“أسعار غرف السفرة الجديدة فلكية؟ الحل في الأثاث المستعمل!” .. غرف السفرة الجديدة حالياً سعرها بقى غالي نوعا ما، فكتير مننا بقى بيلجأ لشراء أثاث مستعمل لو حاطط ميزانية متو سطة وكمان تقدر تجدده بمبالغ قليلة، في المقال ده من فورسواب هنقولك إزاي تحول غرفة سفرة مستعملة قديمة لتحفة جديدة وتوفر كتير كمان.
غرف سفرة مستعملة وجديدة لمعروضة للبيع أو البدل على فورسواب في اللينك ده بأرخص أسعار 2025
ما هي خطوات تجديد غرفة سفرة مستعملة قديمة؟
عشان تقدر تحول غرفة سفرة مستعملة وتخليها زي الجديدة محتاج تعمل شوية الحاجات دي
- تنظيف وتجهيز غرفة السفرة المستعملة
- إعادة دهان وطلاء السفرة.
- تنجيد غرفة السفرة.
- إضافة لمسات ديكور وإكسسوارات جديدة.
إزاي أنظف غرفة سفرة مستعملة؟
- تنظيف غرفة السفرة المستعملة هتحتاج تجهز شوية أدوات هتساعدك تعمل تنضيف عميق زي ( ممسحة، جردل مياه، مكنسة كهربائية، منظف للأرض، ملمع زجاج، ملمع خشب، قماش نظيف، أكياس فارغة)
- نضف خشب ترابيزة السفرة والكراسي كويس جدا.
- امسحهم بقطعة قماش نضيفة من أي أتربة وبعدها لمع الخشب والزجاج بملمع خاص بيه.
- لو كانت في خدوش، استخدم ورق صنفرة ناعم لتنعيم السطح.
ممكن تشوف هنا بالصور: أفضل أنواع المطابخ وأسعارها .. ومميزات كل نوع
إعادة دهان خشب وأثاث ترابيزة سفرة مستعملة
في حالة أن الدهان قديم نقدر نجدده ده هيساعدنا نخلي الأوضة تبان زي الجديدة بالظبط بالخوات دي:
- البس جوانتي عشان تحمي إيدك من أي طلاء أو مواد كيميائية ممكن تضرك.
- ابدأ أنك تعمل تنضيف شامل للخشب قبل ما تبدأ الدهان الجديد.
- تقدر تشيل الدهان القديم باستخدام أدوات زي المسدس الحراري أو مزيل طلاء كيميائي.
- صنفر السطح لإزالة أي تشققات.
- نضف السطح كويس جدا بالمياه والصابون وسيبه ينشف تماما.
- للخشب: استخدم ورنيش أو دهان خشب (ألوان مثل الأبيض، الرمادي، أو الدرجات الخشبية تعطي مظهرًا عصريًا). اما للحديد: استعمل بوية سبري مضادة للصدأ.
- اختار نوع الدهان وابدأ الدهان وباسخدام الفرشاة وخليه كله متساوي.
- ادهن طبقة ورا طبقة لحد ما توصل للطبقة النهائية.
تغيير إكسسوارات وتنجيد السفرة القديمة
تغيير المفروشات والإكسسوارت هيفرق جدا في شكل الغرفة، بس قبل ما تبدأ في الخطوة دي محتاج تحدد الميزانية وبعد كده قرر لو هتحتاج تغير في فرش الكراسي أو تشتري مثلا كسوة بس ليهم ولا هتعمل تنجيد كامل ليهم مع تغيير ألوانهم.
متوسط أسعار غرف سفرة مستعملة في 2025
- يتراوح متوسط سعر غرفة سفرة مستعملة من 5,000 جنيه مصري إلى 40,000 جنيه مصري.
- سعر ترابيزة سفرة مستعملة ترابيزة فقط بدون كراسي يتراوح من 4,000 جنيه مصري إلى 7,000 جنيه مصري.
