ارتفاع حرارة السيارة في الصيف مشكلة بتواجه كل الناس في مصر خاصة في الأيام اللي درجة الحرارة بتوصل فيها 40 و 42، ومن أكتر الأسئلة المنتشرة ” لما ترتفع حرارة السيارة أوقفها ولا لا؟” ، “إزاي أخفض حرارة موتور العربية بسرعة على الطريق؟”، لو لاحظت مؤشر حرارة السيارة بدأ يقرب من المنطقة الحمراء، مش دايماً بيكون الحل إنك تزود المية وتكمل السكة، لازم تعرف إن ارتفاع حرارة السيارة ممكن يكون إنذار لمشكلة كبيرة. علشان كده فورسواب هتكلمك بالتفصيل عن أسباب سخونة السيارة المفاجئة، إزاي تهدي الموتور في دقائق؟ وكيفية التعامل مع سخونة محرك السيارة طول فترة الصيف لتجنب تلف الموتور.
لو ناوي تشتري عربية مستعملة قريب يبقى النصايح دي مهمة ليك ” أهم نصائح الخبراء قبل شراء عربية مستعملة .. خلي بالك” .. وبعدها تقدر تشوف عربيات مستعملة للبيع على فورسواب في اللينك ده وتختار المناسبة لميزانيتك!
ما هي علامات أرتفاع درجة حرارة محرك السيارة؟
-
- إضاءة لمبة مؤشر درجة الحرارة: وده يعتبر أول علامة تدل على ارتفاع درجة حرارة المحرك.
- صوت غليان وفوران: ممكن تسمع صوت غليان وفوران من تحت غطاء المحرك.
- تغيير في أداء المحرك: ممكن تواجه صعوبة في زيادة السرعة أو تبطئ المحرك.
- من اعراض ارتفاع حرارة السيارة: تأخر في استجابة المحرك لدواسة البنزين، المحرك ممكن يستجيب ببطء لدواسة البنزين عند ارتفاع درجة الحرارة.
- رائحة غير عادية: ممكن تلاحظ رائحة غريبة أو مايلة لرائحة الحريقة جاية من المحرك.
- خروج بخار أو دخان من تحت غطاء المحرك: البخار ممكن يبقى واضح من أسفل غطاء المحرك أو من الرادياتير.
- تغير في لون سائل التبريد: ممكن يتغير لون سائل التبريد بسبب الحرارة العالية يميل للون البني.
- تسرب سائل التبريد: ممكن تلاحظ تسرب سائل التبريد من الرادياتير أو خزان التمدد.
- تكتكة أو أصوات غريبة: ممكن المحرك يصدر تكتكة أو أصوات غريبة نتيجة لارتفاع الحرارة.
لو عندك عربية مستعملة وعايز تعرضها للبيع أو البدل على فورسواب، تقدر بسهولة
تعمل حساب على فورسواب، وتضيف إعلاناتك مجانآ
ما سبب أرتفاع حرارة السيارة وهي واقفة؟
-
- عُطل في مضخة التبريد: مضخة التبريد تعمل على سريان سائل التبريد داخل المحرك، حدوث خلل فيها بيأدي لعدم تبريد المحرك بشكل جيد، بالتالي ارتفاع درجة حرارة محرك العربية.
- انخفاض مستوى سائل التبريد: يؤثر انخفاض مستوى سائل التبريد على كفاءة دورة التبريد، ووده بيحصل بسبب تبخر السائل أو وجود تسريب في المنظومة أو أننا ننسى نراجع منسوب المياه بشكل دوري.
- انسداد دورة التبريد: يتم انسداد دورة التبريد بسبب الشوائب المختلفة اللي بتأدي لعدم سريان السائل في دورة التبريد بشكل طبيعي، وده بيحصل بسبب تراكم الصدأ أو استخدام سائل تبريد من جودة رديئة، وده بيتسبب في ارتفاع درجة حرارة محرك السيارة.
