الثلاجة من أهم الأجهزة الكهربائية اللي مش ممكن نستغنى عنها وللأسف كمان هي من أغلى الأجهزة علشان كده بعض الناس بتلجأ لشراء ثلاجة مستعملة بدل الجديدة علشان التوفير، لكن مهم جدًا تعرف عيوب الثلاجة المستعملة كمان كيفية فحص الثلاجة المستعملة قبل الشراء؟ علشان تتجنب شراء تلاجة غير صالحة وتبقى خسرت فلوسك، في المقال ده من فورسواب هنكلمك عن مشاكل الثلاجة المستعملة وهنجاوبك على سؤال كيف أعرف أن الثلاجة المستعملة جيدة؟
في اللينك ده تقدري تعرفي أفضل أنواع الثلاجات في مصر وأسعارها 2025
طريقة فحص ثلاجة مستعملة قبل الشراء
- فحص الهيكل الخارجي للثلاجة: أول حاجة هتبص عليها طبيعي تكون التلاجة من بره، اتأكد أن مفيهاش أي خبطات أو ثقوب أو خدوش عميقة ممكن تأثر على أداء الثلاجة، لأنها ممكن تبان حاجات بسيطة لكنها بالفعل بتأثر بالسلب على الثلاجة.
- فحص جسم الثلاجة من الداخل: ممكن التلاجة تكون سليمة من الهيكل الخارجي لكن تكون فيها ثقوب أو أجزاء بايظة من الداخل، علشان كده لازم تعمل فحص دقيق للهيكل الداخلي للتلاجة في وجود إضاءة كويسة علشان تتأكد أنها سليمة بالكامل.
- التأكد من حركة الرفوف: يمكن تشوفها حاجة مش مهمة أوي وأنت بتشتري ثلاجة مستعملة بس أن أرفف التلاجة تكون بتتحرك كويس وتقدر تشيلها وتركبها هتفيدك في تنضيف التلاجة وغسيلها بعد كده بسهولة.
- عدم وجود روائح في الثلاجة: فيه بعض الثلاجات المستعملة بيكون فيها روايح مستمرة ما بتروحش مع غسيلها وتنضيفها وده معناه أن فيها مشكلة علشان كده لازم تاخد بالك من النقطة دي كويس.
- افحص المحرك أو الضاغط: وصل التلاجة بالكهرباء واتأكّد أن جزء الضاغط سليم وشغال ومفيهوش أي صدأ أو أجزاء مهترئة، كمان مهم جدا تتأكد من عدم وجود ثقوب بتسرب غاز الفريون واللي هتقدر تميز ريحته بكل سهولة.
- افحص التوصيلات الكهربائية: أسلاك التلاجة وتوصيلاتها الكهربائية من أهم الحاجات اللي مهم نبص عليها خلال فحص ثلاجة مستعملة قبل الشراء والتأكد أنها سليمة ومفيهاش أي قطع أو أسلاك ظاهرة.
- تأكد من إحكام إغلاق باب الثلاجة: بعض الثلاجات المستعملة بتكون فيها مشكلة أن باب التلاجة مابيقفلش بإحكام علشان كده لازم تجربها وتتأكد من النقطة دي لأنها من النقط الأساسية في عمل التلاجة بشكل سليم.
مميزات شراء ثلاجة مستعملة
- توفير التكاليف: أكيد سعر الثلاجات المستعملة هيكون أقل بمبلغ كبير من الثلاجات الجديدة اللي ارتفعت بشكل مبالغ فيه السنين الأخيرة.
- استغلال الفرص: عن طريق شراء ثلاجة مستعملة ممكن تستغل الفرصة وتجيب تلاجة بمميزات أعلى بكتير من اللي كنت هتجيبها بنفس المبلغ لو كنت اشتريت واحدة جديدة بالميزانية المتاحة.
- سهولة شراء ثلاجة مستعملة: عن طريق موقع فورسواب هتلاقي تلاجات مستعملة للبيع كتير جدا بأنواع وأسعار مختلفة تقدر تشتريها بكل سهولة.