- سعر غرفة سفرة 6 كراسي مع ترابيزة وبوفيه من خشب الزان تتراوح أسعارها من 18,000 جنيه مصري لـ 25,000 جنيه مصري
- سعر غرفة سفرة 6 كراسي مع ترابيزة فقط تتراوح أسعارها من 7,000 جنيه مصري لـ 11,000 جنيه مصري.
- سعر غرفة سفرة 8 كراسي مع ترابيزة وبوفيه من خشب الزان تتراوح أسعارها من 10,000 لـ 20,000 جنيه مصري.
سعر بيع غرفة سفرة مستعملة بيتوقف على عدة عوامل من أهمها:
- عدد قطع الغرف: سعر ترابيزة سفرة مستعملة تحتوى على عدد قطع أكتر تتكون من ترابيزة مع بوفيه ونيش (غرفة سفرة كاملة) أعلى من سعر غرفة السفرة اللي بتتضمن ترابيزة وكراسي فقط.
- حالة الأثاث: لو أثاث الأوضة جيد واستعماله خفيف هيكون سعرها أعلى من ترابيزة سفرة مستعملة ومستهلكة.
- تصميم الغرفة: لو غرفة السفرة معمولة كلاسيك أو مودرن عصري وحديث بيكون سعرها أعلى من من الأوض البسيطة والقديمة.
- نوع الخشب: غرف السفرة المعمولة من خشب زان الأصلي أو البلوط سعرها بيكون أعلى من غرف السفرة المصنوعة من خامات تانية أقل في الجودة زي الMDF أو الخشب الكونتر.
- العلامة التجارية: سعر غرف السفرة اللي من علامة تجارية معروفة ومشهورة أعلى من غرف السفرة اللي من علامات تجارية غير معروفة أو تصنيعها محلي.
- الموقع الجغرافي: يعني غرفة السفرة المستعملة المعروضة للبيع في القاهرة سعرها بيختلف عن سعر الغرف في الريف.
- وجود خدمة توصيل: توافر خدمة التوصيل بترفع من سعر الغرفة، لو المشتري هو اللي هيتحمل فك وتركيب ونقل السعر وقتها ممكن يقل شوية.
غرف سفرة مستعملة للبيع في مصر 2025
أماكن بيع غرف سفرة مستعملة
- محلات بيع مستعمل: في محلات كتير جدا بتبيع أثاث مستعمل لكن عيوبها أنها بتكون عن طريق تاجر فهو بيكون شاريها من صاحبها ومزود عليها عمولة، فالأفضل أنك تشتريها من صاحبها مباشرة.
- مواقع آونلاين: مواقع زي فورسواب تقدر تشتري أو تبيع أو تبدل غرف سفرة مستعملة مباشرة من مالكها بكل سهولة بوضع إعلان مجاني.
لو شقتك صغيرة وعندك أطفال … شوف هنا غرف نوم أطفال للمساحات الصغيرة .. أفكار لديكور مختلف
بالفيديو: تجديد غرفة سفرة مستعملة قديمة إلى سفرة جديدة 2025
إزاي ابيع غرفة سفرة مستعملة قديمة أونلاين على فورسواب
- سجل على موقع فورسواب أو من خلال الأبلكشن.
- صور غرفة السفرة كويس: خد صور واضحة من كل الزوايا توضح حالتها. (شوف هنا أفضل تطبيقات لتصوير المنتجات باحتراف بالموبايل)
- اكتب وصف شامل: وضّح حالة الغرفة بالتفصيل ونوع الخشب وعدد الكراسي.
- حدد السعر المناسب: شوف أسعار غرف سفرة مستعملة في السوق واختار سعر تنافسي.
- انشر الإعلان: اختار فئة “أثاث وديكور” على فورسواب وضيف إعلانك مجاني.
