أهم 10 نصائح قبل شراء آيفون iPhone مستعمل

3 أشهر مضت

بتفكر تشتري آيفون مستعمل لأن أسعار الآيفون الجديد عالية؟ هي فكرة كويسة وفعلًا هتوفرلك مبلغ كبير أو هتخليك تقدري تشتري iPhone بدل أندرويد، لكن فيه شوية نصايح وحاجات لازم تاخد بالك منها وانت بتشتري آيفون iPhone مستعمل عشان نقدر نقول أنها صفقة كسبانة وأنك طلعت مُستفيد فعلًا، هنعرّفك كل النصايح في المقال ده من فورسواب وكمان هنعرّفك عيوب الآيفون المستعمل وازاي تتجنبها.

لو ناوي تشتري آيفون مستعمل الفترة الجاية، تقدر تشوف كل إعلانات الآيفونات المستعملة المعروضة للبيع أو البدل على فوروسواب في اللينك ده.

نصائح عند شراء آيفون iPhone مستعمل

فحص الجهاز من الخارج: أول حاجة هتبدأ تبص عليها وطبيعي هتلفت نظرك هي الشكل الخارجي للجهاز، اتأكد أن مفيش في أي كسور أو خدوش، وخلي بالك أن ممكن يكون فيه خدوش مش واضحة في الشاشة، عشان كده لازم تشيل لاصقة الحماية من الشاشة وتعلي إضاءة الشاشة على أعلى درجة عشان تقدر تتحقق من عدم وجود أي كسور أو خدوش فيها.
افحص الكاميرا وجرّب تصويرها: الكاميرا شكلها الخارجي ممكن يكون سليم لكن تكون فيها مشكلة مش هتبان غير مع التجربة والتصوير، عشان كده لازم تجرب تصور بيها في إضاءات وبزوايا مختلفة وتختبرها.
فحص الايفون من الرقم التسلسلي: الرقم التسلسلي للآيفون بيكون رقم خاص بكل جهاز، وعلشان تتأكد أن الآيفون المستعمل اللي بتشتريه مش مسروق أو موجود في القائمة السوداء لشركة Apple لازم تفحص الرقم ده عن طريق الضغط على إعدادات الهاتف ثم اختيار عام ثم حول About ومرر لأسفل لحد ما تلاقي رقم التعريف الدولى IMEI أو عن طريق استخدام كود *#06# وبعدين دخّل الرقم التسلسلي إما في CTIA’s Stolen Phone Checker أو IMEI Check،عشان تتأكد أن الآيفون مش مسروق.
التأكد من حالة البطارية: استهلاك البطارية بشكل كبير بيأثر على مدة أو فترات تشغيل الآيفون قبل حاجته للشحن، لو البطارية حالتها مش كويسة ننصحك تدور على آيفون تاني لأن وقتها هتلاقيه بيفصل بسرعة ومش هترتاح في استخدامه، وتقدر تعرف حالة البطارية عن طريق: الإعدادات وتختار البطارية واضغط على Battery Health هتظهرلك لك سعة البطارية المتبقية، حاول تختار آيفون iPhone مستعمل بطاريته أعلى من 80%.
التحقق من حالة قفل التنشيط: لازم تتأكد أن البايع ألغى قفل التنشيط، لأنك لو اشتريته وهو في حالة قفل التنشيط مش هتقدر تلغيه أو تستعمله، لازم المالك نفسه اللي يقوم بإلغائها.
اطلب كل ملحقاته: اتفق مع البايع أنك هتستلم ملحقات الآيفون المستعمل زي الشاحن والسماعات لأنك لو اشترت الأصلي منهم بشكل منفصل هيكون مُكلف.

