التكييف الصحراوي .. هل يستحق الشراء؟ اعرف مميزاته وعيوبه وسعره

مع ارتفاع درجات الحرارة  في بداية الصيف، زاد البحث عن أسعار التكييف الصحراوي 2025 لأن أسعار التكييفات العادية ارتفعت بشكل كبير جدًا خلال آخر سنتين تقريبًا، وخرجت عن حدود ميزانيات ناس كتير، فكان الحل للتفكير في المكييف الصحراوي لكن هل هو فعلًا بديل مناسب؟ في المقال ده من فورسواب هنعرّفك مميزات وعيوب وكمان سعر التكييف الصحراوي 2025 بمختلف أنواعه وماركاته وهنجاوبك على سؤال.. هل فعلا يستحق الشراء؟

مميزات التكييف الصحراوي

أكيد أن المكييف الصحراوي ليه بعض المميزات اللي نقدر نتكلم عنها بشكل تفصيلي ومنها:

• مُوفر في استهلاك الطاقة: التكييفات الصحراوية بتستهلك طاقة أقل بكثير مقارنةً بالتكييفات التقليدية علشان كده نقدر نقول أنه اختيار اقتصادي.
• تكاليف شراء وتركيب منخفضة: التوفير كمان مش بس في استهلاك الكهرباء لكن لأن سعر التكييف الصحراوي كشراء وتركيب أقل بكتير من التكييف العادي، فيُعتبر مناسب للناس اللي معاها ميزانية محدودة.
• إمكانية نقله: المكييف الصحراوي مش ثابت في غرفة أو مكان واحد لكن بتقدر تنقله بسهولة من غرفة للتانية ومن مكان لآخر.
• صديق للبيئة: تعتمد مكيفات الهواء الصحراوية على الماء للتبريد وده بيخليها صديقة للبيئة على عكس التكييفات اللي بتستخدم غاز الفريون.
• صيانة بسيطة: الصيانة اللي بيحتاجها المكييف الصحراوي عادةً بتكون أقل من التكييف العادي وده كمان بيخليه اختيار اقتصادي لأنه بيقلل من التكاليف على مدى الزمن.

تكييفات صحرواية مستعملة للبيع في مصر على فورسواب 2025

 

لو بتفكر تشتري تكييف صحراوي مستعمل بأسعار أرخص، هتلاقي هنا في اللينك ده أنواع كتير تناسب ميزانيتك.

أفضل انواع التكييف الصحراوي 2025 وكيفية الاختيار

وانت بتختار مكيف صحراوي ركز على النقط دي:

• قدرة التبريد: اختار نوع  له قدرة تبريد مناسبة لمساحة المكان.
• حجم خزان الماء: حاولت تختار الخزانات الأكبر لأنها بتكون أقل احتياج لتغيير المياه.
• معدل تدفق الهواء: اختار تكييف فيه معدل تدفق الهواء عالي علشان يوفر تبريد أكتر.

افضل أنواع تكييف صحراوي :

• تكييف صحراوي فريش.
• ـكييف صحراوي جاك.
• تكييف صحراوي مينتا.

لو هنتكلم عن أفضل انواع المكييف الصحراوي والأكثر طلبًا وشراءً في مصر هتكون أنواع فريش وتورنيدو وجاك ومينتا بدون ترتيب.

لو بتفكر تشتري ثلاجة قريب .. دليلك لشراء أفضل ثلاجات في مصر: الأسعار والمميزات

أسعار التكييف الصحراوي 2025

• سعر التكييف الصحراوي فريش موديل FA-M60W سعة 60 لتر هو 5000 جنيه مصري.
• سعر المكييف الصحراوي فريش موديل FA-T25M سعة 25 لتر واللي فيه فلتر أتربة ومزود بكرتون معالج ضد البكتيريا، و4 عجلات لسهولة الحركة فهو 3300 جنيه.
• سعر التكييف الصحراوي فريش بارد وساخن موديل F-AH-2000W سعة 15 لتر ويعمل باللمس هو 3450 جنيه.
• تكييف صحراوي كبير جاك موديل NGAC-290L من جاك سعة 90 لتر سعره 4600 جنيه.
• مكيف صحراوي مينتا موديل AC49138A سعة 85 لتر بـ3 سرعات وخزانين مياه سعره 5500 جنيه.
• سعر المكييف الصحراوي تورنيدو موديل TE-80AC بـ3 سرعات وفلتر كربون ومساحة تغطية 80 متر هو 13600 جنيه.

عيوب التكييف الصحراوي

بعد ما عرفنا مميزات المكييف الصحراوي وأفضل أنواعه وعرضنا كمان أسعاره اللي أقل بكتير من أسعار التكييفات العادية، قبل ما تاخد قرار الشراء لازم كمان نعرف ما عيوب التكييف الصحراوي؟

• الاعتماد على الرطوبة: آلية عمل المكيف الصحراوي بتعتمد على الرطوبة، فهو هيكون مناسب في المناطق الحارة جدًا والجافة في نفس الوقت لكن الأماكن اللي فيها رطوبة عالية مش هيكون استخدامه مناسب ولا مريح.
• نطاق تبريد محدود: المكييف الصحراوي نطاق التبريد بتاعه ضيق جدًا وتوزيع الهواء فيه مش قوي علشان كده ممكن متحسش بتأثير كبير لو انت في مكان واسع أو بعيد عن التكييف.
• تكرار تغيير الماء: وحدات المياه الموجودة داخل التكييف بتحتاج لتغيير المياه بشكل مستمر ومنتظم ودي حاجة ممكن تكون مملة ومرهقة.
• ممكن يسبب أمراض تنفسية: من أضرار المكييف الصحراوي أنه بسبب تراكم الفطريات اللي ممكن تنمو في وحدة الماء وأجزاءه الداخلية وعدم وجود فلاتر قوية زي اللي موجودة في التكييفات العادية ممكن يسبب أمراض في الجهاز التنفسي .
• غير مناسب في الأماكن المغلقة: من عيوب التكييف الصحراوي أنك هتحتاج دايما يكون في مصدر هواء متجدد في المكان اللي موجود فيه التكييف علشان متحسش برطوبة كبيرة.

أسئلة شائعة عن المكيف الصحرواي

لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.