- عطل في مروحة التبريد: مروحة التبريد من أهم العناصر في دورة التبريد، لأنها بتقوم بطرد الهواء الساخن خارج السيارة ليتمكن المحرك من العمل بشكل سليم في درجة حرارة مناسبة.
- وجود تسريب في منظومة التبريد: التسريب في منظومة التبريد بيتسبب في ارتفاع درجة حرارة محرك السيارة.
- انخفاض منسوب الزيت في المحرك: هل نقص زيت السيارة يسبب ارتفاع درجة الحرارة؟ يؤدي انخفاض زيت المحرك لزيادة احتكاك الأجزاء الداخلية وتوليد الطاقة الحرارية داخل المحرك، واللي بيصعب المهمة على منظومة التبريد للوصول لدرجة الحرارة المناسبة، لأن انخفاض زيت المحرك بيأثر على كتير من الوظائف الهامة بالسيارة، ومن بينها درجة الحرارة.
لو في أي مشاكل في عربيتك .. هنا جمعنا لك دليل مراكز صيانة السيارات في القاهرة
وأهمية الصيانة الدورية للسيارة
حلول مشكلة ارتفاع حرارة السيارة
-
- الوقوف المباشر على جانب الطريق.
- إطفاء المحرك.
- فتح غطاء المحرك بحذر بعد الانتظار لفترة.
- إيقاف تشغيل مكيف الهواء.
- فتح جميع نوافذ السيارة.
- انتظار انخفاض درجة حرارة المحرك.
- مراجعة منسوب سائل التبريد إذا كان منخفض زوده أثناء تشغيل المحرك.
- مراجعة منسوب زيت المحرك، لو منخفض زوده.
ما هي أسباب تأخر تشغيل السيارة وهي ساخنة؟
-
- صعوبة تشغيل السيارة عندما يكون المحرك ساخنًا مشكلة شائعة بتواجه ناس كتير، خاصة في الأيام الحارة، عند محاولة تشغيل السيارة بعد فترة قصيرة من إيقافها، أوقات المحرك بيرفض العمل بشكل فوري، أو بيحتاج لكذا محاولة عشان يشتغل، ده معناه أن فيه خلل في أحد مكونات النظام الميكانيكي أو الكهربائي للسيارة زي البطارية، الدينمو، أو نظام الوقود، أو شمعات الإشعال.
- ممكن يكون السبب في كده هو ارتفاع درجة حرارة المحرك، وتأثيره على الأداء العام للأجزاء الحيوية، مما يؤدي لفشلها في تأدية وظائفها بالشكل المطلوب. كده وضحنا أسباب صعوبة تشغيل محرك الديزل وهو ساخن.
بالفيديو: أسباب ارتفاع محرك السيارة والحلول بالتفصيل
@elgarageshow ♬ original sound – الجراج
أكتر أسئلة شائعة عن ارتفاع حرارة محرك السيارة في الصيف
يعتمد الوقت اللي بتحتاجه السيارة عشان تبرد على عوامل كتيرة، ممكن ياخد من 10-15 دقيقة في الشتاء، وفي الصيف ممكن ياخد ساعة أو أكثر، ومن أهم العوامل اللي بتأثر على وقت تبريد محرك السيارة: نوع المحرك لأن السيارات اللي محركاتها أكبر بتاخد وقت أطول في التبريد، وجود مشكلة في منظم الحرارة: لو منظم الحرارة لا يعمل بشكل صحيح، فهياخد المحرك وقت أطول في التبريد.
ارتفاع حرارة سيارات هيونداي بيحصل نتيجة عدة عوامل، من أهمها نقص سائل التبريد، حدوث عطل في نظام التبريد زي مضخة الماء او الثرموستات، أو حدوث أعطال في الردياتير، أو مروحة التبريد، وأحيانا بسبب مشكلات في نظام مكيف الهواء
ارتفاع درجة حرارة المحرك في الصيف أمر طبيعي، خاصةً في الزحام الشديد أو عند تشغيل المكيف على أقصى درجة. المهم لا تتجاوز الحرارة المعدل الطبيعي لسيارتك (عادةً ما بين 85 و100 درجة مئوية)، وتجنب وصولها إلى المنطقة الحمراء في العداد.
