أفكار مشاريع صغيرة ناجحة ومربحة سهل تسوقها على فورسواب

لو نفسك تبدأ مشروع صغير ناجح ومربح ومش عارف تبدأ منين، أو رأس مالك بسيط، المقال ده من فورسواب ليك مخصوص، النهارده هنقدملك أفكار مشاريع صغيرة ناجحة ومربحة من البيت أو أونلاين، وتحديدًا اللي ممكن تشتغل فيها بسهولة وتسوّقها على تطبيق زي فورسواب، اللي بيساعد ناس كتير تبيع وتشتري منتجات مستعملة أو يدوية أو حتى خدمات، لو عندك موهبة، شغف، أو حتى وقت فاضي، فيه أكتر من فكرة مشروع مربح تقدر تبدأ بيها فورًا!

أفكار مشاريع صغيرة ناجحة ومربحة جداً 2025

مشروع بيع وإعادة تدوير الملابس المستعملة

فكرة مشروع بسيطة ومربحة، خاصة لو عندك ملابس مش بتلبسها أو تقدر تشتري ملابس مستعملة بالكيلو وتعيد فرزها وتنظيفها، ممكن تبيعها على فورسواب تحت تصنيف موضة وجمال، وناس كتير بتسأل: “مين يشتري ملابس مستعملة؟” الحقيقة فيه سوق كبير لها خاصة الملابس المستعملة الحريمي والماركات، كمان لو عندك ذوق في تنسيق الستايلات، الموضوع ممكن يتحول لـ “مشروع تصميم أزياء” مصغّر أو مشروع تصنيع ملابس بشكل مُبسط.

فيديو دراسة جدوى مشروع بيع وإعادة تدوير الملابس المستعملة

 

• مشروع بيع الكتب المستعملة

الكتب المستعملة كنز! فيه طلاب وأهالي بيدوروا على كتب مدرسية مستعملة بالكيلو أو روايات بأسعار أرخص، ممكن تبدأ بـ”مكتبة أونلاين صغيرة” على فورسواب وتكتب وصف كويس للكتب، وتقدر كمان تعمل عروض “3 كتب بسعر كتاب”، وتشجع الناس على الشراء أكتر.

مشروع منتجات وأشغال التريكو والكروشيه اليدوية

لو بتعرف تعملي أشغال يدوية بالكروشيه أو التريكو، سواء ملابس أطفال أو كوفيّات أو مفارش.. يبقى عندك مشروع تريكو مربح جدًا لأن الناس بتحب الحاجات المصنوعة يدويًا، خصوصًا الحريمي والمنتجات الشتوية، حاولي تبدعي في التصميمات والألوان أو حتى المنتحات نفسها أنك تعملي حاجة مش منتشرة وموجودة، وطبعًا أهم حاجة جودة الفينش، وقدّمي صور حلوة للمنتجات دي مع وصف عملي، وده هيزود فرص البيع على فورسواب.

فيديو دراسة جدوى مشروع أشغال التريكو والكروشيه اليدوية

مشروع بيع إكسسوارات يدوية

الإكسسوارات من أكتر الحاجات اللي البنات بتحبها! ومشروع بيع إكسسوارات أون لاين سهل ومربح، سواء سلاسل بالخرز أو أساور أو حلقان أو أشكال جديدة من الإكسسوارات اليدوية للبنات. لو شاكة: هل تجارة الإكسسوارات مربحة؟ الإجابة: جدًا، خصوصًا لو كانت مميزة ومصنوعة بإتقان، ابدأي بكوليكشن صغير، ووسعي حسب الطلب، واتعلّمي من فيديوهات تعليم الأشغال اليدوية، ولو بتسألي كم يكلف مشروع اكسسوارات؟ فممكن تبدأي برأس مال صغير جدًا مثلا 200 أو 300 جنيه مصري وكل ما يدخلك أرباح تكبري المشروع وتشتري خامات أكتر، أما عن أحسن مكان ممكن تشتري منه خرز وخامات الإكسسوارات بشكل عام فهو في حارة اليهود في العتبة هتلاقي أشكال وألوان من الخامات اللي ممكن أصلًا تلهمك بأفكار جديدة ومميزة.

فيديو أساسيات بداية مشروع الإكسسوارات اليدوية

مشروع تصميم وطباعة التيشيرتات والمجات

مشروع الطباعة على المجات والتيشرتات مميز وبيكسب:

• طباعة على التيشرتات بشعارات أو رسومات.
• مشروع طباعة على المجات له جمهور كبير خاصة في الهدايا.

ممكن تبدأ من البيت باستخدام ماكينة طباعة مجات صغيرة أو تتعامل مع مطبعة، وممكن تعرض منتجاتك على فورسواب وتعرض فيها التصميمات الجاهزة للطلب، أما لو عايز تشتري ماكينة طباعة تيشرتات خاصة بيك فأسعارها ممكن تبدأ من 20 ألف جنيه وتوصل لحد 50 ألف جنيه تقريبًا، لو معاك رأس مال وتقدر تشتري ماكينة خاصة بيك ودارس الموضوع كويس أكيد ده هيوفر معاك كتير في الخطوات اللي بعدها.

فيديو دراسة جدوى مشروع تصميم وطباعة التيشيرتات والمجات

مشروع تصنيع الصابون الطبيعي

الناس بتدور على منتجات طبيعية للبشرة، ومشروع تصنيع الصابون الطبيعي بيكسب كويس جدًا خصوصًا لو أنت حابب الموضوع وبتبدع فيه، ممكن تبدأ بصابون بزيوت طبيعية، وتعمل أشكال وروائح مختلفة، كمان التغليف البسيط الأنيق بيفرق جدًا في البيع، وصور المنتج مهمة أوي في جذب العين.

مشروع بيع كريمات ومستحضرات التجميل المنزلية

مشروع تأجير معدات تصوير