أفضل 10 هواتف هواوي وأسعارها في مصر

لو بتفكر تشتري موبايل جديد ومن ضمن اختياراتك هواتف هواوي فالمقال ده معمول علشانك، موبايل هواوي رجع يشتغل جامد تاني في السوق المصري والعربي، وناس كتير بقت بتسأل: هل يستاهل؟ إيه الجديد؟ وأنهي موديل مناسب لاحتياجاتي؟ علشان كده في المقال ده من فورسواب هنعرفك أفضل 10 هواتف هواوي ومتوسط أسعارهم علشان تقدر تقارن وتختار براحتك.. يلا بينا نشوف كل اللي محتاج تعرفه عن موبايلات هواوي في 2025.

تقدر تشوف إعلانات كل موبايلات هواوي المستعملة المعروضة للبيع أو البدل على فورسواب في اللينك ده، وتختار المناسب لميزانيتك!

أفضل 10 هواتف هواوي في مصر

1. هواوي Y9a
2. هواوي بورا 70 برو
3. هواوي P60 برو
4. هواوي نوفا 7i
5. هواوي نوفا 9
6. هواوي نوفا 12 SE
7. هواوي نوفا 12i
8. هواوي نوفا Y90
9. هواوي 9s
10. هواوي Y9s

موبايل هواوي Y9a – سعر 2025

• موبايل هواوي Y9a من الموبايلات اللي بتقدم تجربة شكلها فخمة وسعرها مناسب، لكنه بيختلف شوية عن باقي موبايلات سلسلة الـ Y اللي متعودين عليها من هواوي، تصميمه شيك جداً شبه الفئة الرائدة خاصة سلسلة Mate 30.
• الـ Y9a بييجي بشاشة كبيرة 6.63 بوصة FHD+، ومعاها معالج Helio G80، وده نفس المعالج اللي شفناه في أجهزة زي ريلمي 6i. الموبايل كمان فيه 128 جيجا ذاكرة داخلية و8 جيجا رام، ودي مساحة كويسة جداً للاستخدام اليومي وتخزين الصور والفيديوهات. الكاميرات كمان قوية، الأساسية 64 ميجا بيكسل وفيه كاميرا وايد وماكرو وبورتريه، ده غير الكاميرا الأمامية اللي بتشتغل بسلايدر.
• من ناحية البطارية، فالموبايل فيه بطارية 4200 مللي أمبير وبتدعم شحن سريع 40 واط، يعني هتشحن بسرعة وتكمل معاك اليوم بسهولة. الـ Y9a مش بيشتغل بخدمات جوجل، لكن تقدر تستخدم الـ AppGallery لتحميل التطبيقات. في المجمل، هواوي Y9a مناسب لو بتدور على شكل أنيق، كاميرات كويسة، شاشة كاملة، ومساحة تخزين كبيرة.
• سعر Huawei Y9a في مصر 2025 في حدود 4200 جنيه.

موبايل هواوي Y9a مستعمل للبيع على فورسواب

 

هنا ممكن تستفيد من دليل جميع هواتف سامسونج بالترتيب على حسب الإصدار .. وأسعارها في مصر

موبايل هواوي Pura 70 Pro – سعر 2025

• Huawei Pura 70 Pro من أفضل 10 هواتف هواوي بيجمع بين التصميم الفخم والأداء القوي والمواصفات الممتازة. الموبايل بيدعم كل الشبكات بما فيها الجيل الخامس، وبيجي بهيكل مقاوم للمياه والأتربة بشهادة IP68، مع شاشة كبيرة 6.8 بوصة LTPO OLED بدقة عالية جدًا، بتقدملك تجربة مشاهدة ممتازة سواء للأفلام أو الألعاب.
• بيشتغل بمعالج Kirin 9010 القوي، ومعاه نظام تشغيل EMUI 14.2، وبيتوفر بأكثر من نسخة في المساحة: 256، أو 512 جيجا، أو حتى 1 تيرابايت، مع 12 أو 16 جيجا رام، يعني مفيش قلق من التخزين أو بطء الأداء.
• الكاميرات الخلفية الثلاثية قوية جدًا، الأساسية بدقة 50 ميجابكسل ومعاها عدسة تليفوتو 48 ميجابكسل وعدسة ألترا وايد 12.5 ميجابكسل، وكمان الكاميرا الأمامية 13 ميجابكسل، وده بيخليه مناسب جدًا للتصوير الاحترافي.
• البطارية قوتها 5050 مللي أمبير، وبتدعم شحن سلكي سريع 100 واط ولاسلكي 80 واط، يعني هتشحنه بسرعة وتستخدمه براحتك طول اليوم. العيب الوحيد إنه مفيهوش مدخل 3.5 ملم للسماعات، بس بيعوض ده بسماعات ستيريو بتقدم صوت نقي وقوي.
• سعر Huawei Pura 70 Pro في مصر 2025 حوالي 58000 جنيه.