تقدر هنا تشوف دليل شامل لجميع أنواع موبايلات آيفون بالترتيب وأسعارها 2025

إعلانات بيع آيفون مستعمل رخيص في حدود 2000 حتى 10000 جنيه

لو بتدور على آيفون iPhone مستعمل رخيص تقدر تشوف اللينكات دي

آيفون مستعمل للبيع في مصر 2025

iPhone 15 للبيع

ايفون 11 مستعمل للبيع

ايفون مستعمل للبيع

آيفون للبيع

أشهر عيوب ومشاكل الآيفون المستعمل

عمر البطارية: من عيوب الآيفون المستعمل أن غالبًا بتكون بطاريته ضعيفة، فهتلاقي التليفون بيفصل منك بسرعة ومحتاج يتشحن بشكل مستمر.
لو صاحب الآيفون مكانش بيحافظ عليه بوسائل حماية زي الكافر ولاصقة الحماية من أنواع جيدة هتلاقي فيه خدوش وممكن كسور من الاستخدام، وممكن بعضها ميكونش ظاهر بشكل واضح علشان كده لازم تفحصه كويس.
مشاكل برمجية: الآيفون بعد ما يقدم ويظهر بعده كذا جيل جديد بتبدأ تظهر مشاكل في تحديث نظام التشغيل أو عدم توافق بعض التطبيقات.
حالة الكاميرا: الخدوش أو الأوساخ في الآيفون المستعمل ممكن تأثر على أداء الكاميرا وجودة الصور، علشان كده لازم تختبرها كويس.

هنا هتشوف مقارنة بين آيفون 15 وآيفون 16: فرق الإمكانيات والأسعار

خطوات بيع أو تبديل آيفون iPhone مستعمل على فورسواب

لو عندك موبايل آيفون iPhone مستعمل وعايز تبيعه بسعر كويس أو تبدله بأي موبايل تاني، تقدر تعمل ده من خلال فورسواب بخطوات بسيطة:

ادخل على الموقع وأنشئ حساب جديد على فورسواب أو سجل دخول لو عندك حساب على الموقع أو حمّل تطبيق فورسواب.
اضغط على “إضافة إعلان”، واختار فئة “موبايلات وتابلت” وبعدها اختار “آيفون”.
املأ بيانات الإعلان كلها المطلوبة زي عنوان للموبايل اللي هتبيعه ووصف له وحالة الموبايل، وأي تفاصيل تانية ممكن تكون مهمة وطبعا متنساش تحديد السعر أو أنك عايز تبدله بموبايل تاني.
ارفع صور واضحة للموبايل من كل الزوايا بتوضح حالة الجهاز بدقة وتقدر تعرف أكتر من هنا عن أفضل تطبيقات لتصوير المنتجات بالموبايل.
في الآخر راجع كل البيانات اللي كتبتها والصور واضغط على “نشر الإعلان”.
متنساش تتابع التعليقات والرسائل من المهتمين بالشراء أو التبديل.
قابل المشتري أو الشخص اللي هتبدل معاه الجهاز في مكان عام آمن وافحص الجهاز اللي هتاخده كويس واتأكد أنه تمام وبنفس المواصفات المكتوبة في الإعلان.

أكتر أسئلة شائعة عن الآيفون المستعمل

ماذا أفعل قبل شراء ايفون مستعمل؟

دور على محلات بيع ايفون مستعمل ليها سُمعة جيدة أو اشتريه أونلاين من فورسواب وافحص الايفون من الرقم التسلسلي علشان تتأكد أنه مش مسروق واتأكد من إلغاء قفل التنشيط.

كيف أعرف أن الآيفون المستعمل جيد؟

تأكد من ألا يقل عُمر البطارية عن 80 أو 85% واتأكد أن مفيش فيه أي خدوش أو كسور سواء في الظهر أو الشاشة، وأن الشاشة أصلية مش متغيرة.

كيف تتأكد من أن جهاز آيفون المستعمل غير مسروق؟

يتم التأكد من أن جهاز الآيفون المستعمل غير مسروق عن طريق فحص الايفون من الرقم التسلسلي وده تقدر تجيبه بسهولة من كود *#06# ودخّل الرقم التسلسلي في CTIA’s Stolen Phone Checker أو IMEI Check، عشان تتأكد أن الآيفون مش مسروق.