علشان تكون السيارة باردة من الداخل، افتح النوافذ أولًا لطرد الهواء الساخن، ثم شغل المكيف واستخدم زرار تدوير الهواء الداخلي ليعمل بكفاءة أكبر. أما بالنسبة للمحرك، فتأكد من مستوى سائل التبريد بانتظام، ومن سلامة نظام التبريد.
لو مؤشر الحرارة ارتفع فجأة وانت على الطريق، أهم حاجة تعملها هي تهدّي السرعة وتطفي المكيف. اركن على جنب في مكان آمن، استنى شوية وافتح كبوت العربية عشان المحرك يبرد. وكمان استنى حوالي 20 دقيقة قبل ما تحاول تفتح غطاء الرديتر، وحاول تتصل بفني مختص لو معرفتش تحدد المشكلة.
ممكن يكون فيه أسباب كتير، أشهرها، نقص سائل التبريد (ماء الرديتر)، عطل في بلف الحرارة (الترموستات)، عطل في مروحة التبريد، تسريب في نظام التبريد.
ايوة فعلاً، نقص أو عدم وجود ماء التبريد من أشهر وأخطر أسباب ارتفاع الحرارة. سائل التبريد هو المسؤول الأول عن امتصاص الحرارة الزائدة من المحرك وطردها، ونقصه يمنع هذه العملية.
بالتأكيد، إذا تعطلت طرمبة المياه (مضخة الماء)، فإنها لن تتمكن من تدوير سائل التبريد في المحرك. بالتالي، يبقى السائل الساخن داخل المحرك، مما يؤدي إلى ارتفاع درجة الحرارة بشكل كبير.
حتى لو الماء كامل، ممكن العربية تسخن بسبب عطل في مروحة التبريد، انسداد في الرديتر أو خراطيم التبريد، تلف في بلف الحرارة (الترموستات).
بتكون الحرارة خطيرة لو مؤشر العداد وصل للمنطقة الحمراء، أو لو شفت دخان/بخار طالع من الكبوت، أو لو لاحظت إن أداء العربية ضعف بشكل ملحوظ. في الحالات دي، لازم توقف العربية فورًا.
أسهل طريقة تعرف بيها هي إنك تبص على مؤشر الحرارة في لوحة القيادة. لو لقيته بيتحرك ناحية المنطقة الحمراء، ده معناه إن الحرارة مرتفعة. كمان ممكن تلاحظ خروج بخار من الكبوت أو وجود رائحة احتراق غريبة.
خروج الماء من الرديتر مع ارتفاع الحرارة غالبًا بيكون بسبب ضغط زائد في نظام التبريد. ده ممكن يكون سببه تلف في غطاء الرديتر، أو انسداد في النظام، أو حتى مشكلة في “جوان وش السلندر”.
أثناء السرعة، بيحتاج المحرك لتبريد أكبر. لو فيه مشكلة في نظام التبريد زي نقص السائل، أو عطل في طرمبة المياه، أو انسداد في الرديتر، مش بيقدر النظام يواكب التبريد المطلوب، فترتفع الحرارة بشكل ملحوظ.
لو عايز تعرف أكتر عن أخبار التكنولوجيا والعربيات وآخر أخبار سوق العقارات في مصر، تابع مدونة فورسواب هتلاقي عليها كل المعلومات اللي تهمك اللي تساعدك في إتخاذ قرارات الشراء.
رولز رويس في مصر: كل ما تريد معرفته عن الوكيل الرسمي الأول والأسعار 
أشياء مهمة يجب معرفتها قبل شراء BMW مستعملة 
الميكانيكي بيقولك: أشهر أعطال ومشاكل السيارات وأسبابها وحلول ليها 
مراكز صيانة السيارات في القاهرة وأهمية الصيانة الدورية للسيارة 
أفضل سيارات كهربائية في مصر 2025 بمواصفاتها والأسعار 
انخفاض كبير في أسعار كيا سبورتاج بمصر 2025 