هواوي Pura 70 Pro مستعمل للبيع على فورسواب

 

موبايل Huawei P60 Pro – سعر 2025

• رغم إن موبايل Huawei P60 Pro مش أحدث موبايل هواوي بس فعلاً بيقدّم تجربة ممتازة جدًا وبينافس أقوى الموبايلات في نفس الفئة، خصوصًا من ناحية الكاميرات والشاشة والشحن، لكن من غير دعم لشبكات 5G.
• الموبايل جاي بمعالج Snapdragon 8+ Gen 1 إصدار الـ 4G، وده بيقدملك أداء ممتاز في كل حاجة تقريبًا سواء في الاستخدام اليومي أو الألعاب، وكمان معالج الرسوميات Adreno 730 بيشغلك كل الجرافيكس على أعلى جودة. تقدر تختار بين نسختين للمساحة: واحدة 256 جيجا والتانية 512 جيجا، مع رامات 8 أو 12 جيجا.
• شاشة موبايل هواوي P60 Pro من نوع LTPO OLED بحجم 6.67 بوصة ودقة عالية 2700 × 1220 بكسل، وبتدعم معدل تحديث 120 هرتز، عشان كل حاجة تكون سلسة وسريعة في التصفح والسكرول. كمان الشاشة محمية بزجاج Kunlun Glass، وفيها كاميرا سيلفي 13 ميجا بكسل بتصوّر فيديوهات 4K.
• أما الكاميرات الخلفية، فهي تلات عدسات أساسية: واحدة 48 ميجا بكسل بفتحة عدسة متغيرة من f/1.4 لحد f/4.0، وعدسة telephoto برضه 48 ميجا بكسل بتقريب قوي، وعدسة ultra-wide بدقة 13 ميجا بكسل. وبتقدر تصوّر فيديو بجودة 4K أو حتى slow motion بجودة FHD+ لحد 960 إطار في الثانية!
• بطارية P60 Pro قوتها 4815 مللي أمبير، وبتدعم شحن فائق السرعة 88 واط، وشحن لاسلكي 50 واط، وكمان فيه ميزة الشحن العكسي لو حابب تشحن جهاز تاني.،وطبعًا فيه بصمة تحت الشاشة، ومقاومة للمياه والتراب بشهادة IP68.
• فيه كمان حاجات حلوة زي مكبرات صوت ستيريو، وميزة NFC، وInfrared، بس أهم حاجة تعرفها إن الموبايل مش بيدعم خدمات جوجل، وبيشتغل بنظام تشغيل EMUI 13.1 أو HarmonyOS 3.1.
• سعر Huawei P60 Pro في مصر 2025 من 45000 ل 50000 جنيه تقريبًا.

Huawei P60 Pro مستعمل للبيع على فورسواب

 

تليفون هواوي نوفا i7 – سعر 2025

• لو بتدور على موبايل أداءه حلو وسعره معقول، يبقى موبايل هواوي نوفا 7i من أفضل موبايلات هواوي اللي يستحق تبص عليه، بيجي بمعالج Kirin 810 اللي بيشغل التطبيقات والألعاب بشكل كويس جدًا، وكمان مع 8 جيجا رام و128 جيجا مساحة داخلية فمش هتحس بأي تهنيج. الشاشة 6.4 بوصة بدقة حلوة، والألوان فيها واضحة، وكمان حجمه ووزنه مناسبين جدًا للاستخدام اليومي.
• الكاميرا الخلفية رباعية: الأساسية 48 ميجا، ومعاها كاميرا واسعة وكاميرتين للماكرو والعزل، بتطلع صور كويسة جدًا خصوصًا في الإضاءة العالية. الكاميرا الأمامية 16 ميجا بيكسل وهتديك سيلفي واضح.
• البطارية 2400 مللي أمبير، ودي صغيرة شوية، لكن الميزة إنها بتدعم شحن سريع 40 واط فبتتشحن بسرعة جدًا. الموبايل فيه بصمة في الجنب ومستشعرات زي التسارع والبوصلة، لكن خد بالك إنه مفيهوش خدمات جوجل، فهتحتاج تنزل التطبيقات من AppGallery أو بطريقة تانية.
• سعر موبايل هواوي نوفا 7i في مصر 2025 حوالي 9000 جنيه تقريبًا.