عيوب شراء ثلاجة مستعملة
شراء ثلاجة مستعملة ممكن يكون فيه بعض العيوب لو مخدناش بالنا كويس أثناء فحص الثلاجة المستعملة قبل شرائها وهي:
- قلة الكفاءة: الأجهزة الكهربائية بتفقد كفاءتها بمرور الزمن علشان كده ممكن الثلاجة المستعملة تكون فقدت بعض كفاءتها وده هيأدي لاستهلاك طاقة أكتر وعدم التبريد بشكل جيد.
- احتمالية وجود تآكل وصدأ: ممكن تظهر بعض علامات التآكل أو الصدأ على الهيكل الداخلي أو الخارجي للتلاجة وده أكيد هيأثر على المتانة والأداء علشان كده لازم تاخد بالك من الفحص الجيد للثلاجة قبل الشراء.
- عدم وجود ضمان: غالباً الثلاجات المستعملة مابيكونش معاها ضمان، علشان كده لو حصل أي أعطال هتتحمل تكلفتها بالكامل.
- عمر افتراضي محدود: عمر الثلاجة المستعملة أكيد أقصر مقارنة بشراء ثلاجة جديدة، خاصة لو كانت مستعملة لسنين طويلة.
ثلاجات مستعملة للبيع في مصر 2025
- ثلاجات مستعملة للبيع في القاهرة.
- ثلاجات مستعملة للبيع في الجيزة.
- ثلاجات مستعملة للبيع في مصر الجديدة.
- ثلاجات مستعملة للبيع في فيصل.
- ثلاجات مستعملة للبيع في عين شمس.
تقدري تشوفي ثلاجة مستعملة قريبة من مكان سكنك في اللينك ده، ابحثي عن طريق منطقتك في أي مكان في مصر.
أشهر أعطال الثلاجة المستعملة وحلول ليها
مشكلة: تسريب المياه من الثلاجة
فيه أسباب كتير بتعمل مشكلة تسريب المياه من الثلاجة منها: انسداد فتحة التصريف المسؤولة عن السماح للسائل القادم من المبخّر بالمرور عبر الضاغط، الانسداد ده ممكن يكون بسبب بقايا الطعام أو الرواسب داخل الفتحة، أو تلف المطاط الخارجي في باب الثلاجة أو وجود خللٍ في دائرة دخول الماء.
الحل: قبل البحث عن حل مشكلة تسريب المياه من الثلاجة، لازم تعرف الأول السبب من خلال فحص الأجزاء اللي اتكلمنا عنها لمعالجة الانسداد ده أو استبدال الأجزاء اللازمة.
مشكلة: تراكم الثلج في الفريرز
مشكلة تراكم الثلج في الفريزر بيكون بنسبة كبيرة بسبب وجود خلل أدى لارتفاع درجة الحرارة عن المستوى المطلوب داخل الفريزر، بسبب تكرار فتح وغلق باب الفريزر، أو عدم إغلاقه بإحكام، أو تلف المطاط الخارجي، أو بسبب تلف في أحد الأجزاء الداخلية؛ زي الثيرموستات.
الحل: مشكلة تراكم الثلج في الفريرز بتبدأ أولًا بالتأكد من إغلاق باب الفريرز بإحكام والتأكد من سلامة المطاط، لو سليم والباب بيغلق بإحكام يبقى المشكلة في الأجزاء الداخلية زي الثيرموستات ووقتها هتحتاج للاستعانة بفني صيانة.
مشكلة: باب الثلاجة لا يغلق بإحكام
مهم جدًا أن باب الثلاجة يكون بيتقفل بصورة محكمة؛ لمنع دخول الهواء من الخارج اللي بيقلل حرارة الثلاجة ويفسد الأكل اللي فيها، ومن أسباب عدم إغلاق باب الثلاجة بإحكام:
- وضع رفوف التلاجة بطريقة غلط تعيق إغلاق الباب الكامل.
- وضع الأطعمة والأواني في التلاجة بشكل يعيق إغلاق الباب.