ما هي أسعار الآيفون المستعمل 2025؟

أسعار الآيفون المستعمل بتتراوح بين متوسطات واسعة جدًا بسبب نوع الآيفون وسنة إصداره، وحالته، وعمر البطارية، ووجود مُلحقاته معاه أو لأ

إيه أهم حاجة لازم أبص عليها في الآيفون المستعمل قبل ما أشتريه عشان ميتضحكش عليا؟

أهم حاجة تتأكد إن الآيفون مش مسروق أو عليه قفل آيكلاود (iCloud Lock) عن طريق إنك تطلب من البائع يعمل تسجيل خروج من حسابه. كمان، لازم تفحص الجهاز بنفسك كويس أو مع حد متخصص.

إزاي أعرف صحة البطارية بتاعة الآيفون المستعمل؟ وهل النسبة القليلة مشكلة؟

تقدر تدخل على الإعدادات > البطارية > حالة البطارية، وتشوف “الحد الأقصى للقدرة”. لو النسبة أقل من 80%، البطارية هتبقى محتاجة تتغير قريب، وده هيزود عليك تكلفة.

هل لازم أتأكد إن شاشة الآيفون المستعمل أصلية ومش متغيرة قبل كده؟

يفضل طبعاً تكون الشاشة أصلية. لو اتغيرت، ممكن تلاحظ اختلاف في الألوان أو حساسية اللمس. في موديلات الآيفون الأحدث (من iPhone 11 وطالع)، لو الشاشة اتغيرت بغير أصلية بيظهر تحذير في الإعدادات.

إزاي أختبر كل حاجة في الآيفون المستعمل قبل ما أدفع الفلوس؟

لازم تجرب كل حاجة: الكاميرات (أمامية وخلفية)، الصوت (السماعات والميكروفون)، الواي فاي والبلوتوث، البصمة (Touch ID) أو الفيس آي دي (Face ID)، الشحن (تجرب الشاحن)، وتجرب تحط شريحة وتعمل مكالمة عشان تتأكد من الشبكة.

هل فيه طريقة أقدر أعرف بيها لو الآيفون ده كان بيتصلح قبل كده أو دخل ميه؟

تقدر تشوف مكان مسامير الشاشة لو فيها أي علامات فك، وتراجع تاريخ الجهاز من خلال السيريال نمبر بتاعه لو كان مدخل صيانة في توكيل آبل. لو في أي بقع أو لون متغير داخل فتحة الشريحة أو منفذ الشحن ده ممكن يدل على دخول ميه.

إيه أحسن مكان أشتري منه آيفون مستعمل موثوق فيه في مصر؟

أفضل أماكن هي المحلات الكبيرة والمعروفة اللي ليها سمعة كويسة (سواء في المولات أو الشوارع التجارية)، أو من مواقع وتطبيقات الإعلانات الموثوقة زي فورسواب بس بشرط المقابلة والفحص المباشر.

لو الآيفون المستعمل عليه Apple ID أو iCloud، أعمل إيه قبل ما أشتريه؟

لازم، لازم، لازم تطلب من البائع يعمل تسجيل خروج من Apple ID و iCloud و Find My iPhone (تحديد الموقع) قبل ما تاخد الجهاز. لو نسيت الخطوة دي، الجهاز هيتقفل عليك وهيبقى قطعة حديد ملهاش لازمة.

هل الآيفون المستعمل بيفضل مقاوم للمية زي الجديد؟

لأ، مقاومة المية في الآيفون بتقل مع الوقت والاستخدام، وممكن تتأثر جداً لو الجهاز اتفتح أو اتصلح قبل كده. فمتعتمدش عليها في المستعمل خالص وماتحطوش في المية.

الآيفون المستعمل اللي هشتريه هيستقبل تحديثات iOS جديدة ولا لأ؟

ده بيعتمد على موديل الآيفون اللي هتشتريه. آبل بتدعم أجهزتها بتحديثات iOS لسنين طويلة، لكن الموديلات القديمة جداً (زي آيفون 7 أو 8) ممكن تكون خلاص مبقتش تستقبل أحدث إصدارات الـ iOS. اسأل عن موديل الجهاز بالتحديد وشوف هو بيدعم إيه.