تليفون هواوي نوفا i7 مستعمل للبيع على فورسواب

 

موبايل هواوي نوفا 9 – سعر 2025

• هواوي نوفا 9 بيتميز بشاشة أموليد منحنية 6.57 بوصة بمعدل تحديث 120Hz بتدي ألوان وسلاسة ممتازة، والمعالج Snapdragon 778G (4G) بيقدّم أداء قوي في الاستخدام اليومي وكمان كويس في الألعاب.
• الكاميرا الخلفية رباعية والأساسية 50 ميجا بتطلع صور حلوة لكن مفيش مثبت بصري OIS، والسيلفي 32 ميجا واضح ومناسب للصور والفيديو.
• البطارية 4300mAh والشحن فيها سريع جدًا بقدرة 66W وكمان بتدعم الشحن العكسي علشان تشحن أجهزة تانية.
• الموبايل بيشتغل بنظام HarmonyOS ومن غير خدمات جوجل الرسمية، ومعندوش مدخل سماعات 3.5 مم ولا منفذ لبطاقة ذاكرة ولا دعم 5G — فلو دي حاجات مهمة ليك خد بالك. بشكل عام، لو عايز موبايل بشاشة جامدة وشحن سريع وكاميرات قوية بالنسبة للفئة، Huawei Nova 9 اختيار مرضي.
• سعر هواوي نوفا 9 في مصر حوالى 11,000 جنيه للنسخة 128/8.

موبايل هواوي نوفا 9 مستعمل للبيع على فورسواب

 

 

موبايل هواوي نوفا SE12 – سعر 2025

• هواوي Nova 12 SE بيجمع بين تصميم أنيق ومواصفات قوية بالنسبة لسعره، الموبايل جاي بشاشة OLED حجمها 6.67 بوصة بدقة FHD+ ومعدل تحديث 90Hz، وبتعرض أكتر من مليار لون علشان تاخد تجربة مشاهدة مبهرة.
• المعالج Snapdragon 680 (4G) مع 8 جيجا رام و256 جيجا تخزين بيقدّم أداء ثابت في الاستخدام اليومي وتعدد المهام، لكنه مش موجه للألعاب التقيلة أوي.
• الكاميرات هنا نقطة قوة كبيرة: الأساسية 108 ميجا بجانب واسعة 8 ميجا وماكرو 2 ميجا، والسيلفي 32 ميجا، وكلهم بيدعموا تصوير 1080p مع المثبت الإلكتروني EIS علشان الصور والفيديوهات تطلع ثابتة.
• البطارية 4500mAh مع شحن سريع 66W بيشحن من 3% لـ100% في حوالي نص ساعة، وكمان فيه شحن عكسي.
• بيشتغل بواجهة EMUI 14 من غير خدمات جوجل، وفيه بصمة في زر التشغيل وNFC.
• سعر Nova 12 SE في مصر حوالي 14.000 جنيه مصري.

تليفون هواوي نوفا i12 – سعر 2025

• هواوي نوفا 12i هو الأرخص في سلسلة نوفا 12، لكنه بيقدّم مواصفات محترمة جدًا بالنسبة لفئته، جاي بشاشة IPS LCD مقاس 6.7 بوصة بدقة FHD+ ومعدل تحديث 90Hz.
• الكاميرا الأمامية 8 ميجا وبتدعم تصوير فيديو 1080p، أما الكاميرات الخلفية فالأصلية 108 ميجا بفتحة f/1.9 ومعاها كاميرا 2 ميجا، وبيصوروا فيديو بنفس الجودة.
• المعالج Snapdragon 680 (4G) مع 8 جيجا رام وخيارين تخزين: 128 أو 256 جيجا، بيشغّل واجهة EMUI 14 من غير خدمات جوجل.
• البطارية كبيرة 5000mAh مع شحن سريع 40W يشحن 62% في نص ساعة تقريبًا، وفيه كمان بصمة على زر الباور وNFC. 
• سعر موبايل هواوي نوفا 12i حوالي 10.000 جنيه lwnd للإصدار 256 جيجا مع 8 جيجا رام.

