسبوتات موجهة عليها هتوفر شكل جميل.

إضاءة غرفة الطعام

• إضاءة غرف الأطفال

خلّي الإضاءة آمنة وبعيدة قدر الإمكان عن متناول الأطفال، واجمع بين الإضاءة المحيطية والتوجيهية للمذاكرة واللعب. (لو شقتك صغيرة شوف هنا  غرف نوم أطفال للمساحات الصغيرة .. أفكار لديكور مختلف)

إضاءة غرف الأطفال

• إضاءة المكتب المنزلي

توفير إضاءة محيطية سقفية تغطي كامل مساحة المكتب مهم جدًا، مع استخدام مصباح مكتب قابل للتعديل لإنارة منطقة العمل حسب احتياجك، واستخدام الأباجورات أو المصابيح الأرضية.

إضاءة المكتب المنزلي

• إضاءة المطبخ

• المطبخ بيحتاج إضاءة قوية وواضحة، ممكن تعلق مصابيح سقفية عشان توفر إضاءة كافية لجميع أنحاءه.
• ركب إضاءة تحت الخزائن عشان تساعدك في الإعداد والطهي.( تقدر تشوف هنا بالصور: أفضل أنواع المطابخ وأسعارها .. ومميزات كل نوع)

إضاءة المطبخ

• إضاءة الحمام

مهم تركيب مصابيح سقفية توفر إضاءة مشرقة وكافية للحمام ومهم جدا تكون ضد الرطوبة، مع وجود مصابيح موجهة على جوانب المرايا، وممكن تستخدم إضاءة مميزة حول حوض الاستحمام أو الدش هتخلق جو مريح وتعتبر إضاءة ديكور.

إضاءة الحمام

• إضاءات المساحات الخارجية

في المساحات الخارجية مهم جدًا تستخدم وحدات إضاءة خارجية للمنزل مقاومة للماء، وتُستخدم الإضاءة العامة لتوفير رؤية شاملة للمساحة زي الإضاءة اللي بتتثبت على الحوائط أو الأسقف أو الأعمدة، ولازم تكون قوية بما يكفي لتغطية المساحة بشكل جيد وضمان الأمان، ممكن كمان تستخدمها كـ إضاءة ذكية للمنزل تشتغل بالحركة أو الموبايل.

تُستخدم إضاءة المهام في المساحات الخارجية لتسليط الضوء على مناطق محددة زي ممرات المشي ومداخل الأبواب، مع استخدم الإضاءة المميزة في المساحات الخارجية لإبراز الميزات الجمالية زي النوافير والنباتات أو التماثيل.

كيفية توفير استهلاك الكهرباء في الإضاءة؟

1. حاول تزود الاعتماد على الإضاءة الطبيعية في المنزل في النهار ده هيساعد في توفير استهلاك الكهرباء.
2. استخدم لمبات موفرة للطاقة زي ال LED وده لأنها بتستهلك كمية أقل من الطاقة مقارنة بالمصابيح التقليدية وبتدوم لفترة أطول، عشان كده تُعتبر خيار موفر على المدى الطويل. 
3. استخدم مصابيح ذكية يمكن التحكم بها عن بعد، ده هيساعدك تتحكم في شدة الإضاءة وتوقيتها، وبالتالي هيساعد على توفير الكهرباء. 
4. تجنب الإضاءة المفرطة وماتستخدمش مصابيح قوتها عالية في المناطق اللي مش هتحتاج إضاءة ساطعة واستبدلها بمصابيح قوتها أقل. 
5. استخدم أضواء استشعار الحركة في المناطق اللي استخدام الإضاءة فيها بيكون متقطع مش مستمر، زي الممرات أو الحمامات، ده هيساعد في توفير الكهرباء. 
6. تنظيف المصابيح بانتظام: نضف المصابيح دايما لإزالة الغبار والأوساخ اللي ممكن  تقلل من كفاءتها. 
7. راقب الاستهلاك باستخدام تطبيقات الإضاءة الذكية.
8. أي غرف مش بتستخدمها اقفل النور فيها متخليهاش مفتوحة غير وقت الاستخدام.

وحدات إضاءة تناسب الديكور

1. لو الديكور كلاسيك: اختار أدوات إضاءة زي نجف بقطع كريستال أو أباجورات بقماش ده هيدي شكل كلاسيك مناسب مع اختيارك للأثاث الكلاسيك.
2. لو الديكور مودرن: جرب تستخدم أدوات إضاءة زي نجف هادي مافيهوش كريستالات مع إضاءة سقف جبس بورد مودرن، هيكون مناسب جدا مع شكل الأثاث المودرن.
   استخدم الإضاءة المخفية أو السبوت لايت في المساحات الضيقة ده هيدي إحساس باتساع المكان.

توزيع الإضاءة الدافئة والباردة في الغرف

اختيارك لوحدات إضاءة المنزل بيختلف على حسب أنواع اللمبات اللي هتحتاجها لكل غرفة واختيارك ما بين الإضاءة الدافئة والباردة، اختار درجة حرارة الإضاءة حسب الغرفة:

1. الإضاءة الدافئة (2700 – 3000 كلفن): لغرف المعيشة وغرف النوم.
2. الإضاءة الباردة (4000 – 6000 كلفن): للمطابخ والحمامات.

أكتر أسئلة شائعة عن أنواع الإضاءة المنزلية

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.