- تلف أو تحرك المطاط الداخلي للثلاجة من مكانه.
- تلف مفاصل باب الثلاجة أو الفريزر.
الحل: حل مشكلة باب الثلاجة لا يغلق بإحكام أن يتم التأكد من وضع الأواني والأرفف بشكل منظم ومظبوط يضمن عدم إعاقة إغلاق الباب، والتأكد أن المطاط الخاص بالباب سليم أو تغييره في حالة تلفه.
مشكلة عدم فصل الثلاجة
الثلاجات مصممة أنها تفصل فترات قصيرة لراحة الموتور، وفي حالة عدم فصل الثلاجة نهائيًا هنا ممكن تكون مشكلة تأدي في النهاية لتلفها، ومن أسباب مشكلة عدم فصل التلاجة: عدم إغلاق الباب بشكل محكم بالتالي عدم وصول التلاجة لدرجة التبريد المطلوبة اللي ممكن تفصل بعدها، وجود مشكلة في جهاز الاستشعار الحراري للثلاجة.
الحل: حل مشكلة عدم فصل الثلاجة هي التأكد من إغلاق الباب بإحكام وعمل المستشعر الحراري بشكل جيد.
مشكلة صوت الثلاجة عالي جدا
ارتفاع صوت التلاجة ممكن يكون بسبب عدم وضعها بشكل سليم وثابت على الأرض وممكن يتعلق بمشكلة خاصة بماتور الثلاجة.
الحل: حل مشكلة صوت الثلاجة عالي جدا أولًا بالتأكد من وضعها بشكل سليم ومستقر ومراقبتها، وإذا استمر الصوت ده هتكون محتاجة لفحص الفني لتحديد المشكلة من الماتور.
مشكلة أو سبب عدم تبريد الثلاجة والفريزر
لو بنسأل ما هي المشكلة الأكثر شيوعاً في الثلاجة؟ هتكون عدم تبريد الثلاجة. يعني التلاجة متوصلة بالكهرباء وشغالة بس لا يتم تبريد الأطعمة في الثلاجة أو تجميد الأطعمة في الفريزر، ومشكلة أو سبب عدم تبريد الثلاجة من تحت أو فوق بنسبة كبيرة بتكون بسبب نقص الفريون أو تسربه.
الحل: حل مشكلة عدم تبريد الثلاجة من الأعلى والأسفل هو التأكد أولا من عدم وجود ثقوب في الجزء الخلفي من التلاجة يؤدي لتسرب غاز الفريون والاتصال بالفني لشحن الثلاجة بالفريون وتغيير الأنابيب المثقوبة أو المهترئة في حالة تلفها.
كده نكون جاوبنا على سؤال ما هي أكثر مشاكل الثلاجات شيوعًا؟ وعرفنا طريقة فحص ثلاجة مستعملة قبل الشراء ومميزات وعيوب الثلاجات المستعملة واشهر اعطال الثلاجة المستعملة وحلول ليها.
خطوات بيع ثلاجة مستعملة على فورسواب 2025
لو عندك ثلاجة مستعملة عايز تبيعها بسعر كويس وبسهولة.. جرب الخطوات دي
- سجل على موقع فورسواب أو من خلال الأبليكشن.
- صور الثلاجة كويس: خد صور واضحة من كل الزوايا ومن داخل الثلاجة وخارجها توضح حالتها. (شوف هنا أفضل تطبيقات لتصوير المنتجات باحتراف بالموبايل)
- اكتب وصف شامل: وضّح حالة الثلاجة بالتفصيل.. الموديل والمواصفات.
- حدد السعر المناسب: شوف أسعار الثلاجات المستعملة في السوق واختار سعر تنافسي.
- انشر الإعلان: اختار فئة “أجهزة منزلية” على فورسواب وضيف إعلانك مجاني.
- تواصل مع المشترين: تابع الرسائل والتعليقات عشان ترد بسرعة وتوصل لأفضل عرض.
أفضل أنواع ديب فريزر في مصر بالأسعار 
دليلك لشراء أفضل ثلاجات في مصر: الأسعار والمميزات 