 

موبايل هواوي نوفا y90 – سعر 2025

• هواوي نوفا y90 بييجي كتطوير واضح لـ Nova Y70، مع تصميم أحدث وشاشة أفضل بدقة FHD+ ومعدل تحديث 90Hz. الشاشة مقاسها 6.7 بوصة من نوع IPS LCD.
• دقة الكاميرا الأمامية 8 ميجا أما الكاميرات الخلفية 3: الأساسية 50 ميجا، أما الكاميرا الثانية بدقة 2 ميجا بكسل وهي كاميرا التصوير الماكرو، والثالثة بدقة 2 ميجا بكسل وهي الكاميرا الخاصة بالعزل مع فلاش أحادي من نوع ليد فلاش، أما عن تصوير الفيديوهات بجودة بدقة 1080p.
• المعالج Snapdragon 680 مع Adreno 610، والذاكرة 128 جيجا مع خيارات رام 4، 6 أو 8 جيجا (من غير دعم كارت ميموري).
• البطارية 5000mAh مع شحن سريع 40W، وفيه بصمة في زر الباور وFace Unlock، والصوت مونو لكنه عالي. 
• هواوي نوفا y90 بيشتغل بواجهة EMUI 12 من غير خدمات جوجل، لكن ممكن تحميل تطبيقات جوجل من متجر هواوي.

هواوي نوفا y90 مستعمل للبيع على فورسواب

 

موبايل هواوي نوفا SE 9 – سعر 2025

• هواوي Nova 9 SE بييجي بتصميم شيك وظهر زجاجي، وشاشة كبيرة 6.78 بوصة IPS LCD بدقة FHD+ ومعدل تحديث 90Hz، لكن للأسف مش AMOLED. 
• المعالج Snapdragon 680 مع 8 جيجا رام و128 جيجا مساحة داخلية، ومن غير دعم لكارت ميموري.
• الكاميرات الخلفية 4: الأساسية 108 ميجا، الكاميرا الثانية بدقة 8 ميجا للتصوير الواسع، أما الكاميرا الثالثة بدقة 2 ميجا بكسل للتصوير الماكرو، والكاميرا الرابعة بدقة 2 ميجا بكسل وهي الكاميرا الخاصة بالعزل مع فلاش أحادي من نوع ليد فلاش، الكاميرا الأمامية 16 ميجا، تصوير الفيديوهات بجودة الـ FHD بدقة 1080 بكسل بمعدل 60fps.
• البطارية 4000mAh تدعم شحن سريع قوي 66W، والبصمة موجودة في زر الباور مع دعم Face Unlock.
• مفيش خدمات جوجل، لكن ممكن تحميل تطبيقاتها من متجر هواوي، ومفيش مدخل سماعات أو صوت ستيريو.
• سعر Huawei Nova 9 SE للنسخة 128/8 في مصر حوالي 8800 جنيه مصري.

هواوي نوفا SE 9 مستعمل للبيع على فورسواب

 

تليفون هواوي y9s – سعر 2025

• موبايل هواوي Y9s واحد من موبايلات هواوي اللي تصميمه أنيق مع خامة زجاج، وشاشة كاملة 6.59 بوصة FHD+ من غير أي نوتش أو ثقب، والكاميرا السيلفي أو الأمامية 16 ميجا، أما الكاميرات الخلفية 3: أساسية 48 ميجا، والكاميرا الثانية 8 ميجا بكسل للتصوير العريض الـ Ultra Wide، أما الثالثة 2 ميجا وهي الخاصة بالعزل بالإضافة لفلاش أحادي من نوع ليد، بالنسبة لتصوير الفيديوهات فالموبايل بيدعم التصوير بجودة الـ FHD بدقة 1080 بكسل.
• المعالج Kirin 710F مع 6 جيجا رام و128 جيجا مساحة داخلية، وكمان فيه مكان لكارت ميموري لحد 512 جيجا. فيه بصمة جانبية في زر الباور.
• البطارية بسعة 4000mAh، والموبايل فيه منفذ Type-C مع دعم OTG، وكمان مدخل سماعات 3.5 مم لكن مفيش شحن سريع ولا تصوير 4K، والأداء في الألعاب متوسط.
• سعره موبايل هواوي Y9s في مصر حوالي 3900 جنيه مصري لنسخة 128/6.

هواوي y9s مستعمل للبيع على فورسواب

 

أكتر أسئلة شائعة عن موبايلات هواوي في مصر

 

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.