- تواصل مع المشترين: تابع الرسائل والتعليقات عشان ترد بسرعة وتوصل لأفضل عرض.
أسئلة شائعة عن غرف السفرة المستعملة
عشان تجدد سفرة قديمة، بتبدأ بتنظيفها كويس، بعدين صنفرة الخشب لإزالة الدهان القديم، معالجة أي خدوش أو كسور، ثم الدهان بألوان حديثة أو تنجيد كراسيها بقماش جديد، وممكن إضافة لمسات ديكورية.
1. غرفة سفرة 6 كراسي مع ترابيزة وبوفيه من خشب الزان تتراوح أسعارها من 18,000 جنيه مصري لـ 25,000 جنيه مصري
2. غرفة سفرة 6 كراسي مع ترابيزة فقط تتراوح أسعارها من 7,000 جنيه مصري لـ 11,000 جنيه مصري.
أهم الأدوات هي ورق صنفرة بدرجات مختلفة، فرش دهان، رولات دهان (لو هتدهن مساحات كبيرة)، سكينة معجون، معجون خشب، دهانات مناسبة للخشب، وممكن تحتاج مسدس دهان لو متاح، وشنيور (مثلاً لتغيير مسامير).
أفضل الدهانات للخشب المستعمل هي دهانات اللاكيه (للتغطية الكاملة واللمعان)، أو دهانات الأكريليك المخصصة للخشب (ألوان مط أو نص لامع وسهلة التنظيف)، وممكن تستخدم دهانات سبراي للأجزاء الصغيرة أو التفاصيل الدقيقة.
أيوه، في أغلب الحالات، تجديد السفرة القديمة بيكون أوفر بكتير جداً من شراء سفرة جديدة تماماً، خصوصاً لو الخشب بتاع السفرة القديمة قوي. ده غير إنك بتديها شكل مميز على ذوقك.
التكلفة بتختلف حسب حجم السفرة (عدد الكراسي)، نوع الدهانات وقماش التنجيد اللي هتستخدمه، وحالتها الأصلية. ممكن تبدأ التكلفة من حوالي 1000 لـ 3000 جنيه مصري (لمصاريف الخامات فقط) وممكن تزيد لو محتاجة تصليحات كبيرة أو هتجيب عامل متخصص.
اللاكيه (زيتي) بيتميز بلمعة قوية جداً ومقاومته للمياه والخدوش أعلى، لكن ريحته نفاذة ووقته جفافه أطول. الدوكو (نيترو أو مائي) بيتميز بلمعة أقل (ممكن مط أو نصف لامع) وألوانه بتبقى أنعم، وبيجف أسرع. الأنسب للسفرة بيعتمد على الذوق، لو عايز لمعان وقوة يبقى لاكيه، لو عايز نعومة وسرعة يبقى دوكو (لو هتدهن بنفسك).
استخدم معجون خشب مخصص، حطه بحذر في الشروخ والخدوش العميقة وسيبه ينشف تماماً. بعد ما ينشف، صنفر المكان كويس جداً لحد ما يبقى مستوي تماماً مع سطح الخشب الأصلي.
أفضل أنواع الأقمشة العملية والمتينة لكراسي السفرة هي الجلد الصناعي (لو عايز سهولة في التنضيف)، أو قماش القطيفة (للمسة الفخمة والمريحة)، أو أقمشة الكتان السميكة والمخلوطة اللي بتدي متانة وشكل عصري، أو أقمشة الجاكار لمتانتها العالية.
ممكن تضيف قطعة زجاج سميكة على سطح الترابيزة بعد تجديد الدهان، أو تغير أرجل الترابيزة لأرجل بتصميم مختلف (مثلاً معدنية)، أو تضيف رسومات بسيطة باستخدام استنسل بعد الدهان، أو حتى تفك الجزء العلوي وتعمل سطح جديد بلون أو خامة مختلفة (زي رخام صناعي خفيف).
